21st Feb2020

ກົມໃຫ່ຍການເມືອງ ປກສ ໄດ້ຈັດເຜີຍແຜ່ເຊື່ອມຊືມມະຕິ ຂອງກົມການເມືອງສູນກາງພັກ

by somchan

 

ກົມໃຫ່ຍການເມືອງ ປກສ ໄດ້ຈັດເຜີຍແຜ່ເຊື່ອມຊືມມະຕິ ຂອງກົມການເມືອງສູນກາງພັກ ແລະ ເອກກະສານສຳຄັນ ຂອງການຈັດຕັ້ງຂັ້ນເທີງວາງອອກ ໃນວັນທີ 18 ກຸມພາ ນີ້ ໃຫ້ກຽດເຂົ້າຮ່ວມແລະເຜີຍແຜ່ເອກະສານ ໂດຍ ພົຈວ ປອ ສຸວັນີ ສີສຸພາບມີໄຊ ຄະນະປະຈຳພັກກົມໃຫ່ຍ ຮອງຫົວໜ້າກົມໃຫ່ຍການເມືອງ ປກສ ມີຄະນະພັກ-ຄະນະບັນຊາ ສະມາຊິກພັກ ແລະ ພະນັກງານຫຼັກແຫຼງກົມກອງອ້ອມຂ້າງ ກົມໃຫ່ຍການເມືອງ ປກສ ເຂົ້າຮ່ວມ.

ເອກກະສານທີຈັດຕັ້ງເຜີຍແຜ່ເຊື່ອມຊືມໃນຄັ້ງນີ້ ປະກອບມີຄຳສັ່ງຂອງກົມໃຫ່ຍການເມືອງ ປກສ ວ່າດ້ວຍການຈັດຕັ້ງຜັນຂະຫຍາຍ ມະຕິຂອງກົມການເມືອງສູນກາງພັກ ແລະ ມະຕິຂອງຄະນະເລຂາທິການສູນກາງພັກ ວ່າດ້ວຍລະບອບການຮຳຮຽນທິດສະດີການເມືອງ ການສ້າງແຜນກຳນົດກໍ່ສ້າງ-ບຳລຸງພະນັກງານຂັ້ນນຳພາ-ບັນຊາ ແລະ ການຢັ້ງຢືນທິດສະດີການເມືອງ ຄຳສັ່ງແນະນຳວ່າດ້ວຍການຈັດຕັ້ງ ປະຕິບັດກົດໝາຍ ວ່າດ້ວຍກຳລ້ງປ້ອງກັນຄວາມສະຫງົບ ປະຊາຊົນ ແລະ ຂໍ້ກຳນົດຕ່າງໆກ່ຽວກັບການປະຕິບັດການຍ້ອງຍໍເລື່ອນຊັ້ນ, ປະດັບຊັ້ນ, ການທຽບຊັ້ນເງີນເດືອນ ຂອງນາຍ ແລະ ພົນຕຳຫຼວດ ແລະ ເອກກະສານອື່ນໆ.

ເພື່ອເຮັດໃຫ້ຄະນະພັກ,ຄະນະບັນຊາ,ພະນັກງານສະມາຊິກພັກ ແລະ ພະນັກງານ-ນັກຮົບ ກໍ່ຄືນາຍແລະພົນຕຳຫຼວດຢ ຢູ່ບັນດາກົມ,ກອງອ້ອມຂ້າງກົມໃຫ່ຍການເມືອງ ປກສ ໄດ້ຄົ້ນຄ້ວາເຊື່ອມຊືມ ຮັບຮູ້ເຂົ້າໃຈ ແລະ ນຳເອົາເນື້ອໃນການກຳນົດຂອງເອກກະສານຕ່າງໆໄປຈັດຕັ້ງປະຕິບັດເຂົ້າໃນຊີວິດວຽກງານຕົວຈິງຢ່າງເປັນເອກກະພາບ ແລະ ມີຄວາມເຂັ້ມງວດ ແນໃສ່ຮັບປະກັນໃນການຈັດຕັ້ງ ຜັນຂະຫຍາຍແນວທາງນະໂຍບາຍການນຳພາຂອງພັກ ກົດໝາຍຂອງລັດ, ລະບຽບການຂໍ້ກຳນົດ ແລະ ການຄົ້ນຄ້ວາ ປະຕິບັດນະໂຍບາຍຂອງພັກ-ລັດ ຕໍ່ນາຍແລະພົນຕຳຫຼວດໃຫ້ມີຄວາມຖືກຕ້ອງເໝາະສົມ ແລະ ເປັນເອກກະພາບກັນໃນທົ່ວປະເທດ

Off

Comments are closed.