01st Apr2020

ສິນຄ້າປະເພດສະບຽງອາຫານ, ເຄື່ອງບໍປະໂພກ-ບໍລິໂພກ ສາມາດຊື້-ຂາຍເປັນກະກະຕິ

by somchan

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໄດ້ຈັດກອງປະຊຸມວາງແຜນຄວາມພ້ອມ ໃນການເຝົ້າລະວັງການຂຶ້ນລາຄາສິນຄ້າ ພາຍໃນນະຄອນຫຼວງວຽງຈັນ ໃນໄລຍະການລະບາດພະຍາດ ໂຄວິດ-19. ໃນວັນທີ 31 ມີນາ 2020 ນີ້ ໂດຍການເປັນທານຂອງທ່ານ ນາງ ວັນມະນີ ພິມມະສານ ຫົວໜ້າພະແນກອຸດສາຫະກຳ ແລະ ການຄ້າ, ມີຄະນະພະແນກ, ບັນດາຫ້ອງການອຸດສາຫະກຳ ແລະ ການຄ້າ ເມືອງອ້ອມຂ້າງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ທ່ານ ນັນຕາ ສານຸວົງ ຮອງຫົວໜ້າພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໄດ້ກ່າວວ່າ: ຜ່ານການລົງຕິດຕາມ, ກວດກາ ແລະຄຸມຄອງລາຄາສິນຄ້າ ທີ່ມີຜົນກະທົບໄວຕໍ່ຊີວິດການເປັນຢູ່ຂອງປະຊາຊົນ ເປັນຕົ້ນແມ່ນສິນຄ້າປະເພດສະບຽງອາຫານ, ເຄື່ອງອຸປະໂພກ-ບໍລິໂພກຕ່າງໆທີ່ຈຳເປັນ. ນັບແຕ່ມີການລະບາດຈົນເຖິງປະຈຸບັນ ເຫັນໄດ້ວ່າ ຢູ່ບັນດາຫົວໜ່ວຍທຸລະກິດ ແລະ ຫ້າງຮ້ານຕ່າງໆ ໃນຕະຫຼາດນະຄອນຫຼວງວຽງຈັນ ແມ່ນມີສະພາບປົກກະຕິ, ການສະໜອງສິນຄ້າຈາກຜູ້ບັນດາຜະລິດ, ຜູ້ນຳເຂົ້າ ແລະ ຜູ້ຈຳໜ່າຍແມ່ນພຽງພໍ ກັບຄວາມຮຽກຮ້ອງຕ້ອງການຂອງສັງຄົມ. ແຕ່ໃນໄລຍະດັ່ງກ່າວໄດ້ເກີດມີສະພາບການເຜີຍແຜ່ຂ່າວທີ່ບໍ່ມີມູນຄວາມຈິງກ່ຽວກັບການກັກຕຸນສິນຄ້າ ເຊິ່ງໄດ້ເຮັດສັງຄົມມີຄວາມແຕກຕື່ນ  ພາກັນໄປຊື້ສິນຄ້າເພື່ອມາກັກຕຸນໄວ້ຊົມໃຊ້ ແລະ ໄດ້ເປັນສາເຫດໜຶ່ງທີ່ເຮັດໃຫ້ຜູ້ປະກອບການຄ້າຂາຍ ໄດ້ສວນໂອກາດຂຶ້ນລາຄາສິນບາງລາຍການ ເຮັດໃຫ້ສັງຄົມມີຄວາມປັ່ນປ່ວນ.

 

ປັດຈຸບັນ ສະພາບການຄ້າຂາຍ ແມ່ນມີຄວາມສະຫງົບ ແລະ ໄດ້ເຮັດບົດທຶກກັບບັນດາບໍລິສັດ, ຮ້ານສະດວກຊື້, ສູນການຄ້າ ແລະ ຕະຫຼາດ 8 ແຫ່ງ ເຊິ່ງເປິດໃຫ້ບໍລິການຊື້-ຂາຍສິນຄ້າເປັນປົກກະຕິ ບໍ່ໃຫ້ປິດກິດຈະການຕາມລຳພັງໃຈ, ເວັ້ນເສຍແຕ່ມີຄຳສັ່ງຈາກຂັ້ນເທິງ, ໃຫ້ມີການປ້ອງກັນ ແລະ ສະກັດກັ້ນການແຜ່ລະບາດເຊື້ອຈຸລະໂລກສາຍພັນໃໝ່ ຫຼື ໂຄວິດ-19 ຕາມຂັ້ນຕອນ ແລະ ລະບຽບການຂອງສາທາລະນະສຸກວາງອອກ. ພ້ອມນີ້ຍັງໄດ້ສືບຕໍ໋ແຕ່ງຕັ້ງຄະນະລົງຕິດຕາມ, ກວດກາສິນຄ້າ ຢູ່ໃນຂອບເຂດ 6 ຕົວເມືອງໃນນະຄອນຫຼວງວຽງຈັນຢູ່ໃນສະພາບປົກກະຕິ.

Off

Comments are closed.