29th Jan2020

ລມຕ ກະຊວງ ປກສ ຕ້ອນຮັບການ ເຂົ້າຢ້ຽມຂໍ່ານັບ ເອກອັກຄະຣາຊະທູດ ແຫ່ງຣາຊະອານາຈັກໄທປະຈຳ ສປປ ລາວ

by somchan

ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ດຳຣົງ ໃຄ່ຄວນ ເອກອັກຄະຣາຊະທູດ ແຫ່ງຣາຊະອານາຈັກໄທ ປະຈຳ ສປປ ລາວ. ໃນວັນທີ 28 ມັງກອນນີ້. ເນື່ອງໃນໂອກາດທີ່ທ່ານ ມາດຳລົງຕຳແໜ່ງເປັນເອກອັກຄະຣາຊະທູດ ຄົນໃໝ່. ໂອກາດນີ້ ພົທ ວິໄລ ຫຼ້າຄຳຟອງ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ເຊີ່ງເປັນການສະແດງໃຫ້ເຫັນເຖີງສາຍພົວພັນການຮ່ວມມືທີ່ດີລະຫວ່າງສອງປະເທດ ລາວ-ໄທ, ໂດຍສະເພາະແມ່ນສອງກະຊວງ ປ້ອງກັນຄວາມສະຫົງບ ໄດ້ມີການພົວພັນຮ່ວມມືແລກປ່ຽນບົດຮຽນເຊີ່ງກັນ ແລະກັນ ແກ້ໄຂບັນຫາອາດຊະຍາກຳ, ບັນຫາຢາເສບຕິດ ແລະ ອື່ນໆ.

 

ພ້ອມດຽວກັນນີ້ ທ່ານ ດຳຣົງ ໃຄ່ຄວນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ໄດ້ສະແດງຄວາມຂອບໃຈຕໍ່ທ່ານ ລັດຖະມົນຕີກະຊວງປ້ອງກັນຄວາມສະຫົງບລາວ ທີ່ໃຫ້ການຕ້ອນຮັບ ແລະ ທ່ານກໍ່ໄດ້ລາຍງານສະພາບການຕ່າງໆ ໃຫ້ທ່ານ ລັດຖະມົນຕີ ກະຊວງ ປກສ ໄດ້ຮັບຊາບ ພ້ອມທັງ ປຶກສາຫາລືໃນການພົວພັນຮ່ວມມືກັນໃນຕໍ່ໜ້າ ໂດຍສະເພາະແມ່ນການແກ້ໄຂບັນຫາອາດຊະຍາກຳຕ່າງໆ ເພື່ອເຮັດໃຫ້ສອງປະເທດມີຄວາມສະຫົງບ ແລະ ຄວາມເປັນລະບຽບຮຽບຮ້ອຍ .

Off

Comments are closed.