03rd Jul2019

ປກສ ນະຄອນຫຼວງວຽງຈັນ ເຜີຍແຜ່ເຊື່ອມຊຶມເອກະສານສຶກສາອົບຮົມ ການເມືອງແນວຄິດເພື່ອກະກຽມດຳເນີນ ກອງປະຊຸມໃຫ່ຍ 3 ຂັ້ນ.

by somchan

ອົງຄະນະພັກກອງບັນຊາການ ປກສ ນະຄອນຫຼວງວຽງຈັນ ຈັດຕັ້ງເຜີຍແຜ່ເຊື່ອມຊຶມເອກະສານ ສຶກສາອົບຮົມການເມືອງແນວຄິດເພື່ອ ກະກຽມດຳເນີນກອງປະຊຸມໃຫ່ຍຂອງພັກ 3 ຂັ້ນ ໃນວັນທີ 3 ກໍລະກົດນີ້ ໂດຍການໃຫ້ກຽດເຜີຍແຜ່ເອກະສານໂດຍ ພົຈວ ບຸບຜາ ສີພົມມາ, ຄະນະປະຈຳພັກນະຄອນຫຼວງວຽງຈັນ

ເລຂາຄະນະພັກ, ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ມີບັນດາເລຂາຄະນະພັກຮາກຖານ-ຄະນະຫ້ອງກອງພັນ, ຄ້າຍຄຸມຂັງ-ດັດສ້າງ ແລະ ສາມາຊິກພັກເຂົ້າຮ່ວມ.

ພົຈວ ບຸບຜາ ສີພົມມາ, ຄະນະປະຈຳພັກນະຄອນຫຼວງວຽງຈັນ, ເລຂາ ຄະນະພັກ, ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ໄດ້ຍົກໃຫ້ເຫັນການກຳເນີດ ແລະ ທາດແທ້ຂອງພັກປະຊາຊົນປະຕິວັດລາວ, ມູນເຊື້ອຂອງພັກ ແລະ ຄວາມໝາຍຄວາມສຳຄັນກ່ຽວກັບຄວາມສາມັກຄີເປັນເອກະພາບພາຍໃນພັກ, ທິດທາງ, ວິທີການເສີມຂະຫຍາຍມູນເຊື້ອຂອງພັກ ແລະ ຄວາມສາມັກຄີເປັນເອກະພາບໃນພັກ, ຄວາມຈຳເປັນ ແລະ ຄວາມຮຽກຮ້ອງຕ້ອງການໃນການຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ຄວາມໝາຍຄວາມສຳຄັນຂອງຄຸນທາດການເມືອງຄຸນສົມບັດສິນທຳປະຕີວັດ ແລະ ບັນຫາສຳຄັນອື່ນໆ.

ທ່ານຍັງໄດ້ກ່າວຕື່ມວ່າ ຈຸດປະສົງໃນການຈັດຕັ້ງເຜີຍແຜ່ເຊື່ມຊຶມເອກະສານໃນຄັ້ງນີ້ ກໍ່ເພື່ອເຮັດໃຫ້ຄະນະພັກ, ສະມາຊິກພັກ, ພະນັກງານນຳພາ-ບັນຊາໃນກົມກອງອ້ອມຂ້າງກອງບັນຊາການ ປກສ ນະຄອນຫຼວງວຽງຈັນ ໄດ້ຮັບຮູ້ເຂົ້າໃຈຕໍ່ເນື້ອໃນເອກະສານ ແລະ ນຳເອົາເນື້ອໃນຈິດໃຈຂອງເອກະສານທີ່ໄດ້ເຜີຍແຜ່ເຊື່ອມຊຶມໃນຄັ້ງນີ້ນຳໄປຈັດຕັ້ງຜັນຂະຫຍາຍເຂົ້າໃນວຽກງານຢູ່ໃນກົມກອງຂອງຕົນຕາມທິດຊີ້ນຳຂອງພັກໃຫ້ໄດ້ຮັບໝາກຜົນສູງສຸດ.

Off

Comments are closed.