20th Jan2020

ຮອງ ລມຕ ປກສ ໂອ້ລົມຕໍ່ກອງປະຊຸມສະຫຼຸບວຽກງານສັນຕິບານ

by somchan

ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ໄດ້ໂອ້ລົມ ແລະ ໃຫ້ທິດຊີ້ນໍາຕໍ່ຄະນະພັກ-ຄະນະບັນຊາ ແລະ ພະນັກງານ-ນັກຮົບ ກົມໃຫຍ່ສັນຕິບານ ກະຊວງ ປກສ ໃນກອງປະຊຸມສະຫຼຸບວຽກງານສັນຕິບານປະຈໍາປີ 2019 ໃນທ້າຍອາທິດທີ່ຜ່ານມາ ຢູ່ກະຊວງປ້ອກັນຄວາມສະຫງົບ.

ໂດຍທ່ານໄດ້ຍ້ອງຍໍຕໍ່ຜົນງານ ແລະ ໄຊຊະນະທີ່ກົມໃຫ່ຍສັນຕິບານຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນຕະຫຼອດຮອດພະນັກງານ-ນັກຮົບແຕ່ລະສະຫາຍ ຈົ່ງພ້ອມກັນສືບຕໍ່ສຸມໃສ່ເຮັດໜ້າທີ່ວຽກງານວິຊາສະເພາະຢ່າງຕັ້ງໜ້າ ໂດຍສະເພາະວຽກງານສືບຂ່າວຂັ້ນພື້ນຖານ ແລະ ສືບສວນ-ສືບຂ່າວໃຫ້ກວ້າງຂວາງເລິກເຊີ່ງ, ແນ່ໃສ່ທ່າສະໜາມຄວາມເປັນເຈົ້າການເກັບກໍາຂ່າວຮອບດ້ານໃຫ້ມີຄວາມຊັດເຈນ ແລະ ທັນກັບເວລາ,

ເປັນເຈົ້າການຊອກຄົ້ນເປົ້າໝາຍໃຫ້ຮັດກຸ່ມ, ປ້ອງກັນ-ສະກັດກັ້ນບໍ່ໃຫ້ເກີດປະກົດການຫຍໍ້ທໍ້ຕ່າງໆ ຕິດພັນກັບການຈັດຕັ້ງປະຕິບັດ 1 ແຜນງານ 7 ໂຄງການ ແລະ 122 ກິດຈະກໍາ ຂອງກົມໃຫຍ່ສັນຕິບານວາງອອກ ໃຫ້ມີຜົນສໍາເລັດເປັນກ້າວໆປັບປຸງກໍ່ສ້າງກໍາລັງສັນຕິບານ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ, ເຂັ້ມງວດທາງດ້ານລະບຽບວິໄນ, ເກັ່ງທາງດ້ານວຽກງານວິຊາສະເພາະ, ມີຄວາມຊໍານານທາງດ້ານວິຊາການ, ຫັນເປັນແບບແຜນທັນສະໄໝເທື່ອລະກ້າວ, ປັບປຸງວຽກງານພັກ-ວຽກງານການເມືອງພາຍໃນໃຫ້ເຕີບໃຫຍ່, ເຂັ້ມແຂງ, ໜັກແໜ້ນຮອບດ້ານກໍ່ສ້າງພັກໃຫ້ໄດ້ທັງ 4 ດ້ານ ຕິດພັນກັບການກໍ່ສ້າງກົມກອງແຂງ-ໜ່ວຍພັກປອດໃສ, ໜັກແໜ້ນ ແລະ ເຂັ້ມແຂງ ໃຫ້ມີຄຸນນະພາບຢ່າງແທ້ຈິງ.

 

Off

Comments are closed.