27th Mar2020

6 ຄົນ ຜູ້ທີ່ຕິດເຊື້ອໄວຣັດ ໂຄວິດ-19 ແມ່ນໄດ້ຮັບການເບິ່ງແຍງ ແລະ ປິ່ນປົວຈາກແພດໝໍເປັນຢ່າງດີ.

by somchan

ທ່ານ ຮອງ ສຈ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈຳການຄະນະສະເພາະກິດ ເພື່ອປ້ອງກັນຄວບຄຸມ ແລະແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ໄດ້ຖະແຫຼ່ງຢ່າງເປັນທາງການ ໃນຕອນບ່າຍຂອງວັນທີ 27 ມີນາ 2020 ນີ້ວ່າ: ປະຈຸບັນປະເທດລາວ ໄດ້ນຳຕົວຢ່າງກໍລະນີສົງໄສທີ່ຕິດເຊື້ອພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ ຫຼືໂຄວິດ-19 ທັງໝົດ 218 ກໍລະນີ ໄປກວດ, ໃນນັ້ນ 37 ຕົວຢ່າງ ຜົນກວດອອກມາເປັນລົບທັງໝົດ.

ປະຈຸບັນ ສປປ ລາວ ມີຜູ້ຕິດເຊື້ອ 6 ຄົນ. ໃນນີ້ 4 ຄົນແມ່ນປິ່ນປົວຢູ່ໂຮງໝໍມິດຕະພາບ ແລະ 2 ຄົນຢູ່ໂຮງໝໍຫຼວງພະບາງ, ຄົນເຈັບທັງໝົດແມ່ນມີອາການຊົງຕົວ. ຂັ້ນເບົາບາງ ແລະ ໄດ້ຮັບການເອົາໃຈໃສ່ເບິ່ງປິ່ນປົວຈາກແພດໝໍຕາມຫຼັກວິຊາການເປັນຢ່າງດີ.

Off

Comments are closed.