27th Feb2020

ຄຸມຂັງ-ດັດສ້າງ ປກສ ແຂວງອຸດົມໄຊ ສະຫຼຸບວຽກງານ ປະຈໍາປີ 2019

by somchan

ວັນທີ 19 ກຸມພາ 2020 ຄ້າຍຄຸມຂັງ-ຕັດສ້າງ ປກສ ແຂວງອຸດົມໄຊ ໄດ້ຈັດກອງປະຊຸມສະຫຼຸບວຽກງານ ປະຈໍາປີ 2019 ແລະ ວາງທິດທາງແຜນການ ປະຈໍາປີ 2020 ໂດຍການເປັນ ປະທານຂອງ ພັນໂທ ບຸນເພັງ ສັນທະລາພອນ ຫົວຫນ້າຄ້າຍຄຸມຂັງ-ດັດສ້າງ ປກສ ແຂວງ, ເຂົ້າຮ່ວມມື ພັທ ຄຳແຮ ກັນທະນີ ຮອງຫົວຫນ້າກອງບັນຊາການ ປກສ ແຂວງອຸດົມໄຊ, ມີຄະນະພັກ ຄະນະຄ້າຍ, ແຂກຖືກເຊີນ ຕະຫຼອດຮອດພະນັກງານ-ນັກຮົບພາຍໃນຄ້າຍເຂົ້າຮ່ວມ.

ໃນກອງປະຊຸມໄດ້ຜ່ານບົດສະຫຼຸບຕີລາຄາການນໍາພາ-ບັນຊາ, ຈັດຕັ້ງປະຕິບັດວຽກງານຄຸມຂັງ-ດັດສ້າງໃນ ໄລຍະ 1 ປີຜ່ານມາ ແລະ ວາງທິດທາງແຜນການໃນປີ 2020, ຍົກໃຫ້ເຫັນດ້ານດີຜົນງານ ແລະ ດ້ານອ່ອນ ຂໍ້ຄົງຄ້າງ ເປັນຕົ້ນແມ່ນການຮັກສາຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ ກໍ່ຄືຢູ່ພາຍໃນຄ້າຍຢ່າງມີຄວາມສະຫງົບປອດໄພດີໂດຍພື້ນຖານ; 01 ຜ່ານມາ ທົ່ວແຂວງມີນັກໂທດ, ຕ້ອງ ຫາ, ດັດສ້າງທັງຫມົດ 2.536 ຄົນ, ຍິງ 246 ຄົນ, ຕ່າງປະເທດ 60,ຍິງ 2 ຄົນ,ປ່ອຍຕົວປະຕິບັດໂທດສຳເລັດ 33, ຍິງ 6 ຄົນ, ປ່ອຍຕົວກ່ອນກໍານົດ 17 ຄົນ ແລະ ສະເຫນີອະໄພຍະໂທດ 41, ຍິງ12ຄົນ, ປະຈຸບັນມີນັກໂທດ-ດັດສ້າງ 1,141, ຍິງ 92 ຄົນ,ຕ່າງປະເທດ 12 ຄົນ, ໃນນີ້ນັກໂທດຈຳຄຸກຕະຫຼອດຊີວິດ 8 ຄົນ, ຕ່າງປະເທດ1ຄົນ,ນັກໂທດປະຫານຊີວິດ 1 ຄົນ, ຕ້ອງຫາ 147, ຍິງ14ຄົນ, ດັດສ້າງ 289, ຍິງ7ຄົນ, ຢູ່ຄ້າຍຄຸມຂັງ-ດັດສ້າງ ປກສ 7 ເມືອງມີທັງຫມົດ 342, ຍິງ12ຄົນ; ຕະຫຼອດໄລຍະຜ່ານມາ ຄະນະພັກ ຄະນະຄ້າຍ ແລະ ຄະນະຊີ້ນໍາຮັບຜິດຊອບໄດ້ຖືເອົາວຽກງານສຶກສາອົບຮົມ ນັກໂທດ, ຕ້ອງຫາ-ດັດສ້າງ ດ້ວຍຫຼາຍຮູບແບບ ແລະ ຫຼາຍວິທີການມີການປະສານສົມທົບກັບພາກສ່ວນທີ່ ກ່ຽວຂ້ອງຢ່າງຕໍ່ເນື່ອງບົນພື້ນຖານແມ່ນກໍານົດເອົາແນວທາງນະໂຍບາຍຂອງພັກ, ລະບຽບກົດຫມາຍຂອງລັດ,ນິຕິກໍາ ຕ່າງໆຂອງຂັ້ນເທິງຫັນມາ, ເປັນແຜນການ ແຜນງານ ແລະ ໂຄງການຢ່າງລະອຽດ ເພື່ອສຶກສາອົບຮົມໃຫ້ເຂົາເຈົ້າ ຢ່າງເປັນປົກກະຕິຕໍ່ເນື່ອງໄດ້ 12 ຄັ້ງ,ມີຜູ້ເຂົ້າຮ່ວມຮັບຟັງ 741 ຄົນ,ຍິງ78ຄົນ; ດ້ານວຽກງານນະໂຍບາຍແກ່ ນັກໂທດ,ຕ້ອງຫາ-ດັດສ້າງ ຜູ້ທີ່ມີຄວາມກ້າວຫນ້າ ສະເຫນີໃຫ້ຂັ້ນເທິງອະໄພຍະໂທດ 33,ຍິງ10ຄົນ ແລະ ປ່ອຍຕົວ ກ່ອນກໍານົດ5ຄົນ, ນະໂຍບາຍພົບຍາດ1.084 ເທື່ອຄົນ ແລະ ວຽກງານວິຊາສະເພາະອື່ນໆອີກ; ໃນໂອກາດນີ້ ພະນັກງານ-ນັກຮົບ ຄ້າຍຄຸມຂັງ9ດັດສ້າງ ປກສ ແຂວງອຸດົມໄຊ ຍັງໄດ້ຮັບຟັງການເລົ່າມູນເຊື້ອ ວັນສ້າງຕັ້ງກຳລັງຕຳຫຼວດຄ້າຍຄຸມຂັງ-ດັດສ້າງ ຄົບຮອບ 56 ປີ ຄື 9 ກຸມພາ ປີ 1964 ຫາ 9 ກຸມພາ ປີ 2020ຕື່ມອີກ.

 

Off

Comments are closed.