30th Sep2019

ກັກຕົວຜູ້ຕ້ອງຫາຄ້າ-ຂາຍຢາເສບຕິດ 1 ຄົນ ພ້ອມຂອງກາງຢາບ້າ 10,000 ເມັດ ແລະ ຢາໄອສ 2 ກິໂລກຣາມ.

by somchan

ໃນວັນທີ 27 ກັນຍາ 2019 ນີ້ ເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງຊະນະຄາມ ແຂວງວຽງຈັນ ສາມາດກັກຕົວຜູ້ຕ້ອງຫາຄ້າ-ຂາຍຢາເສບຕິດ ໄດ້ 1 ຄົນ ຄືື: ທ້າວແທນ ອາຍຸ 40 ປີ ຢູ່ບ້ານາໝໍ້ ເມືອງໝື່ນ ແຂວງວຽງຈັນ ພ້ອມຂອງກາງຢາບ້າ ຈຳນວນ 10,000 ເມັດ ແລະ ຢາໄອສ 2 ກິໂລກຣາມ , ໂທລະສັບມືຖື 1 ໜ່ວຍ, ລົດຈັກ 1 ຄັນ ທີ່ໃຊ້ເຄື່ອນໄຫວກໍ່ກະທຳຜິດ.

ຕາມການລາຍງານຂອງເຈົ້າໜ້າທີ່ໃຫ້ຮູ້ວ່າ: ພາຍຫຼັງຮັບແຈ້ງຄວາມຈາກພົນລະເມືອງດີ ວ່າມີການລັກລອບຄ້າ-ຂາຍຢາເສບຕິດ ຢູ່ເຂດບ້ານນາກາງເມືອງຊະນະຄາມ. ດັ່ງນັ້ນ, ເຈົ້າໜ້າທີ່ຈຶ່ງໄດ້ຕິດຕາມ ກວດກາ ຈົນສາມາດກັກຕົວຜູ້ຖືກຫາໄດ້ຢູ່ບ້ານແສນຈະເລີນ ເມືອງຊະນະຄາມ ແຂວງວຽງຈັນ.

ຜ່ານການສືບສວນ-ສອບສວນຂອງເຈົ້າໜ້າທີ່ ຜູ້ຖືກຫາໄດ້ຮັບສາລະພາບວ່າ: ຢາເສບຕິດທີ່ເຈົ້າໜ້າທີ່ຢຶດມາໄດ້ນັ້ນ ເປັນຂອງຜູ້ກ່ຽວແທ້ ທີ່ຊື້ມາຈາກຄູ່ຮ່ວມຂະບວນການ ເພື່ອເອົາໄປຂາຍຕໍ່ ແຕ່ຖືກທາງເຈົ້າໜ້າທີ່ກັກຕົວ ໄດ້ກ່ອນ.

ປະຈຸບັນ, ເຈົ້າໜ້າທີ່ພວມດຳເນີນຄະດີຕາມລະບຽບກົດໝາຍ.

Off

Comments are closed.