02nd Oct2019

ພິທີປະກາດການຍົກຍ້າຍ ແລະ ແຕ່ງຕັ້ງຫົວໜ້າກອງບັນຊາການ ປກສ ແຂວງຄຳມ່ວນ.

by somchan

ວັນທີ 30 ກັນຍາ 2019 ຢູ່ທີເຮືອນພັກເລກ1ແຂວງຄຳມ່ວນໄດ້ຈັດພີທີປະກາດການຍົກຍ້າຍ ແລະ ແຕ່ງຕັ້ງຫົວໜ້າກອງບັນຊາການ ປກສ ແຂວງ ຄຳມ່ວນ ໂດຍການເປັນກຽດເຂົ້າຮ່ວມຂອງ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງ ປກສ ມີ ທ່ານ ໂອໄດ ສຸດາພອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຄຳມ່ວນ, ມີບັນດາການນໍາພັກ – ລັດ, ອົງການຈັດຕັ້ງຂັ້ນແຂວງ, ມີຄະນະພັກ ຄະນະບັນຊາ, ພະນັກງານຫຼັກແຫຼ່ງ ທົ່ວກໍາລັງ ປກສ ແຂວງຄຳມ່ວນເຂົ້າຮ່ວມ.


ທ່ານ ພັນໂທ ຄອນສະຫວັນ ສົມພະໄຊ ຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງກະຊວງປ້ອງກັນຄວາມສະຫງົບ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການຍົກຍ້າຍນາຍຕຳຫຼວດ ກອງບັນຊາການ ປກສ ແຂວງຄຳມ່ວນ ເຊິ່ງໄດ້ຕົກລົງຍົກຍ້າຍ ທ່ານ ພັທ ຄຳສິງ ອໍລາວັນ ຫົວໜ້າກອງບັນຊາການ ປກສ ເມືອງໜອງບົກ ໄປຮັບໜ້າທີ່ໃໝ່ ຢູ່ຫ້ອງວ່າການປົກຄອງແຂວງ ຄຳມ່ວນ ແລະ ດຳລັດຂອງນາຍົກລັດທະມົນຕີ ວ່າດ້ວຍການແຕ່ງຕັ້ງ ຫົວໜ້າກອງບັນຊາການປ້ອງກັນຄວາມສະຫງົບແຂວງຄຳມ່ວນແຕ່ງຕັ້ງທ່ານ ພັອ ຄຳພອນ ສີກຸມພົນ ຮັກສາການຫົວໜ້າກອງບັນຊາການ ປກສ ແຂວງ ຄຳມ່ວນ ຂື້ນເປັນຫົວໜ້າກອງບັນຊາການ ປກສ ແຂວງ ຄຳມ່ວນ.
ໃນໂອກາດດັ່ງກ່າວ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງ ປກສ ໄດ້ມີຄຳເຫັນໂອ້ລົມຕໍ່ນາຍຕຳຫຼວດທີ່ໄດ້ຮັບການແຕ່ງຕັ້ງ ແລະ ຍົກຍ້າຍໃນຄັ້ງນີ້ ເຊີ່ງບາງຕອນ ທ່ານ ໄດ້ກ່າວວ່າ: ການປັບປຸງໃນຄັ້ງນີ້ແມ່ນຍ້ອນຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ເປັນກົດເກນພາວະວິໄສ ລະບຽບຫຼັກການຂອງພັກ ເພື່ອປັບປຸງການຈັດຕັ້ງໃຫ້ມີຄວາມໜັກແໜ້ນ ເຕີບໃຫຍ່ເຂັ້ມແຂງສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີການເມືອງ ແລະ ວຽກງານວິຊາສະເພາະໃນແຕ່ລະໄລຍະ ແລະ ຍັງໄດ້ເນັ້ນໜັກໃຫ້ນາຍຕໍຳຫຼວດທີ່ໄດ້ຮັບການແຕ່ງຕັ້ງ ແລະ ຍົກຍ້າຍ ຈົ່ງເພີ່ມທະວີ ຍົກສູງສະຕິຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການມອບໝາຍ ເປັນແບບຢ່າງໃນການຈັດຕັ້ງປະຕິບັດແນວທາງຂອງພັກ ການຊີ້ນຳຂອງຂັ້ນເທິງ ເອົາໃຈໃສ່ກໍ່ສ້າງ – ປັບປຸງກຳລັງຕາມຄວາມຮັບຜິດຊອບໃຫ້ມີແບບແຜນ ໃຫ້ມີຄຸນນະພາບ ເປັນທີ່ໄວ້ເນື້ອເຊື່ອໃຈຂອງປະຊາຊົົນ. ພ້ອມກັນນັ້ນ, ທ່ານຍັງໄດ້ເນັ້ນໜັກໃຫ້ເອົາໃຈໃສ່ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ເພີ່ມທະວີຄວາມສາມັກຄີພາຍໃນໃຫ້ແໜ້ນກ່ວາເກົ່າ.

Off

Comments are closed.