24th Sep2019

ກອງປະຊຸມສ່ອງແສງວຽກງານພັກ – ວຽກງານການເມືອງຂອງກໍາລັງປກສ ແຂວງ-ນະຄອນຫຼວງວຽງຈັນ

by somchan

ໃນວັນທີ 23 ກັນຍາ 2019 ນີ້ ທີ່ກອງບັນຊາການ ປກສ ແຂວງວຽງຈັນ ໄດ້ຈັດກອງປະຊຸມສ່ອງແສງວຽກງານພັກ-ວຽກງານການເມືອງ ຂອງກໍາລັງປ້ອງກັນຄວາມສະຫງົບ ແຂວງ-ນະຄອນຫຼວງວຽງຈັນ ປະຈໍາໄຕມາດ III ໂດຍການເຂົ້າຮ່ວມຂອງ ສະຫາຍ ພົນຕີ ປອ ສົມຫວັງ ທໍາມະສິດ ຄະນະປະຈໍາພັກກະຊວງ, ຮອງລັດຖະມົນຕີກະຊວງປ້ອງກັນຄວາມສະຫງົບ

, ມີບັນດາສະຫາຍຕາງໜ້າກົມໃຫຍ່, ຫ້ອງວ່າການກະຊວງປ້ອງກັນຄວາມສະຫງົບ, ກອງບັນຊາການ ປກສ ນະຄອນຫຼວງ, ກອງບັນຊາການ ປກສ ແຂວງວຽງຈັນ ແລະ ກອງບັນຊາການ ປກສ ແຂວງໄຊສົມບູນ ເຂົ້າຮ່ວມ.

ໃນກອງປະຊຸມໄດ້ສະຫຼຸບລາຍງານ ກ່ຽວກັບວຽກງານພັກ-ວຽກງານການເມືອງ ປະຈໍາໄຕມາດທີ່ III ຂອງ ປກສ ແຂວງວຽງຈັນ, ປກສ ນະຄອນຫຼວງ ແລະ ປກສ ແຂວງໄຊສົມບູນ ກ່ຽວກັບສະພາບຈຸດພິເສດ ແລະ ສະພາບການຕ່າງໆ ໂດຍສະເພາະແມ່ນປະກົດການຫຍໍ້ທໍ້ທີ່ເກີດຂື້ນໃນສັງຄົມ ແລະພາຍໃນກົມກອງຂອງຕົນ ເອົາໃຈໃສ່ເຄື່ອນໄຫວວຽກງານການເມືອງຂອງຕົນຢ່າງຕັ້ງໜ້າ ເຄື່ອນໄຫວຊອກຄົ້ນໜໍ່ແໜງທີ່ຈະກໍ່ຄວາມບໍ່ສະຫງົບ, ກໍ່ສ້າງວຽກງານການເມືອງ, ຕິດພັນກັບວຽກງານ 3 ສ້າງ ກໍ່ຄືວຽກງານປັບປຸງກໍ່ສ້າງກໍາລັງ, ວຽກງານພະລາທິການ, ເຕັກນິກ ແລະ ວຽກງານພົວພັນຕ່າງປະເທດ ສາມາດຍາດໄດ້ຜົນງານຫຼາຍດ້ານ, ຕີລາຄາຄືນສະພາບການພົວພັນຄວາມບໍ່ສະຫງົບ, ປອດໄພ, ຢູ່ພາຍໃນປະເທດ, ການຈັດຕັ້ງປະຕິບັດວຽກງານປ້ອງກັນຄວາມສະຫງົບ ໃນໄລຍະຜ່ານມາ ກໍ່ຄືການເຄື່ອນໄຫວປັບປຸງກໍ່ສ້າງກໍາລັງ ທາງດ້ານການເມືອງນໍາພາແນວຄິດ, ການຈັດຕັ້ງ, ຍົກສູງບົດບາດການນໍາພາຂອງພັກ, ການຈັດຕັ້ງປະຕິບັດໜ້າທີ່ຂອງອົງການຈັດຕັ້ງມະຫາຊົນ ເວົ້າລວມແມ່ນປະຕິບັດ 4 ຄາດໝາຍ, 4 ແຜນງານໃຫຍ່ 41 ໂຄງການ ຂອງຄະນະພັກກະຊວງ ຍົກໃຫ້ເຫັນດ້ານຕັ້ງໜ້າຜົນງານດ້ານດີທີ່ໄດ້ເຮັດສໍາເລັດ ແລະ ບັນດາຈຸດອ່ອນຂໍ້ຄົງຄ້າງ ພ້ອມທັງວິທີແກ້ໄຂ ແລະ ຄວາມເປັນເອກະພາບ ຕໍ່ທິດທາງແຜນການຈຸດສຸມໃນຕໍ່ໜ້າ.

