12th Mar2020

ເປີດງານແຂ່ງຂັນກິລາຂ່ຳນັບຮັບຕ້ອນ ວັນສ້າງຕັ້ງກຳລັງ ປກສ ຄົບຮອບ 59 ປີ

by somchan

 

ງານແຂ່ງຂັນກິລາເພື່ອຂ່ຳນັບຮັບຕ້ອນວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 59 ປີ ໄດ້ຈັດຂື້ນໃນວັນທີ 12 ມີນາ 2020 ນີ້ ທີສະໝາມກິລາ ກະຊວງປ້ອງກັນຄວາມສະຫງົບ ໂດຍການໃຫ້ກຽດເຂົ້າຮ່ວມຂອງ ພົຕ ວັນທອງ ກອງມະນີ ຄະນະປະຈຳພັກກະຊວງ, ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ

,ມີຄະນະພັກຄະນະບັນຊາ, ພະນັກງານຫຼັກແຫຼ່ງ ກົມກອງອ້ອມຂ້າງກະຊວງ ປກສ ກ້ອນກຳລັງນັກກິລາກົມກອງອ້ອມຂ້າງ ທັງກະຊວງປ້ອງກັນຄວາມສະຫງົບ ແລະ ແຂກຖືກເຊີນເຂົ້າຮ່ວມ.

 

ພັອ ທອງເພັດ ມະນີສະຫວັນ ຫົວໜ້າກົມກິລາ ປ້ອງກັນຄວາມສະຫງົບ ,ຮອງປະທານຈັດງານແຂ່ງຂັນກິລາຂຳນັບຮັບຕ້ອນວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 59 ປີ ໄດ້ລາຍງານການກະກຽມຄວາມພ້ອມ ການແຂ່ງຂັນກິລາເຊີງທ່ານໄດ້ກ່າວວ່າ: ພາຍຫຼັງໄດ້ຮັບຂໍ້ຕົກລົງເຫັນດີ ຂອງລັດຖະມົນຕີກະຊວງປ້ອງກັນຄວາມສະຫງົບ  ວ່າດ້ວຍການອະນຸມັດໃຫ້ເປີດຂະບວນການແຂ່ງຂັນກິລາ ແລະ ຂໍ້ຕົກລົງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳລວມ, ອະນຸກຳມະການຕ່າງໆເພື່ອຂຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 59 ປີ ,ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ແລະ ກອງປະຊຸມໃຫ່ຍຄັ້ງທີ 5 ຂອງອົງຄະນະພັກກະຊວງປ້ອງກັນຄວາມສະຫງົບ ,ຄະນະຮັບຜິດຊອບ ໄດ້ແຕ່ງຕັ້ງອານຸກຳມະການດ້ານຕ່າງໆ ແລະ ໄດ້ກຳນົດເອົາ 4 ປະເພດກິລາເຂົ້າໃນການແຂ່ງຂັນຄື: ມີກິລາເຕະບານ ມີ 12 ທີມ ເຂົ້າຮ່ວມ ກິລາບານສົ່ງຍີງ-ຊາຍ ມີ 14 ທີມ, ກິລາກະຕໍ້ຊາຍ ມີ 7 ທີມ ແລະ ກິລາເປຕັງ ມີ 73 ທີມ.

ໂອ້ກາດນີ້ ພົຈວ ອຸ່ນຫຼ້າ ວົງພະຈັນ ຮອງເລຂາຄະນະພັກ, ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ໃນນາມປະທານຈັດງານແຂ່ງຂັນກິລາ ຂຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ໄດ້ມີຄຳເຫັນກ່າວເປີດງານແຂ່ງຂັນຢ່າງເປັນທາງການເຊີ່ງທ່ານໄດ້ກ່າວວ່າ:

ງານແຂ່ງຂັນກິລາຂຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 59 ປີ ໃນຄັ້ງນີ້ແມ່ນຈະດຳເນີນເປັນເວລາ 2 ວັນ ຈືງສຳເລັດ.

Off

Comments are closed.