03rd Jul2019

ຊຸດຝຶກອົບຮົມ ການຜະລິດລາຍການ ວິທະຍຸ-ໂທລະພາບ ອອນລາຍ

by somchan

ສະມາຄົມນັກຂ່າວແຫ່ງ ສປປລາວ ຮ່ວມກັບສະມາຄົມນັກຂ່າວວິທະຍຸ-ໂທລະພາບ ແຂວງ ເພັດສະບູນ ປະເທດໄທ ໄດ້ຈັດຝຶກອົບຮົມການຜະລິດລານການວິທະຍຸ-ໂທລະພາບ ອອນລາຍຂື້ນໃນວັນທີ 2 ກໍລະກົດ 2019 ໂດຍການເປັນປະທານຂອງທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງ ສປປລາວ ໃຫ້ກຽດເຂົ້າຮ່ວມມີທ່ານ ໂພສີ ແກ້ວມະນີ ອຳນວຍການສະຖານີວິທະຍຸກະຈຽງສຽງ ແຫ່ງຊາດລາວ

ມີບັນດາຄະນະອຳນວຍການ, ນັກວິທະນາກອນຈາກສະມາຄົມນັກຂ່າວວິທະຍຸ-ໂທລະພາບ ແຂວງ ເພັດສະບູນ ປະເທດໄທ ພ້ອມດ້ວຍນັກສຳມະນາກອນຈາກສື່ມວນຊົນຂະແໜງການຕ່າງໆອ້ອມຂ້າງສູນກາງ ແລະ ທ້ອງຖິ່ນເຂົ້າຮ່ວມ.

ທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງ ສປປລາວ ໄດ້ກ່າວວ່າ: ຊຸດຝຶກອົບຮົມໃນຄັ້ງນີ້ແມ່ນມີຄວາມໝາຍຄວາມສຳຄັນໃນການພັດທະນາສື່ມວນຊົນລາວໃຫ້ກ້າວໄປສູ່ລະບົບທີ່ທັນສະໄໝ, ສົມຄູ່ກັບການຂະຫຍາຍຕົວຂອງສັງຄົມໃນປະຈຸບັນ, ເຮັດໃຫ້ວຽກງານການໂຄສະນາດຳເນີນໄປຢ່າງວ່ອງໄວຊັດເຈນ, ຖືກຕ້ອງ ແລະ ທັນສະພາບການຕົວຈິງ, ນັກສຳມະນາກອນທີ່ເຂົ້າຮ່ວມຝຶກອົບຮົມໃນຄັ້ງນີ້ແມ່ນຈະໄດ້ຮຽນຮູ້ກ່ຽວກັບການຜະລິດລາຍການຜ່ານສື່ອອນລາຍ, ເຕັກນິກການຖ່າຍພາບ, ຖ່າຍວີດີໂອ, ຕັດຕໍ່ພາບວີດີໂອດ້ວຍການນຳໃຊ້ໂທລະສັບມືຖືສະມາດໂຟນ, ການເຜີຍແຜ່ສື່ທາງຢູທູບ, ເຟດບຸກ ແລະ ການນຳໃຊ້ໂປຼແກມຕ່າງໆໃນສື່ອອນລາຍ.

ຊຸດຝຶກອົບຮົມໃນຄັ້ງນີ້ແມ່ນດຳເນີນໄປເປັນເວລາ 2 ວັນ.

Off

Comments are closed.