19th Feb2020

ເປີດບຳລຸງວຽກງານ ປກຊ-ປກສ ໃຫ້ການນຳ ພັກ-ລັດ

by somchan

ວິທະຍາຄານປ້ອງກັນຊາດ ໄກສອນ ພົມວິຫານ ກະຊວງປ້ອງກັນປະເທດ ໄດ້ຈັດພິທີເປີດຊຸດບຳລຸງວຽກງານ ປ້ອງກັນຊາດ-ປ້ອງກັນຄວາມສະຫງົບ ໃຫ້ພະນັກງານການນຳພັກ-ລັດ ຊຸດທີ 18, ໃນວັນທີ 18 ກຸມພາ 2020 ເປັນກຽດເຂົ້າຮ່ວມໃນພິທີ ໂດຍພະນະທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ,ມີຄະນະພັກຄະນະບັນຊາ, ພະນັກງານທີ່ເຂົ້າຮ່ວມຊຸດບຳລຸງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພັອ ປອ ສົງກາ ບຸນຄຸນ ຮອງຫົວໜ້າການທະຫານ, ຫົວໜ້າກົມອົບຮົມ-ກໍ່ສ້າງວິທະຍາ ວິທະຍາຄານປ້ອງກັນຊາດ ໄກສອນພົມວິຫານ, ໄດ້ຜ່ານບົດລາຍງານແຜນການບຳລຸງວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ແກ່ພະນັກງານ ພັກ-ລັດ ຊຸດທີ 18 ໃນສົກຮຽນ 2019-2020 ເພື່ອເປັນການສືບຕໍ່ຈັດຕັ້ງຜັນຂະຫຍາຍ ກໍ່ຄືການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ໃນໄລຍະໃໝ່, ທີ່ມະຕິກອງປະຊຸມໃຫ່ຍຄັ້ງທີ 10 ຂອງພັກວາງອອກ ໃຫ້ປະກົດຜົນເປັນຈິງ ທັງເປັນການຍົກສູງ ຄວາມຮູ້ຄວາມສາມາດ ທາງດ້ານທິດສະດີຫຼັກການ, ພຶດຕິກຳຕົວຈີງໃຫ້ຖືກຕ້ອງຕາມແນວທາງນະໂຍບາຍຂອງພັກ-ກົດໝາຍຂອງລັດ ແລະ ຖືກຕ້ອງຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ, ມີຄວາມເປັນເອກກະພາບ ໃນຂອບເຂດທົ່ວປະເທດ ພ້ອມທັງເສີມຂະຫຍາຍພາລະບົດບາດ ໃນການນຳພາບັນຊາ ເປັນເສນາທິການທາງດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ແກ່ພັກ-ລັດນັບແຕ່ສູນກາງລົງຮອດທ້ອງຖີ່ນຢ່າງທົ່ວເຖີງ.

ຊຸດອົບຮົມບຳລຸງໃນຄັ້ງນີ້ ແມ່ນຈະໄດ້ດຳເນີນໄປເປັນເວລາ 64 ວັນ ຈື່ງສຳເລັດ

 

Off

Comments are closed.