10th Dec2019

ພິທີມອບ-ຮັບໂຄງການກໍ່ສ້າງ ກອງບັນຊາການປ້ອງກັນຄວາມສະຫງົບ ແຂວງຫຼວງພະບາງຫຼັງໃໝ່

by somchan

ພິທີມອບຮັບໂຄງການກໍ່ສ້າງ ກອງບັນຊາການປ້ອງກັນຄວາມສະຫງົບ ແຂວງຫຼວງພະບາງຫຼັງໃໝ່ ໄດ້ຈັດຂື້ນໃນວັນທີ 9 ທັນວາ 2019 ນີ້, ໂດຍການເຂົ້າຮ່ວມຂອງ ທ່ານ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ທ່ານ ຄຳຂັນ ຈັນທະວີສຸກ ເຈົ້າແຂວງໆຫຼວງພະບາງ ມີຕາງໜ້າຫົວໜ້າກົມ ຫົວໜ້າຫ້ອງ ແລະ ພະແນກທີ່ກ່ຽວຂ້ອງ ອ້ອມຂ້າງແຂວງ ພ້ອມດ້ວຍພະນັກງານເຂົ້າຮ່ວມ.

ໂຄງການກໍ່ສ້າງກອງບັນຊາການປ້ອງກັນຄວາມສະຫງົບ ແຂວງຫຼວງພະບາງ ແມ່ນບໍລິສັດຈິດຈະເລີນກໍ່ສ້າງຈຳກັດຜູ້ດ່ຽວ ເປັນຜູ້ຮັບເໝົາກໍ່ສ້າງ ປະກອບມີ 7 ໜ້າວຽກຄື: ວຽກກໍ່ສ້າງອາຄານ ຫ້ອງການ 3 ຊັ້ນ, ມີເນື້ອທີ 2,920 ຕາແມັດ ມີ 80 ຫ້ອງ, ເນື້ອທີ 78 ແມັດ, ວຽກກໍ່ສ້າງລານຈອດລົດ ເນື້ອທີ 901 ຕາແມັດ, ວຽກປັບປຸງຖົມດິນເນື້ອທີ່ທັງໝົດ 208,395 ຕາແມັດ, ວຽກຕາຄ່າຍໄຟຟ້ານອກອາຄານ, ຕິດຕັ້ງໂທລະສັບ ລະບົບສາຍອິນເຕີເນັດ, ລະບົບກອງວົງຈອນປິດ, ລະບົບໂປເຈັກເຕີ ເຄື່ອງສຽງຫ້ອງປະຊຸມ, ລະບົບປັບອາກາດ ວຽກກໍ່ສ້າງທາງລົດ ແລະ ຮ່ອງລະບາຍນ້ຳ ລວມມູນຄ່າກໍ່ສ້າງທັງໝົດ 48 ຕື້ກິບ, ໂຄງການດັ່ງກ່າວອແມ່ນລົງມືກໍ່ສ້າງ ແຕ່ວັນທີ 3 ສິງຫາ 2016 ແລະ ໄດ້ສຳເລັດ 100 % ໃນວັນທີ 31 ພະຈິກ 2019.

ໃນພິທີ ພົຈວ ສົມຈັນ ແກັວຈັນດາ ຫົວໜ້າກອງບັນຊາການ ປກສ ແຂວງຫຼວງພະບາງ ແລະ ທ່ານ ຟອງ ວິໄລລັກ ຮອງອຳນວຍການບໍລິສັດ ຈິດຈະເລີນກໍ່ສ້າງ ຜູ້ຮັບເໝົາໂຄງການ ໄດ້ຮ່ວມກັນລົງນາມ ເຊັນບົດບັນທືກ ມອບ-ຮັບ ໂດຍມີທ່ານລັດຖະມົນຕີກະຊວງປ້ອງກັນຄວາມສະຫງົບ, ທ່ານ ເຈົ້າແຂວງໆຫຼວງພະບາງ ພ້ອມດ້ວຍພາກສ່ວນທີກ່ຽວຂ້ອງເປັນສັກຂີພະຍານ

ໂອກາດດັ່ງກ່າວ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ແລະ ທ່ານ ຂັນຄຳ ຈັນທະວີສຸກ ເຈົ້າແຂວງໆຫຼວງພະບາງ ພ້ອມດ້ວຍຕາງໜ້າກົມ ຫົວໜ້າຫ້ອງ ແຂກຖືກເຊີນ ແລະ ພະນັກງານ ໄດ້ຮ່ວມກັນຕັດແຂບຜ້າປ່ອຍໝາກປູມເປົ້າ ແລະ ປູກດອກໄມ້ ເພື່ອເປັນສິລິມຸງຄຸ່ນໃຫ້ແກ່ການມອບຮັບ ພ້ອມທັງທ່ຽວຊົມອາຄານ ກອງບັນຊາການ ປກສ ແຂວງ ຫຼວງພະບາງຫຼັງໃໝ່ຕື່ມອີກ.

 

 

 

Off

Comments are closed.