19th Sep2019

ກອງປະຊຸມໃຫຍ່ຄັ້ງທີ VI ຂອງໜ່ວຍພັກຮາກຖານກົມກວດກາ-ກວດການ ປ້ອງກັນຄວາມສະຫົງບ

by somchan

ກອງປະຊຸມໃຫຍ່ຄັ້ງທີ VI ຂອງໜ່ວຍພັກຮາກຖານກົມກວດກາ-ກວດການ ປ້ອງກັນຄວາມສະຫົງບ ໄດ້ຈັດໃນວັນທີ 19 ກັນຍານີ້, ພາຍໃຕ້ການເປັນປະທານຂອງ ພົຈວ ດວງປີ ດາມະນີວົງ ຄະນະພັກກະຊວງ ເລຂາໜ່ວຍພັກ ຫົວໜ້າກົມກວດກາ-ກວດການ, ໂດຍການເປັນກຽດເຂົ້າຮ່ວມຂອງ ພົຕ ປອ ສົມຫັວງ ທຳມະສິດ ຄະນະປະຈຳພັກກະຊວງ ປະທານກວດກາພັກ

ຮອງລັດຖະມົນຕີ ກະຊວງປ້ອງກັນຄວາມສະຫົງບ, ມີຄະນະພັກ, ແຂກຖືກເຊີນ ແລະ ສະມາຊິກພັກເຂົ້າຮ່ວມ.

ພົຈວ ດວງປີ ດາມະນີວົງ ໄດ້ຜ່ານບົດລາຍງານການເມືອງ ໂດຍໄດ້ຕີລາຄາຜົນການຊີ້ນຳ-ນຳພາ ການຈັດຕັ້ງປະຕິບັດວຽກງານໃນໄລຍະ 5 ປີຜ່ານມາ ຄະນະພັກໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ແກ່ສະມາຊິກພັກ, ພະນັກງານ-ນັກຮົບ ຢ່າງເປັນປົກກະຕິດ້ວຍຫຼາຍເນື້ອໃນ, ຫຼາຍຮູບການ ເປັນຕົ້ນແມ່ນຈັດຕັ້ງເຊື່ອມຊືມແນວທາງນະໂຍບາຍພັກ, ບັນດາເອກະສານມະຕິ, ຄຳສັ່ງຕ່າງໆ ເຫັນໄດ້ວ່າສະມາຊິກພັກສ່ວນຫຼາຍມີຄວາມໜັກແໜ້ນທາງດ້ານການເມືອງແນວຄິດ, ມີຄວາມເຊື່ອໝັ້ນຕໍ່ການນຳພາຂອງພັກ, ຕັ້ງໜ້າປະຕິບັດມະຕິ, ຄຳສັ່ງຂອງຂັ້ນເທິງຢ່າງເຂັ້ມງວດ. ວຽກງານກວດກາພັກ ໄດ້ພົວພັນປະສານສົມທົບກັບກົມໃຫຍ່ການເມືອງໂດຍສະເພາະແມ່ນກົມພັກ ລົງຕິດຕາມ, ກວດກາ, ຊຸກຍູ້ບັນດາການຈັດຕັ້ງຂອງພັກ, ຄະນະພັກຂັ້ນຕ່າງໆ ແລະ ສະມາຊິກພັກຢູ່ອ້ອມຂ້າງອົງຄະນະພັກກະຊວງປ້ອງກັນຄວາມສະຫົງບ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ແລະ ກົດລະບຽບສະໄໝທີ X ຂອງພັກປະຊາຊົນ ປະຕິວັດລາວ ກໍ່ຄືມະຕິກອງປະຊຸມໃຫຍ່ ສະໄໝທີ IV ຂອງອົງຄະນະພັກ ກະຊວງປ້ອງກັນຄວາມສະຫົງບ ຢ່າງເປັນປົກກະຕິ ແລະ ທົ່ວເຖິງ, ບັນດາການຈັດຕັ້ງພັກແຕ່ລະຂັ້ນໄດ້ຮັບການປັບປຸງດີຂຶ້ນ ແລະ ມີລັກສະນະຄົບຖ້ວນ, ຖືກຕ້ອງຕາມກົດລະບຽບຂອງພັກ, ປະຈຸບັນຢູ່ອ້ອມຂ້າງອົງຄະນະພັກກະຊວງ ປະກອບມີ 13 ຄະນະພັກ, 1 ຄະນະພັກຮາກຖານ, 4 ໜ່ວຍພັກຮາກຖານຂຶ້ນກັບ, ມີສະມາຊິກພັກທັງໝົດ 6.915 ສະຫາຍ, ສະມາຊິກພັກສຳຮອງ 1.151 ສະຫາຍ. ການຂະຫຍາຍພັກແມ່ນຮັບປະກັນດ້ານຄຸນນະພາບ ເຊີ່ງສາມາດຂະຫຍາຍສະມາຊິກພັກໄດ້ 1,204 ສະຫາຍ, ເລື່ອນສຳຮອງຂຶ້ນສົມບູນ 815 ສະຫາຍ, ນອກນັ້ນຄະນະພັກແຕ່ລະຂັ້ນກໍ່ໄດ້ນຳພາໜ່ວຍພັກດຳເນີນຊີວິດການເມືອງ, ສຳຫຼວດກວດກາຕີລາຄາຈັດແບ່ງປະເພດໜ່ວຍພັກ, ສະມາຊິກພັກໃນແຕ່ລະປີ. ໄດ້ສົມທົບກັບກົມພັກ, ຄະນະພັກແຕ່ລະຂັ້ນດຳເນີນການກວດກາການປະຕິບັດກົດລະບຽບຂອງສະມາຊິກພັກຜ່ານການກວດກາເຫັນວ່າສະມາຊິກພັກສ່ວນຫຼາຍປະຕິບັດຕາມລະບຽບຂອງພັກໄດ້ເປັນຢ່າງດີ, ແຕ່ກໍ່ມີສະມາຊິກພັກຈຳນວນໜື່ງລະເມີດກົດລະບຽບຂອງພັກ 36 ພ້ອມນັ້ນກໍ່ໄດ້ຕິດຕາມກວດກາການເຄື່ອນໄຫວປະຕິບັດໜ້າທີ່ຂອງນາຍ ແລະ ພົນຕຳຫຼວດ ຢູ່ບັນດາກົມກອງອ້ອມຂ້າງກະຊວງ, ປກສທ້ອງຖິ່ນ ມີຜູ້ລະເມີດກົດໝາຍ, ສວຍໃຊ້ສິດອຳນາດ ແລະໜ້າທີ່ຕຳແໜ່ງຫາຜົນປະໂຫຍດສ່ວນຕົວ, ສໍ້ໂກງ, ໃຫ້ ແລະຮັບສິນບົນ ມີ 180 ເປົ້າໝາຍ, ສ້າງຜົນເສຍຫາຍ 2 ຕື້ກ່ວາກີບ, ເງິນໂດລາ 1 ໝື່ນ8 ພັນ ໂດລາ, ເງິນບາດ 4 ແສນກ່ວາບາດ.

