24th Sep2019

ລາວ-ຣົງກາລີ ສຶບຕໍ່ໂຄງການວຽກງານ ເກັບກຳສະຖິຕິປະຊາກອນຂອງ ສປປ ລາວ

by somchan

ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບ ແລະ ພົບປະຂອງ ທ່ານ ຊີເວດສະເຕີ ບູດ ເອກອັກຄະລັດຖະທູດວິສາມັນຜູ້ມີອຳນາດເຕັມ ຣົງກາລີ ປະຈຳສາທາລະນະລັດ ປະຊາທິປະໄຕ ປະຊາຊົນລາວ ເຊີ່ງມີສຳນັກງານສະຖານທູດຕັ້ງຢູ່ບາງກອກ ຣາຊະອານາຈັກໄທ ພ້ອມດ້ວຍຄະນະໃນວັນທີ 24 ກັນຍາ 2019 ນີ້ ທີ່ຫ້ອງຮັບແຂກກະຊວງປ້ອງກັນຄວາມສະຫງົບ.

ໃນໂອກາດນີ້ ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຕ້ອນຮັບຢ່າງອົບອຸ່ນ ມີໄມຕີຈິດ ມິດຕະພາບ ໃນການພົວພັນຮ່ວມມືເຊີ່ງກັນ ແລະ ກັນ ລະຫວ່າງສອງປະເທດ ເວົ້າລວມ ເວົ້າສະເພາະກໍ່ຄືອົງການທີ່ກ່ຽວຂ້ອງ ກັບກະຊວງປ້ອງກັນຄວາມສະຫງົບ ໃນໄລຍະຜ່ານມາ ເປັນຕົ້ນແມ່ນການພົວພັນຮ່ວມມືສອງຝ່າຍເຊັ່ນ: ໂຄງການກູ້ຍືມເງີນຂອງລັດຖະບານ ຣົງກາລີ ທີ່ພົວພັນເຖີງວຽກງານໂຄງການຄຸ້ມຄອງສຳມະໂນຄົວ ການເກັບກຳສະຖິຕິປະຊາກອນຂອງ ສປປ ລາວ ທີ່ໄດ້ເຊັນສັນຍາຮ່ວມມືກັບກຸ່ມບໍລິສັດ ຣົງກາລີ ໃນໄລຍະຜ່ານມາ. ແຕ່ວຽກງານດັ່ງກ່າວ, ແມ່ນມີຄວາມຫຼ້າຊ້າ ຂອດປະສານງານລະຫວ່າງເຈົ້າຂອງໂຄງການ ແລະ ກຸ່ມບໍລິສັດຜູ້ລົງທືນເຮັດວຽກດັ່ງກ່າວ ຕາມສັນຍາບໍ່ມີຄວາມສອດຄ່ອງ ແລະ ບໍ່ໄປຕາມຈຸດປະສົງເປົ້າໝາຍ ແຕ່ເຖີງຢາງໃດກໍ່ດີ, ທັງສອງຝ່າຍ ໄດ້ປືກສາຫາລືກັນບົນພື້ນຖານຫຼັກການ ຄວາມເຂົ້າໃຈເຊີ່ງກັນ ແລະ ກັນ, ໃນການແກ້ໄຂວຽກງານດັ່ງກ່າວ ໃຫ້ດຳເດີນໄປຕາມຈຸດປະສົງເປົ້າໝາຍ ໂດຍສະເພາະການປະສານງານ ແລະ ການຮ່ວມມືກ່ຽວກັບໂຄງການ ວຽກງານຄຸັມຄອງສຳມະໂນຄົວ ໃນຂອດທີ່ຍັງຄົງຄ້າງທັງບັນລຸຕາມຄາດໝາຍທີ່ວາງໄວ້.

ພ້ອມນີ້ ທ່ານ ລັດຖະມົນຕີກະຊວງປ້ອງຄວາມສະຫງົບ, ໄດ້ຕີລາຄາສູງ ຕໍ່ການເຂົ້າຢ້ຽມຢາມ ແລະ ພົບປະ ຂອງ ທ່ານ ເອກອັກຄະລັດຖະທູດວິສາມັນ ຜູ້ມີອຳນາດເຕັມ ຣົງກາລີ ປະຈຳ ສປປ ລາວ ໃນຄັ້ງນີ້ ແລະ ເຫັນດີເປັນເອກະພາບ ເພື່ອນຳເອົາເນື້ອໃນການປືກສາຫາລືກັນ ໃນຄັ້ງນີ້ໄປປັບປຸງແກ້ໄຂຂອດທີ່ຍັງຄົງຂ້າງໃນການປະຕິບັດໂຄງການດັ່ງກ່າວ ໃຫ້ບັນລຸຕາມຈຸດປະສົງເປົ້າໝາຍ.

Off

Comments are closed.