17th Feb2020

ໂຮງໝໍ 5 ເມສາ ໄດ້ຈັດຕັ້ງເຜີຍແຜ່ກ່ຽວກັບ ເຊື້ອພະຍາດຈຸລະໂລກສາຍພັນໃໝ່ ໄວຣັດໂຄໂລນາ

by somchan

ໂຮງໝໍ 5 ເມສາ ກົມເສນາຮັກ ກົມໃຫ່ຍພາລາທິການ ກະຊວງປ້ອງກັນຄວາມສະຫງົບ ໄດ້ຈັດຕັ້ງເຜີຍແຜ່ກ່ຽວກັບ ເຊື້ອພະຍາດຈຸລະໂລກ ສາຍພັນໃໝ່ ໄວຣັດໂຄໂລນາ ຫຼື ໂຄວິດ 19  ໃຫ້ແກ່ພະນັກງານ-ນັກຮົບ ຢູ່ທີກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫງົບ, ໃນວັນທີ 17 ກຸມພາ 2020 ນີ້ ເປັນກຽດເຂົ້າຮ່ວມໂດຍ ພັອ ຄຳເຜີຍ ຄຳດີ ຮອງຫົວໜ້າກອງບັນຊາການ ປ້ອງກັນສູນກາງ , ມີຄະນະພັກ, ຄະນະບັນຊາແຕ່ລະຂັ້ນ, ພ້ອມດ້ວຍພະນັກງານ-ນັກຮົບເຂົ້າຮ່ວມ.

ພັທ ດຣ ພອນສະຫວັນ ວົງຄຳຈັນ ຮອງຫົວໜ້າກົມເສນາຮັກ ກົມໃຫ່ຍພາລາທິການໄດ້ເຜີຍແຜ່ໃຫ້ຄວາມຮູ້ ກ່ຽວກັບເຊື້ອພະຍາດຈຸລາໂລກ ສາຍພັນໃໝ່ ໄວຣັດໂຄໂລນາ ຫຼື ໂຄວິດ 19 ເພື່ອເປັນຄວາມຮູ້ພື້ນຖານໃຫ້ແກ່ ພະນັກງານ-ນັກຮົບ ທົ່ວກອງບັນຊາການປ້ອງກັນສູນກາງ ເພື່ອໃຫ້ເຂົາເຈົ້າໄດ້ມີຄວາມຮັບຮູ້ເຂົ້າໃຈຕໍ່ກັບພະຍາດດັ່ງກ່າວ ແລະ ຮູ້ວິທີປ້ອງກັນຕົນເອງເຊັ້ນ: ເຂດຊາຍແດນ, ສະໝາມບີນ, ສະຖານີລົດໂດຍສານ, ຕະຫຼາດ,ບ່ອນທີມີມວນຊົນຫຼາຍ ຫຼື ບ່ອນທີມີການແຜ່ພະຍາດ, ຖ້າຫາກມີຄວາມຈຳເປັນໄປສະຖານທີດັ່ງກ່າວ ຕ້ອງໃສ່ຜ້າອັດປາກ,ດັງທຸກຄັ້ງທີ່ຢູ່ບ່ອນຊຸມຊົນ ຫຼື ຢູ່ໄກຄົນທີມີອາການໄອຈາມ, ນອກຈາກນີ້ການກີນອາຫານທຸກຄັ້ງກໍ່ຕ້ອງຖືກສຸກຂະອະນາໄມເຊັ້ນ: ຕ້ອງກີນອາຫານທີສຸກດີ, ອາຫານທີປຸງແຕ່ງໃໝ່, ດືມນ້ຳທີສະອາດລ້າງມື້ທຸກຄັ້ງກ່ອນຈະກີນອາຫານ ແລະ ພກຜ່ອນໃຫ້ພຽງພໍ, ຫາກພົບຄົນທີມີອາການເປັນໄຂ້ໂຕຮ້ອນເກີນ 38 ອົງສາ ຫຼື ມີອາການໄອຈາມ ໃຫ້ນຳສົ່ງໂຮງໝໍ, ທັງນີ້ກໍ່ເພື່ອເປັນການຄວບຄຸມ ແລະ ປ້ອງກັນບໍ່ໃຫ້ເຊື້ອພະຍາດດັ່ງກ່າວມີການແຜ່ລະບາດ.

 

Off

Comments are closed.