30th Sep2019

ລມຕ ກະຊວງ ປກສ ໃຫ້ການຕ້ອນຮັບ ຄະນະຫ້ອງວ່າການ ກະຊວງຕຳຫຼວດ ສສ ຫວຽດນາມ

by somchan

ໃນວັນທີ 27 ກັນຍາ 2019 ນີ້ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງ ປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ພົຈວ ໂຕ ເອີນ ໂຊ ຫົວໜ້າຫ້ອງວ່າການ ກະຊວງຕຳຫຼວດຫວຽດນາມ ພ້ອມຄະນະ, ໃນໂອກາດ ທີ່ເດີ່ນທາງມາຮ່ວມກອງປະຊຸມ ພົບປະແລກປ່ຽນບົດຮຽນກັບຫ້ອງວ່າການ ກະຊວງ ປກສ ລາວ,

ໂອກາດດັ່ງກ່າວ ພົຈວ ໂຕ ເອີນ ໂຊ ຫົວໜ້າຫ້ອງວ່າການກະຊວງຕຳຫຼວດຫວຽດນາມ ໄດ້ລາຍງານຜົນການພົບປະແລກປ່ຽນບົດຮຽນເຊິ່ງກັນ ແລະ ກັນ ກັບຫ້ອງວ່າການກະຊວງປກສ ລາວ ເຫັນວ່າມີຜົນສຳເລັດຕາມຄາດໝາຍ, ພ້ອມດຽວກັນນີ້ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ກໍ່ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການພົບປະແລກປ່ຽນບົດຮຽນຂອງສອງຫ້ອງວ່າການ, ເປັນການສະແດງໃຫ້ເຫັນເຖິງສາຍພົວພັນຮ່ວມມືຂອງສອງກະຊວງ ເວົ້າລວມ, ເວົ້າສະເພາະ ກໍ່ຄືສອງຫ້ອງວ່າການກະຊວງ ປກສ ລາວ ແລະ ກະຊວງຕຳຫຼວດ ຫວຽດນາມ ໃຫ້ມີແໜ້ນແຟ້ນຂຶ້ນກ່ວາເກົ່າ, ພ້ອມກັນສືບຕໍ່ຮ່ວມມືຊ່ວຍເຫຼືອເຊີ່ງກັນ ແລະ ກັນ ໂດຍສະເພາະແມ່ນການກໍ່ສ້າງກຳລັງ ປກສ ແລະ ການຮ່ວມມືກັນດ້ານອື່ນໆ.

 

Off

Comments are closed.