02nd Apr2020

ເຈົ້າໜ້າທີ່ຕຳຫຼວດ ປກສ ເມືອງບໍລິຄັນ ກັກຕົວຕ້ອງຫາລັກຊັບໄດ້ 1 ຄົນ

by somchan

ຕາມການລາຍງານຂອງເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງບໍລິຄັນ ແຂວງບໍລິຄຳໄຊ ໃຫ້ຮູ້ວ່າ: ໃນວັນທີ 25 ມີນາທີ່ຜ່ານມານີ້ ສາມາດກັກຕົວຕ້ອງຫາລັກຊັບພົນລະເມືອງໄດ້ 1 ຄົນ ຄື: ທ້າວ ບີ ປະຊາຊົນຢູ່ບ້ານ ຫາດໂພ ເມືອງບໍລິຄັນ ແຂວງບໍລິຄຳໄຊ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ຜູ້ກ່ຽວໃຫ້ການສາລະພາບວ່າ: ໄດ້ເຄື່ອນໄຫວລັກຊັບພົນລະເມືອງມາແລ້ວຫຼາຍຄັ້ງ, ຊຶ່ງຄັ້ງຫຼ້າສຸດ ໃນວັນທີ 12 ມີນາ ຜ່ານມາ ໄປລັກເງິນຢູ່ວັດບ້ານຫາດໂພ ເມືອງບໍລິຄັນ ໄດ້ເງິນຈຳນວນ 1.200.000 ກີບ, ເງິນບາດ 2 ພັນກວ່າບາດ ເງິນດົງ 80 ດົງ. ສ່ວນເງິນທີ່ລັກມາໄດ້ ແມ່ນເອົາໄປໃຊ້ຈ່າຍຫຼິ້ນກິນຟຸມເຟືອຍ ແລະ ຊື້ຢາບ້າມາເສບຈົນໝົດ.

ປະຈຸບັນ ເຈົ້ໜ້າທີ່ພວມດຳເນີນຄະດີຕາມລະບຽບກົດໝາຍ.

Off

Comments are closed.