24th Jan2020

ມອບ-ຮັບນັກໂທດ ທີ່ຜ່ານການປະຕິບັດໂທດກັບຄືນປະເທດ ຈໍານວນ 01 ຄົນ.

by somchan

ວັນທີ 23 ມັງກອນ 2020 ນີ້, ຕໍາຫຼວດກວດຄົນເຂົ້າ-ອອກເມືອງ ດ່ານສາກົນ ປາກຊັນ ແຂວງ ບໍລິຄໍາໄຊ ໄດ້ມອບ-ສົ່ງຕົວນັກໂທດ ທີ່ຜ່ານການປະຕິບັດໂທດກັບຄືນປະເທດ, ຈໍານວນ 01 ຄົນຄື: ທ້າວ ສະຫະໄຊ ຢ່າງ ອາຍຸ 45 ປີ ເຊື້ອຊາດ ແລະ ສັນຊາດໄທ, ຢູ່ບ້ານເຂດນ້ອຍ, ເມືອງ ເຂົາຄໍ້, ແຂວງ ເພັດສະບູນ ປະເທດໄທ, ຖືກລົງໂທດໃນສະຖານຄວາມຜິດ ສົມຮູ້ຮ່ວມຄິດ ຫຼືປິດບັງການກະທຳຜຶດ (ການຂົນສົ່ງຢາເສບຕິດປະເພດຢາໄອ ແລະ ເຮໂລອີນ) ເຊິ່ງຜູ້ກ່ຽວໄດ້ຮັບການປະຕິບັດໂທດ ຄົບກໍານົດເວລາຕາມຄໍາຕັດສີນຂອງສານ, ກໍ່ຄືກົດໝາຍຂອງ ສປປ ລາວ. ກ່າວມອບໂດຍ  ພັທ ນາງ ສີສົມພອນ ຈະເລີນລາດ ຫົວໜ້າດ່ານຕໍາຫຼວດກວດຄົນເຂົ້າ-ອອກເມືອງ ດ່ານສາກົນ ປາກຊັນ, ກ່າວຮັບໂດຍ ພັນຕໍາຫຼວດຕີ ທະນະພົນ ໂພທິດາ ສາລະວັດ ດ່ານສາກົນ ບຶງການ, ມີເຈົ້າໜ້າທີ່ທັງສອງຝ່າຍເຂົ້າຮ່ວມເປັນສັກຂີພະຍານ.

ເຈົ້າໜ້າທີ່ຕໍາຫຼວດກວດຄົນເຂົ້າ-ອອກເມືອງ ດ່ານສາກົນ ປາກຊັນ ໄດ້ໃຫ້ຮູ້ວ່າ: ທ້າວ ສະຫະໄຊ ຢ່າງ ຖືກກັກຕົວ ໃນວັນທີ 23 ກັນຍາ 2018, ໃນສະຖານຄວາມຜິດ ສົມຮູ້ຮ່ວມຄິດຫຼືປິດບັງການກະທຳຜິດ (ການຂົນສົ່ງຢາເສບຕິດປະເພດຢາໄອ ແລະ ເຮໂລອີນ) ໂດຍຖືກສານຕັດສິນຕັດອິດສະຫຼະພາບ, ຈໍາຄຸກ 01 ປີ, 04 ເດືອນ, ໂດຍໄດ້ຮັບການປະຕິບັດໂທດຢູ່ຄ້າຍຄຸມຂັງ-ດັດສ້າງ ປກສ ແຂວງ ບໍລິຄໍາໄຊ, ເຊິ່ງຜູ້ກ່ຽວໄດ້ຮັບການປະຕິບັດໂທດຄົບກໍານົດເວລາຕາມຄໍາຕັດສີນຂອງສານ, ກໍ່ຄືກົດໝາຍ ຂອງ ສປປລາວ. ດັ່ງນັ້ນ, ຈຶ່ງໄດ້ມອບ-ສົ່ງຜູ້ກ່ຽວໃຫ້ແກ່ເຈົ້າໜ້າທີ່ຝ່າຍໄທ ເພື່ອສົ່ງກັບຄືນສູ່ຄອບຄົວ, ຍາດພີ່ນ້ອງ ແລະ ອໍານາດການປົກຄອງທ້ອງຖິ່ນຂອງຜູ້ກ່ຽວສືບຕໍ່ສຶກສາອົບຮົມ, ຊ່ວຍເຫຼືອກໍ່ສ້າງຜູ້ກ່ຽວໃຫ້ກາຍເປັນພົນລະເມືອງດີ ແລະ ບໍ່ໄປກະທໍາຜິດອີກ.

 

Off

Comments are closed.