24th Feb2020

ນາຍົກລັດຖະມົນຕີ ຕ້ອນຮັບການເຂົ້າຢ້ຽມຂໍ່ານັບຂອງ ທີ່ປຶກສາແຫ່ງລັດ, ລັດຖະມົນຕີ ຕ່າງປະເທດ ສປ ຈີນ

by somchan

ໃນວັນທີ 21 ກຸມມາ 2020. ທີ່ ສຳນັກງານນາຍົກລັດຖະມົນຕີ, ສະຫາຍ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫວັງ , ທີ່ ປຶກສາເເຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ແລະ ຄະນະ ໃນໂອກາດທີ່ ເດີນທາງມາຢ້ຽມຢາມ ສປປ ລາວ ຢ່າງເປັນທາງການ

 ແລະ ເຂົ້າຮ່ວມກອງປະຊຸມລັດຖະມົນຕີ ຕ່າງປະເທດ ຂອບການຮ່ວມມືແມ່ນໍ້າຂອງ – ແມ່ນ້ຳລ້ານຊ້າງ ຄັ້ງທີ 5 ແລະ ກອງປະຊຸມລັດຖະມົນຕິຕ່າງປະ ເທດ ອາຊຽນ – ຈີນ ສະໄຫມພິເສດ ກ່ຽວກັບ ການລະບາດ ຂອງ ພະຍາດ ອັກເສບປອດຈາກເຊື້ອຈຸລະໂລກສາຍພັນໃຫມ່ (Covid-19), ໃນລະຫວ່າງວັນທີ 19-20 ກຸມພາ 2020, ທີ່ ນະຄອນຫຼວງວຽງຈັນ.

