02nd Apr2020

ສານອາຍາຂັ້ນຕອນ ແຂວງອຸດົມໄຊ ຕັດສິນພວກຄ້າຂາຍຢາເສບຕິດ ຈຳຄຸກ ເປັນເວລາ 12 ປີ

by somchan

ໃນວັນທີ 20 ມີນາ 2020 ຄະນະສານອາຍາຂັ້ນຕອນ ແຂວງອຸດົມໄຊ, ໄດ້ຕັດສິນລົງໂທດຕັດອິດສະລະພາບຈຳຄຸກ  ທ້າວ ຈົງວາ ຫຼື ສາ ອາຍຸ 25 ປີ ປະຊາຊົນ ຢູ່ບ້ານນ້ຳຍື່ງ ເມືອງຮຸນ ແຂວງອຸດົມໄຊ ໃນຂໍ້ຫາຄ້າຂາຍຢາເສບຕິດ, ເປັນເວລາ 12 ປີ ພ້ອມທັງປັບໄໝເງິນ 1 ຮ້ອຍກວ່າລ້ານກີບ, ເຊິ່ງຜູ້ກ່ຽວໄດ້ຖືກເຈົ້າໜ້າທີ່ຕຳຫຼວດກັກຕົວໃນວັນທີ 30 ເມສາ 2019, ພ້ອມຢາບ້າ 3.400 ເມັດ, ຝິ່ນຈຳນວນ 1 ກ້ອນ ນ້ຳໜັກ 1 ກິໂລກຣາມ.

ໃນວັນດຽວກັນ ຄະນະສານຂັ້ນຕອນແຂວງອຸດົມໄຊ ຍັງໄດ້ຕັດສິນລົງໂທດຕັດອິດສະລະພາບຈຳຄຸກ ນາງ ແພງຄຳ ອາຍຸ 61 ປີ ປະຊາຊົນ ຢູ່ບ້ານພູລຸ້ງ ເມືອງແບງ ແຂວງອຸດົມໄຊ ໃນຂໍ້ຫາຄ້າຂາຍຢາເສບຕິດ ເປັນເວລາ 3 ປີ ແລະ ປັບໄໝເງິນ 6 ລ້ານກີບ, ເຊິ່ງຜູ້ກ່ຽວໄດ້ຖືກເຈົ້າໜ້າທີ່ຕຳຫຼວດກັກຕົວ ໃນວັນທີ 2 ກໍລະກົດ 2019 ພ້ອມຢາບ້າຈຳນວນ 1 ຮ້ອຍເມັດ

Off

Comments are closed.