ໃນໂອກາດນີ້ ພົນຕີ ປອ ສົມຫວັງ ທໍາມະສິດ ຄະນະປະຈໍາພັກກະຊວງ, ຮອງລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ໃຫ້ກຽດໂອລົມ ພ້ອມທັງໃຫ້ທິດຊີ້ນໍາຫຼາຍບັນຫາ ກ່ອນອື່ນສະຫາຍ ໄດ້ຍ້ອງຍໍຊົມເຊີຍຕໍ່ກັບຜົນງານທີ່ບັນດາກອງບັນຊາການ ແຕ່ລະແຂວງທີ່ເຄື່ອນໄຫວຈັດຕັ້ງປະຕິບັດວຽກງານທີ່ໄດ້ຮັບຜົນສໍາເລັດໃນໄລຍະຜ່ານມາ ພ້ອມດຽວກັນນັ້ນກໍ່ໄດ້   ເໜັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນຂອງກອງບັນຊາການ ປກສ ແຂວງວຽງຈັນ, ກອງບັນຊາການ ປກສ ແຂວງໄຊສົມບູນ, ນະຄອນຫຼວງວຽງຈັນ ພ້ອມກັນເພີ່ມທະວີຊີ້ນໍາ-ນໍາພາວຽກງານປົກປັກຮັກສາສະຖຽນລະພາບທາງດ້ານການເມືອງ ແລະຄວາມເປັນລະບຽບຮຽບຮ້ອຍຂອງສັງຄົມ, ເອົາໃຈໃສສຶກສາອົບຮົມການເມືອງແນວຄິດຢ່າງເລິກເຊິ່ງແທດເຖິງແຕ່ລະເປົ້າໝາຍ ຕັ້ງໜ້າປັບປຸງກໍາລັງທີ່ຢູ່ໄຕ້ຄວາມຮັບຜິດຊອບຂອງຕົນ, ຕິດພັນກັບການກໍ່ສ້າງຮາກຖານພັກປອດໃສ ເຂັ້ມແຂງ ໜ້ກແໜັນ ແລະ ສ້າງພະນັກງານສືບທອດປ່ຽນແທນຢ່າງຕໍ່ເນື່ອງໃຫ້ມີປະສິດທິຜົນສືບຕໍ່ຫັນເອົາພະນັກງານລົງກໍ່ສ້າງຮາກຖານການເມືອງ, ສຸມໃສ່ປຸກລະດົມປະຊາຊົນເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີຄວາມເຂັ້ມແຂງຮອບດ້ານເພີ່ມທະວິການພົວພັນຮ່ວມມືກັບກໍາລັງປ້ອງກັນຄວາມສະຫງົບບັນດາປະເທດອ້າຍນ້ອງ ແລະ ເພື່ອນມິດ ແນໃສ່ສ້າງສະຖຽນລະພາບທາງດ້ານການເມືອງ ແລະການຮ່ວມມືກັບສາກົນ ທັງນີ້ກໍ່ເພື່ອເຮັດໃຫ້ແຕ່ລະແຂວງມີຄວາມສະຫງົບທາງດ້ານການເມືອງ, ມີຄວາມເປັນລະບຽບຮຽບຮ້ອຍໃນສັງຄົມ.

Off

Comments are closed.