04th Mar2020

ຄະນະໂຄສະນາອົບຮົມສູນກາງພັກ ຮ່ວມກັບກະຊວງສາທາລະນະສຸກ ເຜີຍແຜ່ກ່ຽວກັບພະຍາດໂຄວິດ 19

by somchan

ໃນວັນທີ 4 ກຸມພາ 2019 ນີ້ ຄະນະໂຄສະນາອົບຮົມສູນກາງພັກ ຮ່ວມກັບກະຊວງສາທາລະນະສຸກ ໄດ້ຈັດຕັ້ງເຜີຍແຜ່ກ່ຽວກັບ ພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ 19 ໃຫ້ກັບຄະນະພັກ, ພະນັກງານຫຼັກແຫຼ່ງອ້ອມຂ້າງສູນກາງ ທີ່ຢູ່ຫ້ອງປະຊຸມໃຫ່ຍ ຄະນະໂຄສະນາອົບຮົມສູນກາງພັກ ໂດຍການເຜີຍແຜ່ຂອງທ່ານ ຮສ ດຣ ບຸນກອງສີຫາວົງ ລມຕ ກະຊວງສາທາລະນະສຸກ ມີທ່ານ ຄຳເຈນ ວົງໂພສີ ຮອງຫົວໜ້າຄະນະໂຄສະນາອົບຮົມສູນກາງພັກ ມີບັນດາຄະນະນຳກະຊວງ ອົງການແນວລາວສ້າງຊາດ, ອົງການຈັດຕັ້ງມະຫາຊົນ ນະຄອນຫຼວງ ພ້ອມດ້ວຍພະນັກງານ ທະຫານ, ຕຳຫຼວດ ພະນັກງານລັດຖະກອນ ອ້ອມຂ້າງສູນກາງເຂົ້າຮ່ວມຮັບຟັງ.

ການໂຄສະນາເຜີຍແຜ່ໃນຄັ້ງນີ້ ກໍ່ເພື່ອສ້າງຄວາມຮັບຮູ້ເຂົ້າໃຈຢ່າງເລີກເຊີ່ງ ແລະ ກ້ວາງຂວາງ, ທັງເປັນການສະໜອງຂໍ້ມູນຂ່າວສານ ກ່ຽວກັບພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ 19 ໃຫ້ແກ່ຄະນະພັກ-ຄະນະນຳ ຂອງບັນດາກະຊວງ, ອົງການຂັ້ນສູນກາງ, ນະຄອນຫຼວງ ຕໍ່ທັດສະນະແນວທາງນະໂຍບາຍຂອງພັກ-ລັດ ຢ່າງຖືກຕ້ອງເພື່ອສືກສາອົບຮົມນຳພາແນວຄິດ ພະນັກງານ-ລັດຖະກອນ ທະຫານ, ຕຳຫຼວດ ແລະ ປະຊາຊົນບັນດາເຜົ່າ ຊັ້ນຄົນຕ່າງໆ ໃນທົ່ວສັງຄົມ ແນ່ໃສ່ການຕ້ານ ແລະ ສະກັດກັ້ນການໂຄສະນາບິດເບືອນ ການສວຍໃຊ້ສື່ສັງຄົມອ່ອນລາຍທີ່ບໍມີມູນຄວາມຈິງ ນອກນີ້ຜູ້ເຂົ້າຮ່ວມຍັງໄດ້ຮັບຮູ້ ສະຖານະການ ສາເຫດ ການຕິດຕໍ່ ການແຜ່ລະບາດ ລວມໄປເຖີງການປ້ອງກັນຄວບຄຸມພະຍາດອັກເສບປອດສາຍພັນໃໝ່ ໂຄວິດ 19 ນຳອີກ.

 

 

Off

Comments are closed.