27th Jun2019

ຫົວໜ້າໄອຍາການປະຊາຊົນສູງສຸດ ໄດ້ລາຍງານຕໍ່ກອງປະຊຸມສະພາ ກ່ຽວກັບການປະຕິບັດກົດໝາຍ ຂອງອົງການສືບສວນ-ສອບສວນ

by somchan

ທ່ານ ຄຳສານ ສຸວົງ ຫົວໜ້າອົງການໄອຍາການ ປະຊາຊົນສູງສຸດໄດ້ລາຍງານຕໍ່ ກອງປະຊຸມສະໄໝສາມັນເທື່ອທີ 7 ຂອງສະພາແຫ່ຊາດຊຸດທີ 8 ກ່ຽວກັບການຕິດຕາມກວດກາ ການປະຕິບັດກົດໝາຍ ຂອງອົງການສືບສວນ-ສອບສວນ ເຊີ່ງທ່ານໄດ້ກ່າວວ່າ:

ໃນໄລຍະຜ່ານມາໄດ້ເອົາໃນໃສ່ຕິດຕາມ ກວດກາການປະກອບຂໍ້ມູນຫຼັກຖານຕ່າງໆ ໃນສຳນວນຄະດີ ຈຳນວນ 10,068 ເລື່ອງ ແລະ ໄດ້ມີຄຳເຫັນຕາມມາດຕາ 152ຂອງກົດໝາຍວ່າດ້ວຍການດຳເນີນຄະດີອາຍາເຊັ່ນ: ໄດ້ສົ່ງສຳນວນຄະດີຄືນ ໃຫ້ເຈົ້າໜ້າທີ່ເພື່ອດຳເນີນການ ສືບສວນ-ສອບສວນ ຄືນໃໝ່ 2,213 ເລື່ອງ ທີ່ເຫັນວ່າຂໍ້ມູນຫຼັກຖານບໍ່ທັນຄົບຖ້ວນ ແລະ ໜັກແໜ້ນຮັດກຸມ, ໂຈະການດຳເນີນຄະດີ 41 ເລື່ອງ, ຊັດມຽ້ນ 345 ເລື່ອງ ແລະ ຖະແຫຼງສົ່ງສານຂັ້ນຕົ້ນ 6,706 ເລື່ອງ.

ທ່ານຍັງກ່າວຕື່ມວ່າ ສຳລັບມາດຕະການແກ້ໄຂໃນຕໍ່ໜ້າ ຈະເພີ່ມທະວີການຊີ້ນຳ-ນຳພາ ຂອງຄະນະພັກຂັ້ນຕ່າງໆ ໃນການປະຕິບັດໜ້າທີ່ຂອງ ພະນັກງານໄອຍາການ ແລະ ເຈົ້າທີສືບສວນ-ສອບສວນ ທຸກຂັ້ນຢ່າງເປັນລະບົບ, ແທດເຖີງຕົວຈິງ ແລະ ມີຈຸດສຸມເພື່ອຊອກໃຫ້ເຫັນຈຸດດີ ແລະ ດ້ານຕັ້ງໜ້າແນ່ໃສ່ເສີມຂະຫຍາຍ, ພ້ອມທັງເດັດດ່ຽວ ແກ້ໄຂປະກົດການຫຍໍ້ທໍ້ໃນຖັນແຖວພະນັກງານ ໄອຍາການກໍ່ຄືຖັນແຖວພະນັກງານສືບສວນ-ສອບສວນ ຢ່າງເດັດຂາດເຂັ້ມງວດຕາມກົດໝາຍ.

Off

Comments are closed.