ໃນໂອກາດນີ້, ສະຫາຍ ທອງລຸນ ສີສຸລິດ ໄດ້ສະເເດງຄວາມຍິນດີຕ້ອນຮັບ ແລະ ຕີລາຄາ ສູງຕໍ່ ສະຫາຍ ຫວັງອີ້ ແລະ ຄະນະ ທີ່ເດີນທາງມາຢ້ຽມຢາມທາງການ ແລະ ເຂົ້າຮ່ວມກອງປະຊຸມສໍາຄັນ ຢູ່ ສປປ ລາວ ໃນຄັ້ງນີ້ ເຊິ່ງຈະເປັນການປະກອບສ່ວນອັນສໍາຄັນເຂົ້າໃນການເສີມ ຂະຫຍາຍສາຍພົວພັນ ມິດຕະພາບອັນເປັນມູນເຊື້ອ ແລະ ການເປ້ນຄູ່ຮ່ວມມືຍຸດທະສາດ ຮອບດ້ານ ຫມັ້ນຄົງ ຍາວນານ ລະຫວ່າງ ລາວ-ຈີນ ຕາມທິດ 4 ດີ ກໍ່ຄືການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ໃຫ້ໄດ້ຮັບການເພີ້ມພູນຄູນສ້າງ ແລະ ເກີດດອກອອກຜົນຂຶ້ນໄປເລື້ອຍໆ, ຊຶ່ງ ພັກ-ລັດຖະບານລາວ ໄດ້ຖືຄວາມສຳຄັນເປັນຢ່າງຍິ່ງ ຕໍ່ການຈັດຕັ້ງປະຕິບັດແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກໍາ ລາວ-ຈີນ, ຈີນ-ລາວ ທີ່ ສະຫາຍປະທານ ບຸນຍັງ ວໍລະຈິດ ແລະ ສະຫາຍ ປະທານ ສີ ຈິນຜິງ ໄດ້ຮ່ວມກັນ ລົງນາມ ໃນເດືອນ ເມສາ 20 19 ຜ່ານມາ. ພ້ອມນີ້, ສະຫາຍ ນາຍົກລັດຖະມົນຕີ ໄດ້ຕີລາຄາສູງຕໍ່ ຜົນສໍາເລັດຂອງການພົບປະສອງຝ່າຍ ລະຫວ່າງ ສະຫາຍ ຫວັງ ອີ້ ກັບ ສະຫາຍ ສະເຫຼືມໄຊ ກົມມະສິດ ທີ່ໄດ້ມີການເເລກປ່ຽນຄໍາຄິດຄໍາເຫັນໃນຫຼາຍບັນຫາແບບບກົງໄປກົງມາ ກ່ຽວກັບການຮ່ວມມືສອງຝ່າຍ ແລະ ຫຼາຍຝ່າຍ ບົນຈິດໃຈການເປັນຄູ່ຮ່ວມຊະຕາກໍາຮ່ວມກັນ ໂດຍສະເພາະ ກ່ຽວກັບການກະກຽມຈັດກອງປະຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 3 ທີ່ຈະຈັດຂຶ້ນ ໃນເດືອນ ມີນາ 2020 ໃຫ້ໄດ້ຮັບຜົນສໍາເລັດຢ່າງຈົບງາມ ກໍ່ຄືການກະ ກຽມຕ້ອນຮັບ ສະຫາຍ ຫລີ ເຄື້ສຽງ, ນາຍົກລັດຖະມົນຕີ ແຫ່ງ ສປ ຈີນ ທີ່ຈະມາຢ້ຽມຢາມ ຢ່າງເປັນທາງການ ແລະ ເຂົ້າຮ່ວມ ກອງປະຊຸມສຸດຍອດດັ່ງກ່າວ ຢູ່ ສປປ ລາວ ໃນທ້າຍເດືອນ ມີນາ ທີ່ຈະມາເຖິງນີ້, ສະຫາຍ ນາຍົກ ທອງລຸນ ສີສຸລິດ ໄດ້ສະແດງຄວາມຊົມເຊີຍຜົນສໍາເລັດກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 5 ແລະ ການຈັດກອງປະຊຸມ ລັດຖະມົນຕີຕ່າງປະເທດ ອາຊຽນ-ຈີນ ສະໄຫມພິເສດ ກ່ຽວກັບ ການແຜ່ລະບາດຂອງພະຍາດ ອັກເສບປອດຈາກເຊື້ອຈຸລະໂລກສາຍພັນໃຫມ່ ( Covid-19) ແລະ ສະແດງຄວາມເຫັນໃຈຢ່າງສຸດຊຶ້ງຕໍ່ລັດຖະບານ ແລະ ປະຊາຊົນຈີນ ໂດຍສະເພາະຕໍ່ຍາດພີ່ນ້ອງຜູ້ໄດ້ຮັບເຄາະຮ້າຍ ຈາກການແຜ່ລະບາດຂອງເຊື້ອພະຍາດດັ່ງກ່າວ ແລະ ສະເເດງຄວາມເຊື່ອຫມັ້ນວ່າ ພາຍໃຕ້ການຊີ້ນໍາ ນ່າພາ ຂອງລັດຖະບານ ແລະ ຄວາມມຸ່ງຫມັ້ນຂອງປະຊາຊົນ, ສປ ຈີນ ຈະສາມາດຄວບຄຸມ ແລະ ແກ້ໄຂ ການແຜ່ລະບາດຂອງພະຍາດດັ່ງກ່າວ, ພິເສດໃນປີ 202 1 ທີ່ຈະມາເຖິງນີ້ ສອງປະເທດ ຈະຮ່ວມກັນປຶກສາຫາລືເພື່ອຈັດກິດຈະກໍາສະເຫຼີມສະຫຼອງປີມິດຕະພາບ ແລະ ຄົບຮອບ 60 ປີ ແຫ່ງການສ້າງຕັ້ງສາຍພົວພັນການທູດນໍາກັນຂອງສອງປະເທດ ໃຫ້ມີຄວາມຫມາຍສໍາຄັນ ແລະ ມີ ບັນຍາກາດອັນຟົດຟື້ນ.

ໃນໂອກາດດຽວກັນ, ສະຫາຍ ຫວັງ ອີ້ ໄດ້ສະແດງຄວາມຂອບໃຈເປັນຢ່າງສູງຕໍ່ການ ຕ້ອນຮັບອັນອົບອຸນຂອງ ສະຫາຍ ນາຍົກລັດຖະມົນຕີ ທອງລຸນ ສີສຸລິດ ໃນຄັ້ງນີ້, ຢືນຢັນຈະ ສືບຕໍ່ໃຫ້ການຮ່ວມມືກັບ ສປປ ລາວ ກໍຄືການຮ່ວມມືຂອງສອງກະຊວງການຕ່າງປະເທດ ທີ່ມີຫນ້າທີ່ໂດຍກົງໃນການຊຸກຍູ້ໃຫ້ແກ່ການຕົກລົງຂອງການນໍາສອງປະເທດ ໃຫ້ຖືກຈັດຕັ້ງປະຕິບັດ ຢ່າງມີປະສິດທິຜົນ, ບົນພື້ນຖານການເປັນຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ແລະ ການເປັນຄູ່ຮ່ວມຊະຕາກໍາ ລະຫວ່າງ ສປປ ລາວ ແລະ ສປ ຈີນ.

Off

Comments are closed.