28th Jan2020

ກະຊວງສາທາລະນະສຸກຢັ້ງຢືນວ່າ: ຍັງບໍ່ພົບຜູ້ປ່ວຍຕິດເຊື້ອພະຍາດ ໂຄໂຣນາໃນປະເທດລາວ

by somchan

ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ຖະແຫຼ່ງຂ່າວຕໍ່ຊື່ມວນຊົນ ໃນວັນທີ 27 ມັງກອນ 2020 ນີ້ ວ່າກ່ຽວກັບການລະບາດຂອງພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ພະຍາດໂຄໂຣນາ ທີ່ພົບເຫັນຢູ່ເມືອງ ອູຮັ້ນ ແຂວງ ຫູເປີ່ຍ ສປ ຈີນ ແລະ ໄດ້ລະບາດໄປໃນບາງປະເທດໃນໂລກ ແຕ່ຍັງບໍ່ພົບຜູ້ຕິດເຊື້ອຢູ່ປະເທດລາວ ແລະ ທາງດ້ານກະຊວງ ສາທາລະນະສຸກກໍ່ໄດ້ສຸມໃສ່ ໃນການປ້ອງກັນພະຍາດດັ່ງກ່າວຢ່າງເຂັ້ມງວດ ເພື່ອບໍ່ໃຫ້ເຊື້ອດັ່ງກ່າວ ມາລະບາດຢູ່ພາຍໃນປະເທດ.

ທ່ານຍັງໃຫ້ຮູ້ຕື່ມອີກວ່າ: ສຳລັບວິທີປ້ອງກັນແມ່ນ ຫຼີກລ້ຽງການເດີນທາງປະເທດທີ່ມີການລະບາດ ຫຼື ຊຸມຊົນແອອັດ ຫຼື ມີຄົນຫຼາຍ, ຖ້າຈຳເປັນຈະຕ້ອງໄດ້ໃຊ້ຜ້າອັດປາກ, ລ້າງມືຂອງທ່ານທຸກຄັ້ງດ້ວຍ ສະບູ ຫຼື ນ້ຳຢາຂ້າເຊື້ອ, ປະຕິບັດມາລະຍາດໃນການໄອຈາມ ດ້ວຍການອັດປາກ ແລະ ດັງ; ຫຼີກລ້ຽງສຳພັດໃກ້ຊິດກັບຄົນມີອາການ ຄ້າຍຄືໄຂ້, ໄອ, ເຈັບຄໍ, ຫາຍໃຈຢາກ, ຫຼີກລ້ຽງການສຳພັດສັດເປັນ ຫຼືຕາຍ, ຫາກທ່ານມີອາການຄ້າຍຄືໄຂ້ຫວັດເຊັ່ນ: ໄຂ້, ໄອ, ເຈັບຄໍ, ຫາຍໃຈຢາກ ກະລຸນາໄປພົບແພດໝໍໃກ້ບ້ານທ່ານ ແລະ ແຈ້ງປະຕິຫວັດການເດີນທາງຂອງທ່ານຖ້າໄດ້ໄປເຂດທີ່ມີການລະບາດພະຍາດດັ່ງກ່າວໃນໄລຍະ 14 ວັນກ່ອນມີອາການ.

Off

Comments are closed.