27th Feb2020

ກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 03 ແຂວງ ແລະ ນະຄອນຫຼວງ 02 ກອງພົນ ປະຈໍາປີ 2019

by somchan

 

ກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 03 ແຂວງ, ນະຄອນຫຼວງ ແລະ 02 ກອງພົນ ປະຈໍາປີ 2019 ແລະ ວາງທິດທາງແຜນການປີ 2020 ໄດ້ຈັດຂຶ້ນໃນຕອນເຊົ້າວັນທີ 26 ກຸມພາ 2020 ທີ່ສະໂມສອນຫ້ອງວ່າການປົກຄອງນະຄອນຫຼວງວຽງຈັນ. ໂດຍການເປັນປະທານຂອງ ພົນເອກ ຈັນສະຫມອນ ຈັນຍາລາດ ກໍາມະການກົມ ການເມືອງສູນກາງພັກ, ຮອງປະທານ, ຜູ້ປະຈໍາການຄະນະກໍາມະການ ປ້ອງກັນຊາດ-ປ້ອງກັນ ຄວາມສະຫງົບ ສູນກາງ, ລັດຖະມົນຕີກະຊວງປ້ອງກັນປະເທດ, ມີບັນດາກໍາມະການກົມການເມືອງສູນກາງພັກ, ເຈົ້າຄອງນະຄອນຫຼວງວຽງຈັນ; ເລຂາພັກແຂວງ, ເຈົ້າແຂວງ, ປະທານ, ຮອງປະທານຄະນະກໍາມະການ ປກຊ-ປກສ ແຂວງວຽງຈັນ, ຫຼວງພະບາງ, ໄຊຍະບູລີ, ຄະນະພັກຄະນະບັນຊາກອງພົນທະຫານຮາບທີ 1 ແລະ ກອງພົນທະຫານຮາບທີ 2; ຜູ້ແທນຈາກຫ້ອງວ່າການສູນກາງພັກ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ຫ້ອງການຄະນະກໍາມະການ ປກຊ-ປກສ ສູນກາງ, ຄະນະພັກ-ຄະນະບັນຊາກົມກອງ ກໍາລັງປະກອບອາວຸດທ້ອງຖິ່ນ ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ສະຫຼຸບຕີລາຄາຄືນສະພາບການລວມ ແລະ ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ຂອງບັນດາແຂວງ. ໃນໄລຍະຫນຶ່ງປີຜ່ານມາ, ພາຍໃຕ້ການຊີ້ນໍາ-ນໍາພາຂອງກົມການເມືອງສູນກາງພັກ, ລັດຖະບານ ໂດຍສະເພາະ ແມ່ນການຊີ້ນໍາ-ນໍາພາ ຂອງຄະນະກໍາມະການ ປກຊ-ປກສ ສູນກາງ, ແຂວງ ແລະ ໄດ້ຮັບການ ຮ່ວມມືຈາກບັນດາອົງການຈັດຕັ້ງ, ອົງການປົກຄອງແຕ່ລະຂັ້ນ, ການປະກອບສ່ວນຂອງປະຊາຊົນ ບັນດາເຜົ່າທຸກຊັ້ນຄົນ ແລະ ຄວາມບຸກບືນສູ້ຊົນຂອງກໍາລັງປ້ອງກັນຊາດ-ປ້ອງກັນຄວາມສະຫງົບ ໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ສາມາດຍາດໄດ້ຜົນງານດ້ານດີຫຼາຍດ້ານ ໄດ້ຈັດຕັ້ງກຳລັງທຸກພາກສ່ວນລົງກໍ່ສ້າງຮາກຖານ, ເພື່ອເຮັດໜ້າທີ່ການເມືອງຂອງຕົນ ໂດນໄດ້ນຳພາສຶກສາອົບຮົມ ປະຊາຊົນໃຫ້ເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບ . ຜົນການຈັດຕັ້ງປະຕິບັດຮັບປະກັນເຮັດໃຫ້ປະເທດຊາດເວົ້າລວມ, ເວົ້າສະເພາະ 03 ແຂວງ ແລະ ນະຄອນຫຼວງ ມີຄວາມສະຫງົບ, ມີສະຖຽນລະພາບທາງດ້ານການເມືອງຢ່າງຫນັກແຫນ້ນ, ສັງຄົມມີຄວາມເປັນລະບຽບຮຽບຮ້ອຍ, ລະບົບການເມືອງ ຢູ່ຂັ້ນຮາກຖານໄດ້ຮັບ ການປັບປຸງ, ເສດຖະກິດໄດ້ຮັບການພັດທະນາ ແລະ ຂະຫຍາຍຕົວ, ຊີວິດການເປັນຢູ່ຂອງປະຊາ ຊົນບັນດາເຜົ່າໄດ້ພັດທະນາດີຂຶ້ນ, ກໍາລັງປ້ອງກັນຊາດ-ປ້ອງກັນຄວາມສະຫງົບ ນັບມື້ເຕີບໃຫຍ່ ເຂັ້ມແຂງ. ສັງລວມແລ້ວ, ຜ່ານການເຄື່ອນໄຫວຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຕະຫຼອດຫນຶ່ງປີຜ່ານມາ ສາມາດຮັບປະກັນໃຫ້ແກ່ການປົກ ປັກຮັກສາ ແລະ ສ້າງສາພັດທະນາປະເທດຊາດກ້າວຂຶ້ນຢ່າງບໍ່ຢຸດຢັ້ງ, ປະຊາຊົນບັນດາເຜົ່າມີຄວາມ ສາມັກຄີເປັນປຶກແຜ່ນ ແລະ ພ້ອມກັນປະກອບສ່ວນຢ່າງແຂງແຮງເຂົ້າໃນການເຮັດຫນ້າທີ່ປ້ອງກັນຊາດ-ປ້ອງກັນຄວາມສະຫງົບ ຢູ່ຂັ້ນທ້ອງຖິ່ນຂອງຕົນຢ່າງເປັນຂະບວນກວ້າງຂວາງ ແລະ ຕໍ່ເນື່ອງ. ໃນກອງປະຊຸມຄັ້ງນີ້, ບັນດາຜູ້ແທນກອງປະຊຸມຍັງໄດ້ພ້ອມກັນປະກອບຄໍາເຫັນ, ແລກປ່ຽນບົດ ຮຽນຫມາກຜົນຂອງການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ຢູ່ກົມກອງ, ທ້ອງຖິ່ນຂອງຕົນຢ່າງກົງໄປກົງມາ, ເຊິ່ງໄດ້ເປັນເອກະພາບສູງຕໍ່ບົດສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ ໃນປີ 2010 ຜ່ານມາ ແລະ ຈຸດສຸມປະຈໍາປີ 2020.

