01st Nov2019

ກອງປະະຊຸມໜ່ວຍພັກຮາກຖານ ຫ້ອງການເມືອງ ກົມໃຫ່ຍການເມືອງ ປກສ

by somchan

ໜ່ວຍພັກຮາກຖານຫ້ອງການເມືອງ ກົມໃຫ່ຍການເມືອງ ປ້ອງກັນຄວາມສະຫງົບ ຈັດກອງປະຊຸມໃຫ່ຍຄັ້ງທີ 3 ໃນວັນທີ 31 ຕຸລາ ນີ້, ໂດຍພາຍໃຕ້ການເປັນປະທານຂອງ ພັນເອກ ນາງ ວິໄລ ມັງໜໍ່ເມກ ຄະນະພັກກົມໃຫ່ຍການເມືອງ, ເລຂາໜ່ວຍພັກຮາກຖານຫົວໜ້າຫ້ອງການເມືອງ, ກົມໃຫ່ຍການເມືອງປ້ອງກັນຄວາມສະຫງົບ, ໃຫ້ກຽດເຂົ້າໂດຍ ພົຈວ ຄຳກິ່ງ ຜຸຍຫຼ້າມະນີວົງ ຄະນະປະຈຳພັກກົມໃຫ່ຍການເມືອງ, ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ, ມີຄະນະພັກ, ສະມາຊິກພັກ ແລະ ແຂກຖືກເຊີນເຂົ້າຮ່ວມ.

ພັນເອກ ນາງ ວິໄລ ມັງໜໍ່ເມກ ຄະນະພັກກົມໃຫ່ຍການເມືອງ, ເລຂາໜ່ວຍພັກຮາກຖານ ຫົວໜ້າຫ້ອງການເມືອງ ໄດ້ມີຄຳເຫັນກ່າວໄຂກອງປະຊຸມ ຈາກນັ້ນ ພັທ ບຸນສີ ທຳມະລັງສີ ຄະນະໜ່ວຍພັກຮາກຖານ, ຮອງຫົວໜ້າຫ້ອງການເມືອງ ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ຜ່ານບົດລາຍງານການເມືອງສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ 2 ຂອງໜ່ວຍພັກຮາກຖານໃນ 3 ປີຜ່ານມາ ຕະຫຼອດໄລຍະຜ່ານມາ ຄະນະພັກ, ຄະນະບັນຊາໜ່ວຍພັກຮາກຖານຫ້ອງການເມືອງ ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ເອົາໃຈໃສ່ການນຳພາສຶກສາອົບຮົມການເມືອງແນວຄິດ ໃຫ້ແກ່ສະມາຊິກພັກ, ພະນັກງານ-ນັກຮົບ ດ້ວຍຫຼາຍເນື້ອໃນ ຢ່າງເປັນປົກກະຕິ ແລະ ຕໍ່ເນື່ອງ ໄດ້ເຮັດໃຫ້ຄະນະພັກ, ສະມາຊິກພັກ ແລະ ພະນັກງານ-ນັກຮົບ ຢູ່ໃນຄວາມຮັບຜິດຊອບ ມີແນວຄິດອຸ່ນອ່ຽນທຸ່ນທ່ຽງ ເຊື່ອໜັ້ນຕໍ່ການນຳພາຂອງພັກຢ່າງແທ້ຈິງ ພ້ອມນີ້ຍັງໄດ້ເອົາໃຈໃສ່ຢ່າງຕັ້ງໜ້າປະຕິບັດຕາມທິດຊີ້ນຳຂອງຄະນະພັກ ກົມໃຫ່ຍການເມືອງ ປ້ອງກັນຄວາມສະຫງົບ ໃນແຕ່ລະໄລຍະ ແລະ ເຮັດສຳເລັດເປັນຢ່າງດີ ເປັນຕົ້ນໄດ້ເປັນເສນາທິການໃຫ້ຄະນະພັກກົມໃຫ່ຍການເມືອງ ປກສ ຈັດຕັ້ງເຊື່ອມຊຶມເອກະສານຂອງພັກ ຮັບໃຊ້ໃຫ້ແກ່ບັ້ນດຳເນີນຊີວິດການເມືອງປະຈຳປີ ໂດຍສະເພາະແມ່ນການປັບປຸງປົວແປງພັກ ໂດຍຕິດພັນກັບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ທົ່ວອົງຄະນະພັກກົມໃຫ່ຍການເມືອງ ໃນ 3 ປີ ຜ່ານມາ ສາມາດຄັດເລືອກປະເພດໜ່ວຍພັກ ແລະ ສະມາຊິກພັກຄືໜ່ວຍພັກ 45 ໜ່ວຍ, ໜ່ວຍພັກກາງ 9 ໜ່ວຍ, ອ່ອນໜຶ່ງໜ່ວຍ, ສະມາຊິກພັກແຂງ 1,514 ສະຫາຍ, ກາງ 9 ສະຫາຍ ໄດ້ເປີດຮຽນສະໜັບສະໜູນ ແລະ ຮຽນລະບຽບພັກ ໃຫ້ແກ່ມະຫາຊົນຜູ້ກ້າວໜ້າໄດ້ 18 ຄັ້ງ ມີ 327 ສະຫາຍ, ຮັບມະຫາຊົນເຂົ້າພັກສຳຮອງໄດ້ 118 ສະຫາຍ ແລະ ເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ 120 ສະຫາຍ, ໄດ້ຄົ້ນຄວ້າເອົາພະນັກງານ-ນັກຮົບ ໄປຍົກລະດັບວິຊາສະເພາະຂະແໜງການຕ່າງໆຢູ່ພາຍໃນ ແລະ ຕ່າງປະເທດໄດ້ 205 ສະຫາຍ.

