22nd Jan2020

ເກີດເຫດຄາດຕະກຳ 2 ສົບ ຢູ່ເຂດບ້ານ ນາຄວາຍໃຕ້

by somchan

 

 

ຕາມການລາຍງານຂອງເຈົ້າໜ້າທີ່ ກອງບັນຊາການ ປກສ ເມືອງໄຊເຊດຖາ ນະຄອນຫຼວງວຽງຈັນ ໃຫ້ຮູ້ວ່າ: ໃນເວລາ 2 ໂມງ ເຊົ້າຂອງວັນທີ 22 ມັງກອນ 2020 ນີ້ ເຈົ້າໜ້າທີ່ ປກສ ເມືອງໄຊເຊດຖາ ໄດ້ຮັບແຈ້ງຈາກອຳນາດການປົກຄອງ ບ້ານນາຄວາຍໃຕ້ວ່າມີເຫດຍີງກັນຢູ່ບ້ານດັ່ງກ່າວ ຫ່າງຈາກເສັ້ນທາງ 450 ປີ ປະມານ 500 ແມັດ.

ຜ່ານການລົງສັນລະສູດສະຖານທີ່ເກີດເຫດ ພົບເຫັນຜູ້ເສຍຊີວິດ 2 ຄົນ ຢູ່ໃນລົດເກງຮຸນໄດ ສີປອນເງີນ ໝາຍເລກທະບຽນ ກດ 7437 ກຳແພງນະຄອນ ສະພາບສົບແມ່ນຖືກລູກກະສູນປືນຍິງໃສ່ຈຳນວນຫຼາຍກ່ວາສິບນັດ ຜູ້ເສຍຊີວິດທັງສອງຄົນມີ: ທ້າວ ສອນສຸລິຍາ ຫຼື ຫອຍ ອາຍຸ 31 ປີ ອາຊິບຄ້າຂາຍ ຢູ່ບ້ານໂພນເຄັງ ແລະ ທ້າວ ພິດສະນິກອນ ຫຼື ຈີມມີ ອາຍຸ 25 ປີ ອາຊິບກຳມະກອນ ຢູ່ບ້ານໜອງໜ່ຽງ ເມືອງໄຊເຊດຖາ ນະຄອນຫຼວງວຽງຈັນ.

 

ສ່ວນສາເຫດຂອງການຄາດຕະກຳ ໃນຄັ້ງນີ້ ເຈົ້າໜ້າທີພວມເລັ່ງດຳເນີນການສືບສວນ-ສອບສວນຢູ່.

 

Off

Comments are closed.