20th Feb2020

ກອງປະຊຸມສະຫຼູບວຽກງານປ້ອງກັນໂຄງການ ກໍ່ສ້າງທາງລົດໄຟລາວ-ຈີນ ປະຈຳປີ 2019

by somchan

ກອງປະຊຸມສະຫຼູບວຽກງານປ້ອງກັນໂຄງການ ກໍ່ສ້າງທາງລົດໄຟລາວ-ຈີນ ປະຈຳປີ 2019 ໄດ້ຈັດຂື້ນໃນວັນທີ 20 ກຸມພານີ້ ເປັນກຽດເຂົ້າຮ່ວມຂອງ ພົຕ ກົງທອງ ພົງພິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ຫົວໜ້າອະນຸກຳມະການປ້ອງກັນ ໂຄງການກໍ່ສ້າງທາງລົດໄຟລາວ-ຈີນ, ມີບັນດາຄະນະອານຸກຳມະການ, ຄະນະພັກ-ຄະນະບັນຊາ ກົມກອງອ້ອມຂ້າງເຂົ້າຮ່ວມ.

ພັອ ວິທອງ ພົມທະວີ ຮອງຫົວໜ້າກົມເສນາທິການ ຫ້ອງວ່າການກະຊວງ ປກສ , ຄະນະອານຸກຳມະການປ້ອງກັນໂຄງການກໍ່ສ້າງທາງລົດໄຟລາວ-ຈີນ ໄດ້ຜ່ານບົດສະຫຼູບການຈັດຕັ້ງປະຕິບັດວຽກງານປ້ອງກັນ ປີ 2019 ເຊີ່ງໄລຍະ 1 ປີ ຜ່ານມາ ຄະນະຮັບຜິດຊອບຊີ້ນຳວຽກງານປ້ອງກັນ ໄດ້ເອົາໃຈໃສ່ລົງຕິດຕາມ, ກວດກາແລະ ສືກສາອົບຮົມ ການເມືອງນຳພາແນວຄິດ ໃຫ້ກຳລັງປ້ອງກັນຢ່າງຕໍ່ເນື່ອງ ເພື່ອໃຫ້ມີແນວຄິດອຸ່ນອ່ຽງທຸ່ນທ່ຽງ, ມີຄວາມຮັບຜິດຊອບສູງຕໍ່ໜ້າທີ່ການຈັດຕັ້ງມອບໝາຍໃຫ້ ກຳລັງປ້ອງກັນເຮັດໜ້າທີ່ປ້ອງກັນເວນຢາມປະຈຳຢູ່ແຕ່ລະຈຸດ ມີຄວາມບຸກບືນຕໍ່ໜ້າທີວຽກງານ ມີການຊ່ອງແສງລາຍງານປະຈຳວັນ, ປະຈຳອາທິດ, ປະຈຳເດືອນ, ມີການຮ່ວມຊີວິດສຳຫຼວດກວດກາກັນເປັນປົກກະຕິ ສະແດງອອກໃນ 1 ປີ ຜ່ານມາ ໄດ້ເຄື່ອນໄຫວປ້ອງກັນຄວາມສະຫງົບ ກວດກາລາດຕະເວນຂອບເຂດຄວາມຮັບຜິດຊອບຕະຫຼອດ 24 ຊົ່ວໂມງ 6 ພັນກ່ວາຄັ້ງມີ 3 ໝື່ນກ່ວາແຮງງານ, ປ້ອງກັນແຂກການນຳຂັ້ນສູງ ທັງພາຍໃນແລະຕ່າງປະເທດ ເຂົ້າຢ້ຽມຢາມແລະເຮັດວຽກ ຢູ່ໂຄງການກໍ່ສ້າງທາງລົດໄຟລາວ-ຈີນ ມີ 5 ຄັ້ງ,ມີ 561 ແຮງງານ, ໄດ້ສ້າງສັນຍາປ້ອງກັນຄວາມສະຫງົບ ກັບບັນດາເມືອງ,ບ້ານທີມາແລວທາງລົດໄຟຜ່ານໃນ 4 ແຂວງ ແລະ ນະຄອນຫຼວງວຽງຈັນ ຜ່ານການລົງກວດກາເກັບກຳສະຖິຕິມີ 15 ເມືອງ ,168 ບ້ານ, 3 ໝື່ນກ່ວາຫຼັງຄາເຮືອນ, ປະຈຸບັນໄດ້ເຮັດບົດບັນທືກສັນຍາ ຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ຕາມແລວທາງລົດໄຟລາວ-ຈີນ ສຳເລັດ 8,288 ຫຼັງຄາເຮືອນ, ພວມຈັດຕັ້ງປະຕິບັດ 24,266 ຫຼັງຄາເຮືອນ ໃນ 1 ປີ ຜ່ານມາມີ ຄະດີອາຍາເກີດຂື້ນ 93 ລາຍ ໃນນີ້ມີຄະດີອາຍາທົ່ວໄປ 99 ລາຍດ ຄະດີຢາເສບຕິດ 1 ລາຍ ແລະເຂົ້າເມືອງຜິດກົດໝາຍ 1 ລາຍ ສາມາດແກ້ໄຂໄດ້ 64 ລາຍ, ກັກຜູ້ກະທຳຜິດ 83 ຄົນ, ລັກຊັບຂອງລວມໝູ່ 79 ລາຍ, ແກ້ໄຂ້ 57 ລາຍ, ກັກຜູ້ກະທຳຜິດ 66 ຄົນ, ຜົນເສຍຫາຍມີເງີນຢວນ 2900 ຢວນ, ເງີນກີບ 5 ລ້ານກີບ, ລົດຈັກ 3 ຄັນ, ເຫຼັກປະເພດຕ່າງໆ 7 ໂລ ແລະ ອື່ນໆ.

 

ໃນກອງປະຊຸມຍັງໄດ້ຍ້ອງຢໍຜູ້ທີມີຜົນງານດີເດັ່ນໃນການປ້ອງກັນໂຄງການກໍ່ສ້າງທາງລົດໄຟລາວ-ຈີນ ຈຳນວນ 462 ຄົນ ໃນນັ້ນຍ້ອງຍໍຫຼຽນກາ ປກສ 382 ຄົນ, ໃບຍ້ອງຍໍກະຊວງ ປກສ 67 ຄົນ, ໃບຍ້ອງຍໍກົມໃຫ່ຍການເມືອງ 13 ຄົນ.

 

 

Off

Comments are closed.