31st Dec2019

ລມຕ ກະຊວງ ປກສ ຕ້ອນຮັບຄະນະຜູ້ແທນກົມພົວພັນຕ່າງປະເທດ ກະຊວງຕຳຫຼວດ ສສ ຫວຽດນາມ

by somchan

ວັນທີ 30 ທັນວາ 2019 ພົທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ໄດ້ຕ້ອນຮັບການພົບປະຢ້ຽມຂອງ ພົຕ ເຈືອງ ວັນ ທົງ ຫົວໜ້າກົມພົວພັນຕ່າງປະເທດ ກະຊວງຕຳຫຼວດ ສສ ຫວຽດນາມ ເນື່ອງໃນໂອກາດທີ່ທ່ານ ແລະ ຄະນະເດີນທາງມາເຮັດວຽກຮ່ວມກັບກົມພົວພັນຕ່າງປະເທດ ຫ້ອງວ່າການ ກະຊວງ ປກສ ລາວ ໃນການເຂົ້າຢ້ຽມຂ່ຳນັບໃນຄັ້ງນີ້ ເພື່ອລາຍງານຜົນສຳເລັດການເຄື່ອນໄຫວວຽກງານພົວພັນຕ່າງປະເທດຂອງສອງກະຊວງໃຫ້ທ່ານລັດຖະມົນຕີກະຊວງ ປກສ ຮັບຊາບ ໂດຍສະເພາະແມ່ນຜົນສຳເລັດໃນການຈັດຕັ້ງປະຕິບັດແຜນການຮ່ວມມືປະຈຳປີ 2019,ການຮ່ວມມືໃນຂົງເຂດປ້ອງກັນຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ,ການຮ່ວມມືປະສານສົມທົບກັນລະຫວ່າງບັນດາກົມກອງວິຊາສະເພາະຕ່າງໆທັງສູນກາງ ແລະ ທ້ອງຖິ່ນ ໄດ້ມີການພົບປະແລກປ່ຽນບົດຮຽນ,ການຮ່ວມມືກໍ່ສ້າງກຳລັງລະດັບຕ່າງໆ,ການຮ່ວມມືຊ່ວຍເຫຼືອອຸປະກອນເຕັກນິກວິຊາສະເພາະ ແລະ ອື່ນໆ,ການປຶກສາຫາລືແຜນການຮ່ວມມືປະຈຳປີ 2020 ເນື້ອໃນພື້ນຖານແມ່ນສືບຕໍ່ໃນຂົງເຂດວຽກງານທີ່ໄດ້ພົວພັນຮ່ວມມືກັນຜ່ານມາ,ໂອກາດດັ່ງກ່າວ ລັດຖະມົນຕີກະຊວງ ປ້ອງກັນຄວາມສະຫົງບໄດ້ສະແດງຄວາມຕ້ອນຮັບ, ຊົມເຊີຍຜົນສຳເລັດ ແລະ ການມາພົບປະແລກປ່ຽນບົດຮຽນວຽກງານວິຊາສະເພາະ ເຊີ່ງມີຄວາມສຳຄັນຫຼາຍສຳລັບສອງກະຊວງ ໃນໄລຍະຜ່ານມາກໍ່ໄດ້ມີການແລກປ່ຽນບົດຮຽນ ຊ່ວຍເຫຼືອເຊີ່ງກັນ ແລະ ກັນ,ການມາແລກປ່ຽນບົດຮຽນຄັ້ງນີ້ສະແດງໃຫ້ເຫັນເຖີງການສືບຕໍ່ຮັດແໜ້ນຄວາມສາມັກຄີ ການພົວພັນຮ່ວມມືຂອງສອງພັກ-ສອງລັດ ເວົ້າລວມ ເວົ້າສະເພາະສອງກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຫວຽດນາມໃຫ້ນັບມື້ໝັ້ນຄົງທະນົງແກ່ນ ແລະ ແໜ້ນແຟ້ນຍີ່ງໆຂື້ນ.

Off

Comments are closed.