ພ້ອມນີ້ວຽກງານຈັດຕັ້ງ-ນະໂຍບາຍ ໄດ້ເປັນເຈົ້າການຄົ້ນຄວ້າປັບປຸງກົງຈັດການຈັດຕັ້ງໃສ່ແຕ່ລະຕຳແໜງຢູ່ບັນດາກົມກອງອ້ອມຂ້າງກົມໃຫ່ຍການເມືອງປ້ອງກັນຄວາມສະຫງົບໄດ້ 18 ຄັ້ງ ມີ 123 ສະຫາຍ ແລະ ໄດ້ປະກາດເລື່ອນຊັ້ນໃຫ້ພະນັກງານ-ນັກຮົບໄດ້ທັງໝົດ 757 ສະຫາຍ, ຮັບກຳລັງໃໝ່-ກຳລັງທົດແທນເຂົ້າກົມໃຫ່ຍການເມືອງ ປ້ອງກັນຄວາມສະຫງົບໄດ້ 66 ສະຫາຍ ແລະ ອື່ນໆ.

ກອງປະຊຸມຍັງໄດ້ປ່ອນບັດຄັດເລືອກເອົາຄະນະໜ່ວຍພັກຮາກຖານຫ້ອງການເມືອງ ກົມໃຫ່ຍການເມືອງປ້ອງກັນຄວາມສະຫງົບຊຸດໃໝ່ ມີຜູ້ລົງສະໜັກ 5 ສະຫາຍ ແລະ ເລືອກເອົາ 3 ສະຫາຍ ໄດ້ຕາມລະດັບຄາດໝາຍ. ກອງປະຊຸມຄັ້ງປະຖົມມະລຶກໄດ້ເຫັນດີເລືອກເອົາ ພັນເອກ ນາງ ວິໄລ ມັງໜໍ່ເມກ ເປັນເລຂາໜ່ວຍພັກຮາກຖານຫ້ອງການເມືອງ, ພັທ ບຸນສີ ທຳມະລັງສີ ເປັນຮອງເລຂາ ແລະ ພັທ ສີສົມບັດ ໄຊປັນຍາ ເປັນປະທານກວດກາພັກ.

Comments are closed.