 

ໃນໂອກາດນີ້, ພົນເອກ ຈັນສະຫມອນ ຈະ ປະຊຸມຍັງໄດ້ໃຫ້ກຽດໂອ້ລົມ, ຊີ້ນໍາຕໍ່ກອງປະຊຸມ, ເຊິ່ງທ່ານໄດ້ສະແດງຄວາມ ສໍາເລັດໃນການຊີ້ນໍາ-ນໍາພາ, ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄາ ໃນໄລຍະ 01 ປີຜ່ານມາ, ເຖິງວ່າຈະພົບກັບຄວາມຫຍ້າຍາກ, ແຕ່ໂດຍໄດ້ຮັບການເອົາໃຈ ນໍາພາຂອງການນໍາຂັ້ນແຂວງ, ນະຄອນຫຼວງ, ກໍາລັງປ້ອງກັນຊາດ-ປ້ອງກັນຄວາມສະຫງົບ, ບັນດາ ກົມກອງປະກອບອາວຸດແຕ່ລະຂັ້ນໄດ້ສຸມທຸກກໍາລັງແຮງເຮັດສໍາເລັດຫນ້າທີ່ຂອງຕົນດ້ວຍນ້ຳໃຈບຸກທະລຸ. ພ້ອມກັນນັ້ນ, ທ່ານຍັງໄດ້ເນັ້ນຫນັກໃຫ້ກໍາລັງປ້ອງກັນຊາດ-ປ້ອງກັນຄວາມສະຫງົບ ຢູ່ບັນດາ ແຂວງ, ແລະນະຄອນຫຼວງ, ອົງການຈັດຕັ້ງ, ພາກສ່ວນກ່ຽວຂ້ອງຈົ່ງຍົກສູງຄວາມຮັບຜິດຊອບຕໍ່ຫນ້າທີ່ ການເມືອງອັນມີກຽດສະຫງ່າຂອງຕົນທີ່ພັກ-ລັດ ແລະ ປະຊາຊົນມອບຫມາຍໃຫ້, ພ້ອມກັນຈັດຕັ້ງ ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ເພື່ອຮັບປະກັນໃຫ້ ປະເທດຊາດ ກໍ່ຄື 03 ແຂວງ, ນະຄອນຫຼວງ ສືບຕໍ່ມີຄວາມສະຫງົບ, ມີສະຖຽນລະພາບທາງດ້ານ ການເມືອງ, ສັງຄົມມີຄວາມເປັນລະບຽບຮຽບຮ້ອຍ, ປະຊາຊົນມີຄວາມຜາສຸກ, ສ້າງບາດກ້າວບຸກ ທະລຸໃນການພັດທະນາໃຫ້ບັນລຸຕາມເປົ້າຫມາຍທີ່ພັກ-ລັດ ແລະ ປະຊາຊົນມອບຫມາຍໃຫ້.

 

Off

Comments are closed.