05th Dec2019

ພິທີສະເຫຼີມສະຫຼອງວັນຕ້ານການສໍ້ລາດ ບັງຫຼວງສາກົນຄົບຮອບ 16 ປີ

by somchan

ອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ຈັດພິທີສະເຫຼີມສະຫຼອງວັນຕ້ານການສໍ້ລາດບັງຫຼວງ ຄົບຮອບ 16 ປີ ຂື້ນໃນຕອນເຊົ້າວັນທີ 5 ທັນວາ 2019 ຢູ່ທີ່ຫໍວັດທະນະທຳແຫ່ງຊາດ ໃຫ້ກຽດເຂົ້າຮ່ວມຂອງທ່ານ ປອ ບຸນທອງ ຈິດມະນີ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ມີຕາງໜ້າອົງງການສະຫະປະຊາຊາດເພື່ອຕ້ານຢາເສບຕິດ ແລະ ອາດສະຍາກຳຂ້າມຊາດປະຈຳ ສປປລາວ,ສະຖານທູດ,ອົງການຈັດຕັ້ງສາກົນ,ອົງກ່ນຈັດຕັ້ງທາງສັງຄົມ,ກະຊວງ-ອົງການ,ສະຖາບັນການສຶກສາ ເຂົ້າຮ່ວມ

