03rd Jan2020

ພິທີມອບອັດຖິທະຫານອາສາສະໝັກ ແລະ ຊ່ຽວຊານຫວຽດນາມກັບຄືນປະເທດ

by somchan

ພິທີມອບ-ຮັບອັດຖິທະຫານອາສາສະໝັກ ແລະ ຊ່ຽວຊານ ສສ ຫວຽດນາມ ທີ່ເສຍສະຫຼະຊີວິດ ໃນສົງຄາມຢູ່ 6 ແຂວງ ພາກເໜືອຂອງລາວກັບຄືນປະເທດ ໄດ້ຈັດຂຶ້ນໃນວັນທີ 2 ມັງກອນ 2020 ນີ້ ຢູ່ທີ່ສະໂມສອນປົກຄອງແຂວງອຸດົມໄຊ ໂດຍການເຂົ້າຮ່ວມຂອງ ທ່ານ ປອ ຄຳພັນ ເຜີຍຍະວົງ ເຈົ້າແຂວງໆອຸດົມໄຊ ພົຈວ ສີທາ ດວງມາລາ ຫົວໜ້າກົມນະໂຍບາຍ ກະຊວງປ້ອງກັນປະເທດ ມີ ພົຈວ ເຈື່ອນ ງ໋ອກ ຕັວນ ຮອງຫົວໜ້າການເມືອງທະຫານເຂດ ທັງເປັນຫົວໜ້າຄະນະຊີ້ນຳ 515 ທະຫານເຂດ 2 ສສ ຫວຽດນາມ, ມີການນຳພັກ-ລັດ ຄະນະປະຕິບັດງານພິເສດ ລາວ-ຫວຽດນາມ 6 ແຂວງພາກເໜືອຂອງລາວຄື: ບໍ່ແກ້ວ, ຫຼວງນ້ຳທາ, ຜົ້ງສາລີ, ອຸດົມໄຊ, ຫຼວງພະບາງ ແລະ ໄຊຍະບູລີ, ສອງກຳລັງປ້ອງກັນຊາດ-ປ້ອງກັນຄວາມສະຫງົບແຂວງ, ພ້ອມດ້ວຍມວນຊົນຊາວລາວ-ຫວຽດນາມ ທີ່ດຳລົງຊີວິດຢູ່ອຸດົມໄຊເຂົ້າຮ່ວມ.

ທ່ານ ຄຳພຽງ ຢາຈົງວາ ຮອງເຈົ້າແຂວງໆອຸດົມໄຊ ໄດ້ກ່າວວ່າ: ເພື່ອເປັນການປະຕິບັດແນວທາງ ນະໂຍບາຍຂອງພັກ, ສອງລັດ ແລະ ສອງຊາດລາວ-ຫວຽດນາມ ໃນການຂຸດຄົ້ນຊອກຫາ ແລະ ນຳສົ່ງອັດຖິບັນດາສະຫາຍນາຍທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດ ໃນໄລຍະຕໍ່ສູ້ກູ້ຊາດລາວ ເວົ້າລ່ວມ,ເວົ້າສະເພາະ ຕໍ່ສູ້ເພື່ອປົດປ່ອຍ ຢູ່ 6 ແຂວງພາກເໝືອຂອງລາວ ໂດຍໄດ້ເລີ່ມປະຕິບັດມາແຕ່ປີ 1994 ເປັນຕົ້ນມາ ເຊີ່ງສາມາດກວດກາ, ກວດພົບເຫັນຈຳນວນ 3,834 ຂ່າວສານ ແລະ ທ້ອນໂຮມອັດຖິໄດ້ທັງໝົດ ຈຳນວນ 1,713 ອັດຖິໃນນັ້ນ, ຮູ້ຊື່, ທີ່ຢູ່ ແລະ ບ້ານເກີດ 123 ອັດຖິ, ສົ່ງກັບປະເທດທັງໝົດຈຳນວນ 1,698 ອັດຖິ, ໄລຍະທີ່ໜື່ງ ປີ 2019-2020 ໄດ້ກວດກາຊອກຫາ 146 ຂ່າວສານ, ຂຸດຄົ້ນໄດ້ ພ້ອມທັງຈັດພິທີມອບຮັບໃນຄັ້ງນີ້ຈຳນວນ 15 ອັດຖິ ໃນນີ້ສາມາດຮູ້ຊື່ 03 ອັດຖິ.

ໂອກາດດຽວກັນ ພົຈວ ເຈື່ອນງ໋ອກ ຕັວນ ຮອງຫົວໜ້າການເມືອງທະຫານເຂດ ທັງເປັນຫົວໜ້າຄະນະຊີ້ນຳ 515 ທະຫານເຂດ 2 ສສ ຫວຽດນາມ ໄດ້ຂື້ນກ່າວສະແດງຄວາມປິຕິຍິນດີ ພ້ອມກ່າວຮັບອັດຖິ ນຳກັບຄືນສູ່ປະເທດ, ແຂວງ, ເມືອງ, ບ້ານ ກໍຄືຄອບຄົວ ເພື່ອສືບຕໍ່ດຳເນີນພິທີທາງສາສະໜາຕໍ່ໄປ.

Off

Comments are closed.