25th Feb2020

ພິທີປະກາດແຕ່ງຕັ້ງຫົວຫນ້າກອງບັນຊາການ ປກສ ແຂວງບໍ່ແກ້ວ

by somchan

ໃນວັນທີ 21 ກຸມພາ 2020 ກະຊວງປ້ອງກັນຄວາມສະຫງົບ ປະກາດແຕ່ງຕັ້ງຫົວຫນ້າກອງບັນຊາການ ປກສ ແຂວງບໍ່ແກ້ວ ໂດຍການເປັນກຽດເຂົ້າຮ່ວມຂອງ ພົທ ວິໄລ ຫຼ້າຄໍາຟອງ ລັດຖະມົນຕີກະຊວງ ປກສ ມີທ່ານ ຄໍາກິ່ງ ເອືອຍມະນີຮັກ ຮອງເຈົ້າແຂວງ ແຂວງບໍ່ແກ້ວ, ຫົວຫນ້າຫ້ອງວ່າການ ກະຊວງ, ຫົວຫນ້າກົມໃຫຍ, ບັນດາກົມວິຊາສະເພາະ ພ້ອມດ້ວຍພະນັກງານ-ນັກຮົບທົ່ວກອງບັນຊາ ການ ປກສ ແຂວງບໍ່ແກ້ວ ເຂົ້າຮ່ວມ.

ພັອ ຄອນສະຫວັນ ສົມພາໄຊ ຫົວຫນ້າກົມຈັດຕັ້ງພະນັກງານ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ໄດ້ຜ່ານດໍາລັດ ຂອງນາຍົກລັດຖະມົນຕີ ໃນນີ້ແຕ່ງຕັ້ງ ພັອ ອິນສົມ ທຳລະສິນ ເປັນຫົວຫນ້າກອງບັນຊາການ ປກສ ແຂວງບໍ່ແກ້ວ ໂອກາດນີ້ ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງ ປກສ ໄດ້ມີຄໍາເຫັນວ່າການແຕ່ງຕັ້ງ ຫົວຫນ້າກອງບັນຊາການ ປກສ ແຂວງບໍ່ແກ້ວໃນຄັ້ງນີ້ ແມ່ນຍ້ອນຄວາມຮຽກຮ້ອງຕ້ອງການຂອງຫນ້າທີ່ການເມືອງ ແລະ ເປັນກົດເກນພາວະວິໄສ ແມ່ນລະບຽບຫຼັກການຂອງພັກ ເພື່ອປັບປຸງການຈັດຕັ້ງໃຫ້ມີຄວາມຫນັກແຫນ້ນ ເຕີບໃຫຍ່ເຂັ້ມແຂງ ສາມາດຕອບສະຫນອງກັບຄວາມຮຽກຮ້ອງຕ້ອງການຂອງຫນ້າການເມືອງໃນແຕ່ລະໄລຍະ  ພ້ອມທັງເນັ້ນຫນັກໃຫ້ຫົວຫນ້າກອງບັນຊາການ ປກສ ແຂວງບໍ່ແກ້ວພ້ອມດ້ວຍຄະນຈົ່ງເພີ່ມທະວີ-ຍົກສູງສະຕິຄວາມຮັບຜິດຕໍ່ຫນ້າທີ່ການເມືອງທີ່ໄດ້ຮັບມອບຫມາຍ ເປັນແບບຢ່າງໃນການຈັດຕັ້ງປະຕິບັດແນວທາງຂອງພັກ ການຊີ້ນໍາຂອງຂັ້ນເທິງ ເອົາໃຈໃສ່ ກໍ່ສ້າງ-ປັບປຸງກໍາລັງ ຕາມຄວາມຮັບຜິດຊອບໃຫ້ມີແບບແຜນ ມີຄຸນນະພາບ ເປັນທີ່ໄວ້ເນື້ອເຊື່ອໃຈ ຂອງປະຊາຊົນ ເພີ່ມທະວີຄວາມ ສາມັກຄີພາຍໃນໃຫ້ແຫນ້ນແຟ້ນ ເຮັດສໍາເລັດຫນ້າທີ່ ທີ່ໄດ້ຮັບມອບຫມາຍ ເປັນຕົ້ນແມ່ນການສະກັດກັ້ນ ແລະ ແກ້ໄຂປະກົດການຫຍໍ້ທໍ້ຢູ່ໃນກໍາລັງ, ຕ້ານ ແລະ ສະກັດກັ້ນການສໍ້ລາດບັງຫຼວງ , ການສວຍໃຊ້ຫນ້າທີ່ຕໍາແຫນ່ງໃນທາງທີ່ບໍ່ຖືກຕ້ອງ ຫັນພະນັກງານລົງກໍ່ສ້າງຮາກຖານ ປຸກລະດົມປະຊາຊົນໃຫ້ເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຢ່າງຮອບດ້ານ ເພື່ອສະກັດກັ້ນ ແກ້ໄຂບັນດາໜໍ່ແຫນງທີ່ສ້າງຄວາມບໍ່ສະຫງົບທາງດ້ານການເມືອງ ຄວາມບໍ່ເປັນລະບຽບຮຽບທາງສັງຄົມ ເປັນຕົ້ນແມ່ນ ບັນຫາຢາເສບຕິດ, ສໍ້ໂກງຊັບ, ລັກຊັບ, ອຸປະຕິເຫດຕາມທ້ອງຖະຫນົນ, ຄ້າຂາຍເຖື່ອນ, ການເຂົ້າ-ອອກເມືອງບໍ່ຖືກຕ້ອງ, ແກ້ໄຂຄົນ ຕ່າງປະເທດທີ່ມາເຄື່ອນໄຫວຜິດກົດຫມາຍຂອງ ສປປ ລາວ, ແກ້ໄຂບັນຫາໂສເພນີ ແລະ ບັນຫາ ການຄ້າມະນຸດ ໃຫ້ຫຼຸດນ້ອຍລົງ ເພື່ອເຮັດໃຫ້ແຂວງບໍ່ແກ້ວມີຄວາມສະຫງົບທາງດ້ານການເມືອງ ມີຄວາມເປັນລະບຽບຮຽບຮ້ອຍທາງສັງຄົມ ການດໍາລົງຊີວິດຂອງປະຊາຊົນມີຄວາມປອດໄພ.

Off

Comments are closed.