19th Aug2019

ຈັບພວກ ຄ້າ-ຂາຍ ຢາເສບຕິດໄດ້ 1 ຄົນພ້ອມຂອງກາງ 9 ພັນກ່ວາເມັດ

by somchan

ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງ ຊົນບູລີ ແຂວງສະຫວັນນະເຂດ ໄດ້ຮັບແຈ້ງວ່າ : ມີເປົ້າໝາຍລັກລອບຄ້າ-ຂາຍຢາເສບຕິດ ຢູ່ຖຽງນາເຂດບ້ານກະລາງເໜືອ ເມືອງຈຳພອນ ແຂວງສະຫວັນນະເຂດ, ຈາກນັ້ນເຈົ້າໜ້າທີ່ໜ່ວຍງານ ສະກັດກັ້ນ ແລະ ຕ້ານຢາເສບຕິດ ປກສ ເມືອງ ວາງກຳລັງເຂົ້າກວດກາ ແລະ ຕິດຕາມເປົ້າໝາຍ ຈົນມາຮອດວັນທີ 8 ສີງຫາ 2019 ສາມາດຈັບຕົວຜູ້ຖືກຫາໄດ້ 1 ຄົນ, ຊື່ ທ້າວ ເກີ້ນ ອາຍຸ 17 ປີ ປະຊາຊົນຢູ່ບ້ານ ກະລາງເໜືອ ເມືອງຈຳພອນແຂວງສະຫວັນນະເຂດ, ພ້ອມຢາບ້າ 4 ມັດ ກັບ 6 ຖົງ ແລະ 70 ເມັດ.

ຜ່ານການສອບສວນຂອງເຈົ້າໜ້າທີ ຜູ້ກ່ຽວໃຫ້ການວ່າ ຢາບ້າຈຳນວນດັ່ງກ່າວແມ່ນຂອງຕົນແທ້, ປະຈຸບັນຄະດີດັ່ງກ່າວຍັງຢູ່ໃນຂັ້ນຕອນ ການສອບສວນຫາຜູ້ຮ່ວມຂະບວນການ ເພື່ອນຳຕົວມາດຳເນີນຄະດີຕາມກົດໝາຍ.

Off

Comments are closed.