17th Oct2019

ຮອງ ລມຕ ກະຊວງ ປກສ ຕ້ອນຮັບ ກະຊວງພາຍໃນ ແຫ່ງຣາຊາອານາຈັກກຳປູເຈຍ

by somchan

ໃນວັນທີ 16 ຕຸລາ ນີ້ ພົຕ ປອ ສົມຫັວງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ພົອ ປອ ຈັນ ຄິມແສງ ຫົວໜ້າກົມໃຫຍ່ຄຸມຂັງ-ດັດສ້າງ ກະຊວງພາຍໃນ ແຫ່ງຣາຊາອານາຈັກກຳປູເຈຍ ພ້ອມຄະນະ ໃນໂອກາດທີເດີນທາງມາຢ້ຽມຢາມ ແລະ ເຮັດວຽກຮ່ວມກັບກົມຕຳຫຼວດຄຸມຂັງ-ດັດສ້າງ ກະຊວງປ້ອງກັນຄວນມສະຫງົບ.

ໂອກາດດັ່ງກ່າວ ພົຕ ປອ ສົມຫັວງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫົງບ ໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການເຂົ້າຢ້ຽມຂ່ຳນັບໃນຄັ້ງນີ້. ພ້ອມນີ້ ພົອ ປອ ຈັນ ຄິມແສງ ຫົວໜ້າກົມໃຫຍ່ຕຳຫຼວດຄຸມຂັງ-ດັດສ້າງ ກະຊວງພາຍໃນ ກຳປູເຈຍ ໄດ້ລາຍງານຜົນຂອງການພົບປະແລກປ່ຽນບົດຮຽນກັບກົມຕຳຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫົງບ ລາວ ໃຫ້ທ່ານ ຮອງລັດຖະມົນຕີ ໄດ້ຮັບຊາບ ໂດຍສະເພາະແມ່ນ ການແລກປ່ຽນບົດຮຽນກ່ຽວກັບວຽກງານຄຸມຂັງ-ດັດສ້າງຂອງແຕ່ລະປະເທດ, ການຄຸ້ມຄອງ, ການສຶກສາອົບຮົມ, ຝຶກວິຊາຊີບໃຫ້ແກ່ນັກໂທດ ແລະ ວຽກອື່ນໆ ມີຜົນສຳເລັດຕາມຄາດໝາຍ, ໂອກາດນີ້ ທ່ານຮອງລັດຖະມົນຕີກະຊວງປ້ອງກັນຄວາມສະຫົງບກໍ່ໄດ້ຕີລາຄາສູງຕໍ່ຜົນສຳເລັດທີ່ທັງສອງກົມຕຳຫຼວດຄຸມຂັງ-ດັດສ້າງໄດ້ມີການພົບປະແລກປ່ຽນບົດຮຽນເຊີ່ງກັນ ແລະ ກັນ, ພ້ອມທັງເຫັນດີໃຫ້ສືບຕໍ່ພົວພັນຮ່ວມມືເຊີ່ງກັນ ແລະກັນ ໃນວຽກງານຄຸມຂັງ-ດັດສ້າງ ໃຫ້ນັບມື້ແໜ້ນແຟ້ນຍິ່ງໆຂື້ນ.

Off

Comments are closed.