18th Jul2019

ລມຕ ກະຊວງ ປກສ ຕ້ອນຮັບສະຫະພັນຕຳຫຼວດອົດສະຕຣາລີ ປະຈຳລາວ

by somchan

ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ພ້ອມຄະນະ, ໄດ້ຕ້ອນຮັບການພົບປະຢ້ຽມຢາມຂອງ ພົນໂທ ນ້ຽວ ເກເກີ້ນ ຮອງຫົວໜ້າກອງບັນຊາການທີ່ປຶກສາສະຫະພັນຕຳຫຼວດອົດສະຕຣາລີ ປະຈຳ ສປປ ລາວ ພ້ອມດ້ວຍຄະນະ ໃນວັນທີ 17 ກໍລະກົດ 2019 ນີ້ ຢູ່ທີ່ກະຊວງປ້ອງກັນຄວາມສະຫງົບ.

ການພົບປະໃນຄັ້ງນີ້ ທັງສອງຝ່າຍໄດ້ປຶກສາຫາລືກັນທາງດ້ານວຽກງານສະກັດກັ້ນ ແລະ ຕ້ານຢາເສບ, ອາດຊະຍາກຳຂ້າມຊາດ, ການຄ້າມະນຸດ, ການລ່ວງລະເມີດທາງເພດຕໍ່ເດັກ ແລະ ບັນຫາອື່ນໆ ພ້ອມທັງການຮ່ວມມືກັບພາກສ່ວນທີ່ກ່ຽວຂ້ອງຢູ່ທີ່ ແຂວງຫຼວງພະບາງຂອງລາວຕື່ມອີກ. ການພົບປະໃນຄັ້ງນີ້, ນອກຈາກເປັນການປຶກສາຫາລືຮ່ວມມືທາງດ້ານວຽກງານວິຊາສະເພາະແລ້ວ ຍັງເປັນການຮັດແໜ້ນຄວາມຮັກແພງສາມັກຄີມິດຕະພາບລະຫວ່າງສອງກຳລັງກໍ່ຄືສອງປະເທດລາວ-ອົດສະຕຣາລີ.

Off

Comments are closed.