13th Nov2019

ກວດຄົ້ນລົດຕູ້ ພົບຢາໄອສ໌ 50 kg

by somchan

ພັນໂທ ພົມມະລາ ບົວລະພາ ຫົວໜ້າກອງບັນຊາການ ປກສ ເມືອງທ່າແຂກ ລາຍງານໃຫ້ຮູ້ວ່າ: ໃນວັນທີ 12 ກັນຍາ 2019 ນີ້ ເຈົ້າໜ້າທີ່ພະແນກຕຳຫຼວດກອງບັນຊາການ ປກສ ເມືອງທ່າແຂກ ແຂວງຄຳມ່ວນ ໄດ້ກວດຄົ້ນລົດຕູ້ສະຕາແລັກ ໝາຍເລກທະບຽນ ກກ 5503 ຄຳມ່ວນ ເຊິ່ງເປັນລົດເປົ້າໝາຍຄ້າຂາຍຢາເສບຕິດ ຢູ່ຂ້າງສະໜາມກິລາແຂວງຄຳມ່ວນ ເຂດບ້ານເລົ່າໂພໄຊ ເມືອງທ່າແຂກ

ໃນຂະນະທີ່ກຳລັງ ກຽມສົ່ງຂ້າມນ້ຳຂອງໄປປະເທດເພື່ອນບ້ານ ຜ່ານການກວດຄົ້ນພາຍໃນລົດພົບເຫັນຢາເສບຕິດປະເພດຢາໄອສ໌ 50 kg ດັ່ງນັ້ນເຈົ້າໜ້າທີ່ຈຶ່ງໄດ້ກັກຕົວຜູ້ຂັບຂີ້ໄດ້ 1 ຄົນ ແລະ ຊັດທອດອີກ 1 ຄົນ ຜູ້ຖືກຫາ ທັງສອງຄົນຄື: ທ້າວ ແກ້ວອຸທອງ (ກິ) ອາຍຸ 51 ປີ ຢູ່ບ້ານທ່າແຂກໃຕ້ ເມືອງທ່າແຂກ ແລະ ທ້າວ ຄຳສີ ອາຍຸ 57 ປີ ຢູ່ບ້ານໂນນສີລາ ເມືອງໜອງບົກ ແຂວງຄຳມ່ວນ.

ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດ ທ້າວ ແກ້ວອຸທອງ ສາລະພາບວ່າ: ຢາໄອສ໌ ຈຳນວນດັ່ງກ່າວແມ່ນ ທ້າວ ຄຳສີ ເປັນຜູ້ເອົາມາສົ່ງໃຫ້ເພື່ອຈະໄປຂາຍໃຫ້ຜູ້ທີ່ສັ່ງຊື້ ແຕ່ກໍ່ຖືກເຈົ້າໜ້າທີ່ຕຳຫຼວດ ກັກຕົວ ກ່ອນ.

ປະຈຸບັນພວກກ່ຽວທັງສອງແມ່ນຖືກເຈົ້າໜ້າທີ່ຕຳຫຼວດດຳເນີນຄະດີຕາມລະບຽບກົດໝາຍ.

Off

Comments are closed.