ຕໍ່ຜົນເສຍຫາຍດັ່ງກ່າວ ສາມາດເກັບກູ້ຄືນໄດ້ 1 ຕື້ກ່ວາກີບ, ເງິນບາດ 2 ແສນກ່ວາບາດ, ນາຍແລະພົນຕຳຫຼວດທີ່ຜິດຕໍ່ລະບຽບຂອງກຳລັງປ້ອງກັນຄວາມສະຫົງບມີ 169 ຄົນ, ໃນນີ້ກ່າວເຕືອນ 13 ຄົນ, ໂຈະການເລື່ອນຊັ້ນ 32 ຄົນ, ປົດຊັ້ນ, ປົດຕຳແໜ່ງ 24 ຄົນ ແລະໄລ່ອອກຈາກກຳລັງ 100 ຄົນ. ສຳລັບວຽກງານກໍ່ສ້າງພັກໄດຢຶດຖື 5 ຫຼັກການ, 3ທິດນຳໃນການປັບປຸງ ແລະກໍ່ສ້າງພັກໃຫ້ມີຄວາມເຕີບໃຫຍ່, ເຂັ້ມແຂງ, ສະມາຊິກພັກແຕ່ລະສະຫາຍໄດ້ເປັນແບບຢ່າງນຳໜ້າໃຫ້ແກ່ມະຫາຊົນ. ຜ່ານບັ້ນດຳເນີນຊີວິດການເມືອງຕີລາຄາຈັດແບ່ງປະເພດສະມາຊິກພັກ, ພະນັກງານ, ໜ່ວຍພັກ, ກົມກອງ ໃນແຕ່ລະປີສາມາດໄດ້ຍາມມະຍົດກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ 9 ປີ ຕິດຕໍ່ກັນ. ເອົາໃຈໃສ່ຕິດຕາມມະຫາຊົນກ້າວໜ້າເຂົ້າຮຽນສະໜັບສະໜູນ 7 ສະຫາຍ, ເຂົ້າພັກສຳຮອງ 3 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 6 ສະຫາຍ. ໃນກອງປະຊຸມຍັງໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ໃນນີ້ມີຜູ້ສະໝັກ 7 ສະຫາຍ, ຄັດເລືອກເອົາ 5 ສະຫາຍ.

 

Off

Comments are closed.