ທ່ານ ປອ ບຸນທອງ ຈິດມະນີ ໄດ້ກ່າວຄຳປາໃສໃນພິທີສະເຫຼີມສະຫຼອງວັນຕ້ານການສໍ້ລາດບັງຫຼວງ ເຊີ່ງບາງຕອນທ່ານໄດ້ກ່າວວ່າ:ການສໍ້ລາດບັງຫຼວງແມ່ນສະພາບປະກົດການຫຍໍ້ທໍ້ໜື່ງທີ່ເກີດຂື້ນໃນກົງຈັກການຈັດຕັ້ງ ເປັນໄພອັນຕະລາຍທີ່ສົ່ງຜົນກະທົບ ແລະ ກົດໜ່ວງທ່ວງດືງການພັດທະນາເສດຖະກິດ-ສັງຄົມຂອງແຕ່ລະປະເທດໃນໂລກບໍ່ວ່າຈະແມ່ນປະເທດນ້ອຍ ຫຼື ໃຫຍ່ ,ຮັ່ງມີ ຫຼື ທຸກຍາກ ກໍ່ລ້ວນແຕ່ມີຜົນກະທົບເຊັ່ນດຽວກັນ,ການສໍ້ລາດບັງຫຼວງເປັນໄພຂົ່ມຂູ່ເຖີງຄວາມມີສະຖຽນລະພາບຂອງການຈັດຕັ້ງທັງພາກລັດ ແລະ ເອກະຊົນ,ກໍ່ໃຫ້ເກີດຄວາມບໍ່ສະຫງົບ,ຄວາມບໍ່ຍຸດຕິທຳໃນສັງຄົມ, ເປັນການບັນທອນກຳລັງແຮງ ກໍ່ຄືຄວາມເຊື່ອໝັ້ນ ແລະ ຄ່ານິຍົມຂອງສັງຄົມຕໍ່ບັນດາສະຖາບັນການປົກຄອງ ແລະ ການຈັດຕັ້ງຕ່າງໆ, ໂດຍເຫັນໄດ້ຜົນສະທ້ອນອັນໃຫຍ່ຫຼວງ ແລະ ໄພອັນຕະລາຍ ທີ່ຮ້າຍແຮງຄືດັ່ງກ່າວ ພັກ-ລັດຖະບານແຫ່ງ ສປປລາວ ຈື່ງໄດ້ຖືສຳຄັນ ແລະ ເອົາໃຈໃສ່ຕໍ່ກັບການສະກັດກັ້ນ ແລະ ຕ້ານການສໍ້ລາດບັງຫຼວງ,ຖືເອົາວຽກງານນີ້ເປັນໜ້າທີ່ ແລະ ຄວາມຮັບຜິດຊອບຂອງພັກ-ລັດ ແລະ ການຈັດຕັ້ງທຸກຂັ້ນ,ໄດ້ມອບໃຫ້ອົງການກວດກາລັດຖະບານ ເປັນເສນາທິການໃຫ້ແກ່ພັກ-ລັດ ໃນການຕິດຕາມກວດກາ, ການສະກັດກັ້ນ ແລະ ຕ້ານການສໍ້ລາດບັງຫຼວງ ຊື່ງໄດ້ມີການສ້າງງຕັ້ງຂື້ນຢູ່ທຸກຂະແໜງແຕ່ສູນກາງຮອດທ້ອງຖິ່ນ,ຕະຫຼອດໄລຍະທີຜ່ານມາ ພັກ-ລັດ ໄດ້ເອົາໃຈໃສ່ວາງນະໂຍບາຍ,ອອກມະຕິ,ຄຳສັ່ງວ່າດ້ວຍວຽກງານກວດກາສະກັດກັ້ນ ແລະ ຕ້ານການສໍ້ລາດບັງຫຼວງ,ອອກກົດໝາຍຕ້ານການສໍ້ລາດບັງຫຼວງສະບັບທຳອິດປີ 2005 ແລະ ສະບັບປັບປຸງປີ 2012,ອອກນິຕິກຳລຸ່ມກົດໝາຍຈຳນວນໜຶ່ງເຊັ່ນ:ຍຸດທະສາດຕ້ານການສໍ້ລາດບັງຫຼວງ,ດຳລັດວ່າດ້ວຍການຕິດຕາມກວດກາ ການລົງທຶນຂອງລັດເລີ່ມແຕ່ຫົວທີ ແລະ ນິຕິກຳອື່ນໆ ເພື່ອເປັນບ່ອນອີງໃນການສຶກສາອົບຮົມພະນັກງານ-ລັດຖະກອນ,ທະຫານຕຳຫຼວດ ແລະ ປະຊາຊົນບັນດາເຜົ່າ ຊັ້ນຄົນຕ່າງໆ ໃຫເຮັບຮູ້ ເຂົ້າໃຈ ເຫັນໄດ້ຜົນຮ້າຍກໍ່ຄືໄພອັນຕະລາຍຂອງການສໍ້ລາດບັງຫຼວງ ທັງເປັນເຄື່ອງມືໃນການຕິດຕາມ-ກວດກາ,ສະກັດກັ້ນ ແລະ ຕ້ານການສໍ້ລາດບັງຫຼວງ,ຜ່ານການເຄື່ອນໄຫວດັ່ງກາວ ເຮັດໃຫ້ພະນັກງານ-ລັດຖະກອນ,ທະຫານ,ຕຳຫຼວດ ແລະ ປະຊາຊົນຊັ້ນຄົ້ນຕ່າງໆ ເຫັນໄດ້ໄພອັນຕະລາຍຂອງການສໍ້ລາດບັງຫຼວງ,ສ້າງ ແລະ ປັບປຸງສະຕິເຄົາລົບລະບຽບກົດໝາຍດີຂື້ນເທື່ອລະກ້າວ,ພະນັກງານ-ລັດຖະກອນກໍ່ຄືເຈົ້າໜ້າທີລັດແຕ່ລະຂັ້ນໄດ້ມີການປັບປຸງແກ້ໄຂແບບແຜນວິທີເຮັດວຽກ ກໍ່ຄືການບໍລິການຮັບໃຊ້ສັງຄົມດີຂື້ນ,ມີສະຕິເຄົາລົບລະບຽບກົດໝາຍ,ມີການດຳລົງຊີວິດທີ່ໂປ່ງໃສ,ມີປະຊາທິປະໄຕ ແລະ ຍຸດຕິທຳ

 

Off

Comments are closed.