16th Sep2019

ຊຸກເຊືອງຢາບ້າ 30 ມັດ ໄວ້ແຄມທາງ ກຽມ ຊື້-ຂາຍ

by somchan

 

ໃນວັນທີ 8 ກັນຍາ 2019 ນີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງສະຫວັນະເຂດ ໄດ້ສະກັດກັ້ນແກ້ໄຂສະພາບຄົນບໍ່ດີຈຳນວນໜຶ່ງທີ່ກຳລັງເຄື່ອນໄຫວຄ້າຂາຍຢາເສບຕິດ ຢູ່ເຂດບ້ານຫຼັກ 35 ເມືອງຈຳພອນ ແຂວງສະຫວັນນະເຂດ ສາມາດກັກຕົວໄດ້ 1 ຄົນຄື: ທ້າວ ສົມບັດ  ບ້ານນາອຸດົມ ເມືອງສອງຄອນ ແຂວງສະຫວັນນະເຂດ

ຜ່ານການສືບສ່ວນ-ສອບສວນຜູ້ກ່ຽວໄດ້ໃຫ້ຮູ້ວ່າ: ໄດ້ນັດຊື້ຂາຍຢາບ້າກັບພວກຮ່ວມຂະບວນການຢູ່ຈຸດດັ່ງກ່າວ, ສ່ວນຢາບ້າແມ່ນຊຸກເຊື່ອງໄວ້ແຄມທາງ ເລກທີ 13 ໃຕ້ ຂອບເຂດບ້ານຫຼັກ 35 ຫາ ເຊໂນ ເຈົ້າໜ້າທີ່ຈຶ່ງຄຸມຕົວຜູ້ກ່ຽວ ໄປຊີ້ຈຸດບ່ອນຊຸກເຊືອງຢາບ້າ ຈິ່ງເຫັນຢາບ້າຈຳນວນ 30 ມັດ ເທົ່າກັບ 60,000 ເມັດ, ສ່ວນຜູ້ຮ່ວມຂະບວນການທີ່ມານຳກັນໄດ້ຂັບລົດຫຼົບໜີ.

ປັດຈຸບັນລາຍຄະດີດັ່ງກ່າວ ເຈົ້າໜ້າທີ່ພວມສືບສວນ-ສອບສວນຕາມຂັ້ນຕອນຂອງກົດໝາຍ ສ່ວນເປົ້າໝາຍເອົາຕົວຫຼົບໜີ ທາງໜ້າທີ່ຍັງສືບຕໍ່ເພື່ອມາດຳເນີນຄະດີຕາມກົດໝາຍ.

Off

Comments are closed.