30th Mar2020

ປະເທດລາວພົບຜູ້ຕິດເຊື້ອເພີ່ມ 1 ຄົນ ລວມຜູ້ຕິດເຊື້ອທັງຫມົດ 9 ຄົນ

by somchan

ໃນວັນທີ 30 ມີນາ 2020 ນີ້ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດ ໂຄວິດ19 ໄດ້ຖະແຫ່ງຂ່າວປະຈຳວັນ ໂດຍລາຍງານວ່າ: ພົບຜູ້ຕິດເຊື້ອເພີ່ມອີກ 1 ຄົນ. ທ່ານ ຮສຈ ດຣ ພູທອນ ເມືອປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈຳການສະເພາະກິດໄດ້ກ່າວວ່າ: ວັນທີ 29 ມີນາ 2020 ຄະນະຮັບຜິດຊອບໄດ້ກວດວິເຄາະກໍລະນີສົງໄສ 64 ກໍລະນີ ໃນນີ້ນະຄອນຫລວງວຽງຈັນ 49 ກໍລະນີ ແຂວງຫລວງພະບາງ 11 ກໍລະນີ ແຂວງສາລະວັນ 2 ກໍລະນີ ແຂວງໄຊຍະບູລີ ແລະແຂວງຜົ້ງສາລີ ແຂວງລະ 1 ກໍລະນີ ຜົນກວດວິເຄາະ 63 ກໍລະນີ ບໍ່ຕິດເຊື້ອ ມີ 1 ກໍລະນີ ຕິດເຊື້ອ ເຊິ່ງເປັນເພດຍິງ ອາຍຸ 22 ປີ ຢູ່ບ້ານໂພນພະເນົາ ເມືອງໄຊເສດຖາ ນະຄອນຫລວງວຽງຈັນ ຜູ້ກ່ຽວມີປະຫວັດເດີນມາແຕ່ປະເທດໄທ ໂດຍປະຈຸບັນໄດ້ຮັບການປິ່ນປົວ ເບິ່ງແຍງຢູ່ໂຮງຫມໍມິດຕະພາບ ເຮັດໃຫ້ມາຮອດ ວັນທີ 30 ມີນາ ນີ້ປະເທດລາວພົບຜູ້ຕິດເຊື້ອແລ້ວທັງຫມົດ 9 ກໍລະນີ.

Off

Comments are closed.