12th Mar2020

ກົມຄຸ້ມຄອງສຳມະໂນຄົວແລະກໍ່ສ້າງຮາກຖານ ກະຊວງ ປກສ ຈັດກອງປະຊຸມສະຫຼູບວຽກງານປະຈຳປີ 2019

by somchan

ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານກະຊວງປ້ອງກັນຄວາມສະຫງົບ ໄດ້ຈັດກອງປະຊຸມສະຫຼູບວຽກງານປະຈຳປີ 2019 ແລະ ທິດທາງແຜນການປີ 2020 ໃນວັນທີ 12 ມີນາ ເປັນກຽດເຂົ້າຮ່ວມຂອງ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ມີຄະນະພັກ-ຄະນະບັນຊາ, ພະນັກງານຫຼັກແຫຼ່ງ ແລະ ພະນັກງານນັກຮົບເຂົ້າຮ່ວມ.

ພັທ ສົມໄຊ ແສງຄຳຢອງ ຫົວໜ້າຫ້ອງການກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໄດ້ຜ່ານບົດສະຫຼູບຕີລາຄາການເຄື່ອນໄຫວວຽກງານໃນ 1 ປີຜ່ານ ເປັນຕົ້ນວຽກງານກໍ່ສ້າງຮາກຖານການເມືອງຕາມ 3 ຂົງເຂດ ໄດ້ປະສານສົມທົບກັບພະນັກງານ ທີ່ລົງກໍ່ສ້າງຮາກຖານ ນະຄອນຫຼວງວຽງຈັນເພື່ອ ຕິດຕາມເກັບກຳສະພາບ ລາຍງານໃຫ້ຂັ້ນເທີງເປັນປົກກະຕິ, ແຕ່ລະກອງກໍ່ສ້າງຮາກຖານ ໄດ້ເອົາໃຈໃສ່ຈັດຕັ້ງປະຕິບັດບັນດາວຽກງານໄດ້ສຳເລັດຕາມແຜນການທີ່ກຳນົດໄວ້ ໄດ້ປັບປຸງວຽກງານ ປກສ ບ້ານໄດ້ 273 ບ້ານ ມີກຳລັງ ປກສ ບ້ານ2 ພັນກ່ວາຄົນ, ສາມາດສ້າງຄອບຄົວປ້ອງກັນຄວາມສະຫງົບດີໄດ້ 8,247 ຄອບຄົວ, ໄດ້ສືກສາອົບຮົມປະຊາຊົນທີມີອາວຸດເນື້ອໄວ້ໃນຄອບຄອງ, ແກ້ໄຂບັນຫາທີ່ດີນ, ເປົ້າໝາຍຂີ້ລັກງັດແງະ 240 ຄັ້ງ, ບັນດາກອງກໍ່ສ້າງຮາກຖານອອກເຄື່ອນໄຫວເຮັດໜ້າທີແກ້ໄຂການລັກຂ້າມລອຍໄດ້ 423 ຄົນ ເກັບກຳຄົນພັກເຊົາຊົ່ວຄາວໄດ້ 4000 ກ່ວາຄົນ, ເກັບກຳຄົນບໍ່ມີໜ້າຊົ່ວຄາວໄດ້ 460 ຄົນ, ກວດກາຄົນເພີມໄດ້ 2,623 ຄົນ, ຄົນຫຼຸດ 1,182 ຄົນ, ໄດ້ນຳພາ ປກຊ-ປກສ ອອກກວດກາສາລະເວ ແລະ ຕິດຕາມເປົ້າໝາຍຕ່າງໆໄດ້ 10691 ຄັ້ງ, ພະນັກງານກອງກໍ່ສ້າງຮາກຖານ ປະຈຳແຂວງບໍ່ແກ້ວສົມທົບກັບ ປກສ ເມືອງຕົ້ນເຜີງ ແລະ ເມືອງຫວຍຊາຍ ກວດກາຕິດຕາມເປົ້າໝາຍ ຄ້າ-ຂາຍຢາເສບຕິດ ສາມາດກັກເປົ້າໝາຍໄດ້ 5 ຄົນ ພ້ອມຢາບ້າ 7 ແສນກ່ວາເມັດ ແລະ ອື່ນໆ, ວຽກງານສຳມະໂນຄົວໄດ້ເກັບກຳສະຖິຕິພົນລະເມືອງໃນປີ 2019 ທົວປະເທດມີ 18 ແຂວງ ,3ນະຄອນມີ 145 ເມືອງ, ມີ 8,439 ບ້ານ, 1 ລ້ານກ່ວາຫຼັງຄາເຮືອນ, 1 ລ້ານກ່ວາຄອບຄົວ, ມີພົນລະເມືອງທັງໝົດເກືອບ 7 ລ້ານກ່ວາຄົນ ໄດ້ຂື້ນຖະບຽນສຳມະໂນຄົວແລ້ວ 1 ລ້ານກ່ວາຄອບຄົວ, ມີ 6 ລ້ານກ່ວາຄົນຍັງບໍ່ທັນຂື້ນຖະບຽນສຳມະໂນຄອບຄົວ , ມີ 5 ໝື່ນກ່ວາຄອບຄົວ, ມີ 11 ແສນກ່ວາຄົນ ເກັບກຳສະພາບການປັບປຸງປື້ມສຳມະໂນຄົວໄດ້ 10 ແຂວງ ,ຕິດຕາມການພີມຂໍ້ມູນເຂົ້າລະບົບຄອມພີວເຕີ ໃນທົ່ວປະເທດໄດ້ 6 ໝື່ນຄອບຄົວ, ມີ 4 ແສນກ່ວາຄົນ, ພີມປືມສຳມະໂນຄົວລາວແບບໃໝ່ ຢູ່ 9 ຕົວເມືອງຂອງນະຄອນຫຼວງວຽງຈັນໄດ້ 1 ໝື່ນກ່ວາຄອບຄົວ ມີ 7 ກ່ວາຄົນ ແລະ ວຽກງານອື່ນໆມີຜົນສຳເລັດຕາມຄາດໝາຍ.

ໃນໂອກາດດຽວກັນນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມ ແລະ ເນັ້ນໜັກຕໍ່ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງ ໃຫ້ສຸມໃສ່ການຄຸັມຄອງການເໜັງຕີງຂອງພົນລະເມືອງ ການຂື້ນຖະບຍນສຳມະໂນຄົວລາວ-ຕ່າງດ້າວ, ການຄຸມຄອງພາຫານະ-ອາຊີບພິເສດແມ່ນໃຫ້ຮັດກຸ່ມ ແລະ ຖືກຕ້ອງຕາມຫຼັກການວິຊາສະເພາະ, ເກັບກຳຂື້ນບັນຊີຕິດຕາມ ແລະ ຄຸັມຄອງເປົ້າໝາຍຕ່າງໆໂດຍສະເພາະຢູ່ບັນດາຈຸດສຸມທີ່ມີຄວາມສ່ຽງ ເພື່ອຮັກສາໄດ້ຄວາມສະຫງົບ ຄວາມເປັນລະບຽບຮຽບຮ້ອຍຂອງສັງຄົມໂດຍພື້ນຖານ ແລະ ເພື່ອສ້າງກຳລັງ ປກສ ໃຫ້ເຕີບໃຫ່ຍເຂັ້ມແຂງຢູ່ໃນຮາກຖານ

Off

Comments are closed.