19th Mar2020

ກອງປະຊຸມປືກສາຫາລືການສະກັດກັ້ນ ແລະ ຕ້ານພະຍາດໂຄວິດ-19

by somchan

ໃນວັນທີ 18 ມີນາ 2020 ລັດຖະບານແຫ່ງ ສປປ ລາວ ໄດ້ຮ່ວມກັນປືກສາຫາລືກ່ຽວກັບການສະກັດກັ້ນ ແລະ ຕ້ານພະຍາດໂຄວິດ-19 ໂດຍການເປັນປະທານຂອງພະນະທ່ານທອງລຸນ ສີສຸລິດ ນາຍົກລັດຖະມົນຕີ ມີຮອງນາຍົກ, ຄະນະລັດຖະບານ, ຄະນະຮັບຜິດຊອບເຝົ້າລະວັງການແຜ່ລະບາດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ການສຶກສາຫາລືໃນຄັ້ງນີ້ ໄດ້ຮັບການລາຍງານ ກ່ຽວກັບການແຜ່ລະບາດຂອງພະຍາດໂຄວິດ-19 ຈາກຄະນະຮັບຜິດຊອບ ຊື່ງພະຍາດດັ່ງກ່າວພວມມີການລະບາດເປັນວົງກວ້າງ ຊື່ງມາຮອດວັນທີ 18 ມີນາ 2020 ມີຜູ້ຕິດເຊື້ອໃນທົ່ວໂລກ ເກືອບ 2 ແສນຄົນ, ເສຍຊີວິດເກືອບ 8 ພັນຄົນ, ປິ່ນປົ່ວດີແລ້ວ 8 ໝື່ນກວ່າຄົນ, ສຳລັບປະເທດລາວແມ່ນຍັງບໍ່ມີຜູ້ຕິດເຊື້ອ, ແຕ່ພັກ-ລັດຖະບານກໍ່ໄດ້ສຸມໃສ່ຢ່າງຕັ້ງໜ້າໃນການສະກັດກັ້ນ ແລະ ຕ້ານພະຍາດດໂຄວິດ-19 ບໍ່ໃຫ້ລະບາດພາຍໃນປະເທດ ໂດຍລັດຖະບານໄດ້ກຳນົດ 9 ມາດຕະການໃນການສະກັດກັ້ນ.

ພະນະທ່ານທອງລຸນ ສີສຸລິດ  ໄດ້ກ່າວໃນກອງປະຊຸມຄັ້ງນີ້ວ່າ: ພາຍຫຼັງພະວິດໂຄວິ-19 ໄດ້ແຜ່ລະບາດໄປທົ່ວໂລກ, ພັກ-ລັດຖະບານກໍ່ໄດ້ມີຄວາມເປັນຫວງເປັນໄຍຕໍ່ປະຊາຊົນ ແລະ ໄດ້ເພີ່ມທະວີສະກັດກັ້ນຢ່າງຕັ້ງໜ້າ, ໂດຍມີການແຕ່ງຕັ້ງຄະນະຮັບຜິດຊອບເຝົ້າລະວັງນັບແຕ່ສູນກາງລົງຮອດທ້ອງຖິ່ນ ເພື່ອບໍ່ໃຫ້ພະຍາດດັ່ງກ່າວລະບາດພາຍໃນປະເທດ ເຊິ່ງເນື້ອໃນບາງຕອນທ່ານໄດ້ກ່າວວ່າ:

ພ້ອມນີ້ ທ່ານນາຍົກລັດຖະມົນຕີ ຍັງໄດ້ຮຽກຮ້ອງມາຍັງປະຊາຊົນລາວຈົນມີສະຕິລະມັດຕົວ ປະຕິບັດຕາມແຈ້ງການຂອງຄະນະຮັບຜິດຊອບຢ່າງເຂັ້ມງວດ ແລະຢ່າຫຼົງເຊື້ອສື່ສັງຄົມອອນລາຍທີ່ຈະສ້າງຄວາມປັ່ນປວນຢູ່ໃນສັງຄົມ.

Off

Comments are closed.