17th Jul2019

ມ້າງກຸ່ມແກ້ງເຄື່ອນໄຫວລັກຊັບຂອງພົນລະເມືອງ ປະເພດລົດຈັກໄດ້ທັງໝົດ 15 ຄົນ

by somchan

ຫວ່າງບໍ່ດົນມານີ້ ເຈົ້າໜ້າທີ່ຕຳຫຼວດ ເມືອງໄຊທານີ ນະຄອນຫຼວງວຽງຈັນ ໄດ້ສົມທົບກັບ ປກສ ກຸ່ມດົງໂດກ ມ້າງກຸ່ມແກ້ງເຄື່ອນໄຫວລັກຊັບຂອງພົນລະເມືອງ ປະເພດລົດຈັກໄດ້ທັງໝົດ 15 ຄົນຄື: ທ້າວ ສຸລິພອນ ຫຼື ຈອນນີ່ ອາຍຸ 25 ປີ ຢູ່ບ້ານ ສີສະຫວາດ ເມືອງຈັນທະບູລີ, ທ້າວ ຄະນອງ ຫຼື ກົບ ອາຍຸ 36 ປີ ຢູ່ບ້ານດົງບອງ ເມືອງນາຊາຍທອງ, ທ້າວ ສາມໂທນ ອາຍຸ 28 ປີ ຢູ່ບ້ານໂນນສະຫວັນ ເມືອງສີໂຄດຕະບອງ, ທ້າວ ໄມສອນ ອາຍຸ 29 ປີ, ທ້າວ ຫຼຽນໄຊ ຫຼື ດຳ ອາຍຸ 34 ປີ ທັງສອງຢູ່ບ້ານຊຳເຄ້, ທ້າວ ບຸນຍົງ ຫຼື ໂລ່ ອາຍຸ 20 ປີ ຢູ່ບ້ານ ຄຳສະຫວາດ, ທ້າວ ສຸດສະຫວັນ ຫຼື ໂຕ່ ອາຍຸ 29 ປີ ບ້ານວັງຊາຍ ທັງສີ່ຄົນຢູ່ເມືອງ ໄຊເສດຖາ, ທ້າວ ຂັວນຕາ ຫຼື ປາໄຊ ອາຍຸ 32 ປີ ຢູ່ບ້ານນາທົ່ມ, ທ້າວ ແສງສຸລີ ຫຼື ກະຈ້ອນ ອາຍຸ 33 ປີ ຢູ່ບ້ານດົງໂດກ, ທ້າວ ກົງທອງ ອາຍຸ 38 ປີ ຢູ່ບ້ານໜອງພະຍາ, ທ້າວອານຸລັກ ຫຼື ລ໋ອກກີ່ ອາຍຸ 20 ປີ ຢູ່ບ້ານຕານມີໄຊ, ທ້າວເດດອານົນ ອາຍຸ 15 ປີ ຢູ່ບ້ານຄຳຮຸ່ງ, ທ້າວບົວຈັນ ອາຍຸ 26 ປີ ຢູ່ບ້ານໜອງພະຍາ ແລະ ທ້າວ ສຸກທານິນ ອາຍຸ 23 ປີ ພັກເຊົາຢູ່ບ້ານທ່າງ່ອນ ທັງ 7 ຄົນຢູ່ເມືອງໄຊທານີ ນະຄອນຫຼວງວຽງຈັນຄື:

ໃນໄລຍະເດືອນພຶດສະພາ 2019 ພວກກ່ຽວໄດ້ເຄື່ອນໄຫວລັກລົດຈັກຂອງພົນລະເມືອງ ຢູ່ຂອບເຂດເມືອງໄຊທານີ ໄດ້ຈົດຈັກທັງໝົດ 46 ຄົນ ແລະ ເຈົ້າໜ້າທີ່ຕຳຫຼວດສາມາດກັກຕົວພວກກ່ຽວໄດ້ໃນວັນທີ 13 ພຶດສະພາຜ່ານມາ ສາມາດເກັບກູ້ລົດຈັກຄືນມາໄດ້ 20 ຄັນ ພ້ອມທັງສາມາດກວດພົບແລະຢຶດຢາບ້າໄດ້ 924 ເມັດ.

ປະຈຸບັນເຈົ້າໜ້າທີ່ຕຳຫຼວດ ເມືອງໄຊທານີ ກຳລັງປະກອບສຳນວນຄະດີສົ່ງໃຫ້ສານຕັດສິນລົງໂທດພວກກ່ຽວຕາມກົດໝາຍ.

Off

Comments are closed.