03rd Sep2019

ຮອງ ລມຕ ກະຊວງ ປກສ ເຂົ້າຮ່ວມ ກອງປະຊຸມສະຫຼູບວຽກງານປ້ອງກັນ ໂຄງການກໍ່ສ້າງທາງລົດໄຟລາວ-ຈີນ

by somchan

ອານຸກຳມະການປ້ອງກັນໂຄງການ ກໍ່ສ້າງທາງໄຟ້າລາວ-ຈີນ ໄດ້ຈັດກອງປະຊຸມສະຫຼູບວຽກງານປ້ອງກັນ 6 ເດືອນຕົ້ນປີ 2019 ໃນວັນທີ 2 ກັນຍາ ນີ້ ໂດຍການເປັນປະທານ ຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີບັນດາອະນຸກຳມະການ, ກົມກອງວິຊາສະເພາະອ້ອມຂ້າງກະຊວງເຂົ້າຮ່ວມ.

ພັທ ວິທອງ ພົມທະວີ ຫົວໜ້າກອງເສນາຊ່ວຍວຽກ ປ້ອງກັນໄດ້ກ່າວວ່າ: ໃນໄລຍະ 6 ເດືອນຜ່ານມາ ຄະນະຮັບຜິດຊອບປ້ອງກັນທາງລົດໄຟ ລາວ-ຈີນ ໄດ້ຈັດຕັ້ງຄະນະຊີ້ນຳ-ບັນຊາລວມ, ຄະນະກອງເສນາຊ່ວຍວຽກ ປ້ອງກັນສົມທົບກັບ ປກສ ແຂວງໄດ້ລົງກວດກາ, ຕິດຕາມ, ຊຸກຍູ້ການປະຕິບັດໜ້າທີ ແລະ ສືກສາອົບຮົມການເມືອງແນວຄິດໃຫ້ພະນັກງານ-ນັກຮົບທີເຮັດໜ້າທີປ້ອງກັນທາງລົດໄຟ ລາວ-ຈີນ ຢ່າງເປັນປົກກະຕິ ແລະ ໄດ້ກວດກາຕິດຕາມ, ຊຸກຍູ້ກຳລັງປ້ອງກັນແຕ່ລະເດືອນປົກກະຕິ ເຮັດໃຫ້ພະນັກງານ-ນັກຮົບ ປະຕິບັດໜ້າທີດ້ວຍຄວາມຮັບຜິດຊອບ, ມີສະຕິລະວັງຕົວຕໍ່ກົນອຸບາຍຂອງກຸ່ມຄົນບໍ່ດີທີຫວັງກໍ່ເຫດໃນຂອບເຂດຄວາມຮັບຜິດຊອບຂອງຕົນ ຄະນະບັນຊາແຕ່ລະຈຸດໄດ້ເອົາໃຈໃສ່ແບ່ງຄວາມຮັບຜິດຊອບໃຫ້ກຳລັງປ້ອງກັນເວນຍາມ, ປະຕິບັດຕາມຕາຕະລາງກວດກາລາດຕະເວນຂອບເຂດຄວາມຮັບຜິດຊອບເປັນປົກກະຕິ ແລະ ການນຸ່ງຖືການປະກອບອາວຸດຍຸດໂທ ກໍ່ເປັນລະບົບຄົບຊຸດ ແລະ ຮັກສາຄວາມສະຫງົບ ໄດ້ໂດຍພື້ນຖານ ພ້ອມກັນນັ້ນກໍ່ໄດ້ປະສານກັບ ປກສ ກຸ່ມ ແລະ ອຳນາດການປົກຄອງທ້ອງຖີ່ນ, ພາກສ່ວນທີ່ກ່ຽວຂ້ອງ ໃນການຮັກສາຄວາມສະຫງົບ ແລະ ແກ້ໄຂບັນຫາຕ່າງໆທີ່ເກີດຂື້ນ ສະແດງອອກມີສະພາບປະກົດການຫຍໍ້ທໍ້ເກີດຂື້ນ 58 ລາຍ, ສາມາດແກັໄຂໄດ້ 49 ລາຍ, ກັກຕົວ 51 ຄົນ, ສຳລັບ 6 ເດືອນທ້າຍປີ 2019 ຈະສືບຕໍ່ເອົາໃຈໃສ່ກຳແໜ້ນສະພາບການຕ່າງໆຢ່າງຮອບດ້ານ ເພື່ອມີວິທີການສະກັດກັ້ນ ແລະ ແກ້ໄຂທັນເວລາ, ສືບຕໍ່ປະສານສົມທົບກັບພາກສ່ວນຕ່າງໆທີກ່ຽວຂ້ອງ ເພື່ອຮັບປະກັນການປະຕິບັດໜ້າທີວິຊາສະເພາະມີປະສິດທິຜົນ, ເພື່ອຮັບປະກັນໃຫ້ແກ່ໂຄງການກໍ່ສ້າງທາງລົດໄຟ ລາວ-ຈີນ ມີຜົນສຳເລັດຕາມຈຸດປະສົງລະດັບຄາດໝາຍຂອງຂັ້ນເທີງວາງອອກ ແລະ ຮັບປະກັນໃຫ້ມີຄວາມສະຫງົບ ທາງດ້ານການເມືອງ ມີຄວາມເປັນລະບຽບຮຽບຮ້ອຍທາງສັງຄົມ, ໂດຍສົມທົບແໜ້ນກັບກຳລັງປ້ອງກັນຊາດ, ອົງການຈັດຕັ້ງທຸກພາກສ່ວນທີ່ກ່ຽວຂ້ອງ ອຳນາດການປົກຄອງທັອງຖີ່ນ ຕະຫຼອດເຖີງປະຊາຊົນໃຫ້ເປັນພັນທະ ແລະ ໜ້າທີຂອງໝົດທຸກຄົນ ໃນການປ້ອງກັນຄວາມສະຫງົບປອດໄພ 100 %

Off

Comments are closed.