28th Jan2020

ກະຊວງປ້ອງກັນຄວາມສະຫງົບ ປະກາດຍົກຍ້າຍ,ແຕ່ງຕັ້ງແລະເລືອນຊັ້ນ ໃຫ້ນາຍຕຳຫຼວດຂັ້ນສູງກະຊວງ ປກສ

by somchan

ກະຊວງປ້ອງກັນຄວາມສະຫງົບ ໄດ້ປະກາດຍົກຍ້າຍແຕ່ງຕັ້ງ ແລະ ເລື່ອນຊັ້ນໃຫ້ນາຍຕຳຫຼວດຂັ້ນສູງ ກະຊວງປ້ອງກັນຄວາມສະຫງົບ ໃນວັນທີ 28 ມັງກອນ 2020 ນີ້ ທີ່ສະໂມສອນກະຊວງປ້ອງກັນຄວາມສະຫງົບ ໂດຍການເປັນປະທານຂອງ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກ,ຄະນະນຳກະຊວງ ຫົວໜ້າກົມໃຫ່ຍ ແລະ ກົມກອງວິຊາສະເພາະອ້ອມຂ້າງ ກະຊວງປ້ອງກັນຄວາມສະຫງົບເຂົ້າຮ່ວມ.

ໃນພິທີ ພົຕ ວັນທອງ ກອງມະນີ ຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ໄດ້ຜ່ານຄຳສັ່ງ ແລະ ດຳລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງ, ຍົກຍ້າຍນາຍຕຳຫຼວດ ໄປຮັບໜ້າທີ່ໃໝ່ ແລະ ເລື່ອນຊັ້ນນາຍຕຳຫຼວດຂັ້ນສູງ ຂອງກະຊວງປ້ອງກັນຄວາມສະຫງົບ. ໃນນີ້, ປະກາດແຕ່ງຕັ້ງ ພົຕ ປອ ທອງເຫຼັກ ມັງໜໍ່ເມກ ຫົວໜ້າກົມໃຫ່ຍຕຳຫຼວດ ເປັນຮອງລັດຖະມົນຕີ ກະຊວງປ້ອງກັນຄວາມສະຫງົບ, ແຕ່ງຕັ້ງ ພົຈວ ຄຳກິ່ງ ຜຸຍຫຼ້າມະນີວົງ ເປັນຫົວໜ້າກົມໃຫ່ຍຕຳຫຼວດ, ແຕ່ງຕັ້ງ ພົຈວ ປອ ຄຳມ້າວ ຫຼ້າຈັນເພັດ ເປັນຫົວໜ້າກົມ 504, ຍົກຍ້າຍ ແລະ ແຕ່ງຕັ້ງ ພົຈວ ນິລະວົງ ເຈືອງຕະວະລາດ ຈາກຫົວໜ້າກອງບັນຊາການ ປກສ ແຂວງ ອຸດົມໄຊ ແລະ ພັອ ຄຳພົນ ສີຫາປັນຍາ ຈາກກອງບັນຊາການ ປກສ ແຂວງ ສະຫວັນນະເຂດ ເປັນຮອງຫົວໜ້າກົມໃຫ່ຍຕຳຫຼວດ, ແຕ່ງຕັ້ງ ພັອ ປອ ວັນທອນ ສຸລິຍະຈັກ ເປັນຮອງຫົວໜ້າກົມໃຫ່ຍສັນຕິບານ ແລະ ແຕ່ງຕັ້ງ ພັອ ສຸລິນະ ແກ້ວປະເສີດ ເປັນຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ແລະ ພ້ອມນີ້ຍັງໄດ້ປະກາດເລື່ອນຊັ້ນ ພັທ ຂື້ນພັອ ໃຫ້ນາຍຕຳຫຼວດຂັ້ນສູງ ກະຊວງປ້ອງກັນຄວາມສະຫງົບ ຈຳນວນ 23 ສະຫາຍ ເຊີ່ງໃຫ້ກຽດປະດັບຊັ້ນ ໂດຍ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ.

ໃນໂອກາດທີມີຄວາມໝາຍຄວາມສຳຄັນນີ້ ທ່ານກໍ່ໄດ້ໃຫ້ກຽດໂອ້ລົມຊີ້ທິດເຢືອງທາງ ຕໍ່ນາຍຕຳຫຼວດທີ່ໄດ້ຮັບການປະກາດຍົກຍ້າຍແຕ່ງຕັ້ງ ແລະ ເລື່ອນຊັ້ນໃນຄັ້ງນີ້ເຊີ່ງບາງຄຳເຫັນສຳຄັນທ່ນໄດ້ກ່າວວ່າ:

 

Off

Comments are closed.