06th Apr2020

ວັນທີ 6 ເມສາ ພົບຜູ້ຕິດເຊື້ອເພີ່ມ 1 ຄົນ ລວມທັງໝົດ 12 ຄົນ

by somchan

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19ປະຈໍາວັນທີ 6 ເມສາ ປີ2020 ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,ຜູ້ປະຈໍາການຄະນະສະເພາະກິດ

I. ສະພາບການ COVID-19 ໃນທົ່ວໂລກ
ເວລາ 8:30 ໂມງເຊົ້າ ຂອງວັນທີ 6 ເມສາ 2020, ທົ່ວໂລກມີລາຍງານກໍລະນີ ທັງໝົດ 208 ປະເທ/ເຂດ ແລະ 02 ເຮືອສໍາລານ. ເພີ້ມຂື້ນ 3 ປະເທດຄື: 2 ປະເທດຈາກທະວີບອາຟຣິກາ: ສູດານໃຕ້ ແລະ ເວດເທີນຊາຮາລາ  ແລະ ອີກ ເກາະ 01 ຊື່ ແຊັງປີແອກມິເກີລົງ Saint Pierre Miquelon ຢູ່ມະຫາສະໝຸດແອັດແລນຕິກເໝືອ ໃກ້ກັບທະວີບອາເມີຣິກາເໜືອ
ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ1,272,861 ຄົນ (ເພີ່ມຂື້ນ 71,408ຄົນ), ເສຍຊິວິດ 69,424 (ເພີ່ມຂື້ນ 4,737 ຄົນ) ແລະ ປີ່ນປົວຫາຍດີ 262,217 (ເພີ່ມຂື້ນ 15,959).
ບາງປະເທດ ຍັງສືບຕໍ່ ມີລາຍງານກໍລະນີຕິດເຊື້ອເພີມຂື້ນ 23,373 ຄົນ ແລະ ກໍລະນີເສຍຊິວິດເພີມຂື້ນ 1,121 ຄົນ ພາຍໃນ 1 ມື້.

ອົງການອະນາໄມໂລກໄດ້ປະເມີນ ອັດຕາຄວາມຮ້າຍແຮງ 5.45 ຂອງຈໍານວຄົນເຈັບຕິດເຊື້ອທັງໝົດ, ມື້ວານນີ້ 5.38%

II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 4 ເມສາ 2020ຕາມດ່ານຊາຍແດນ ແລະ ສະໜາມບິນສາກົນ
1. ວຽກງານຈຸດຜ່ານດ່ານ
ຈໍານວນຜູ້ເດີນທາງເຂົ້າມາ ທັງໝົດ: 2,830 ຄົນ
ຈໍານວນຜູ້ເດີນທາງຜ່ານສະໜາມບິນ ທັງໝົດ 00ຄົນ
ຈໍານວນຜູ້ເດີນມທາງຜ່ານທາງດ່ານລາວໄທ ທັງໝົດ 2,229 ຄົນ
ຈໍານວນຜູ້ເດີນມທາງຜ່ານທາງດ່ານລາວຈີນທັງໝົດ 212 ຄົນ
ຈໍານວນຜູ້ເດີນມທາງຜ່ານທາງດ່ານລາວຫວຽດທັງໝົດ 488 ຄົນ
ສ່ວນຫຼາຍແມ່ນຜູ້ຂັບລົດຂົນສົ່ງສິນຄ້າ
ຈໍານວນຄົນໄຂ້ທີ່ກວດພົບທັງໝົດ 00 ຄົນ
2. ການເຝົ້າລະວັງ ແລະ ວິເຄາະ
ໃນວັນທີ 5 ເມສາ 2020, ໄດ້ມີກໍລະນີສົງໃສ ແລະ ເກັບຕົວຢ່າງມາກວດ 17 ຄົນ ໄດ້ແກ່
o ນະຄອນຫລວງຽງຈັນ 12 ຄົນ: ຜູ້ສໍາຜັດໃກ້ຊິດ 04 ຄົນ, ກໍລະນີສົງໃສທີ່ພົບ  ໃໝ່ 08
o ຕ່າງແຂວງ 5 ຄົນ ເປັນຕົ້ນ:
ແຂວງຫຼວງນໍ້າທາ 03 ຄົນ
ແຂວງບໍ່ແກ້ວ 01 ຄົນ
ແຂວງໄຊສົມບູນ 01 ຄົນ

ຕົວຢ່າງທີ່ເກັບທັງໝົດ 17 ຄົນ, ຜົນກວດພົບຜູ້ຕິດເຊື້ອ 01 ຄົນ ເຊິງແມ່ນກໍລະນີນໍາເຂົ້າ:

ເປັນນັກສຶກສາເພດຍິງ ອາຍຸ 20 ປີ ຢູ່ບ້ານນາໄຊ, ເມືອງໄຊເສດຖາ, ນະຄອນຫຼວງວຽງຈັນປະຫວັດການເດີນທາງ:

ວັນທີ 22/3/2020 ເດີນທາງຈາກປະເທດອັງກິດ
ວັນທີ 23/3/2020 ເດີນທາງຮອດສະໜາມບິນວັດໄຕໂດຍຜ່ານ
ສະາມບິນສຸວັນນະພູມ ດ້ວຍຖ້ຽວບິນ TG 574
ວັນທີ 24/3/2020 ເລີ່ມຈໍາກັດບໍລິເວນຕົນເອງຢູ່ເຮືອນສວນຂອງຜູ້ກ່ຽວ
ວັນທີ 5/4/2020 ເປັນມື້ທີ 13 ຜູ້ກ່ຽວເລີ່ມມີອາການເຈັບຄໍ, ເຈັບຫົວ, ຫາຍໃຈຍາກ ຈຶ່ງໄດ້ມາກວດຢູ່ໂຮງໝໍມິດຕະພາບ ແລະ ໄດ້ເກັບຕົວຢ່າງມາກວດ ແລະ ພົບວ່າຕິດເຊື້ອໂຄວິດ 19. ປະຈຸບັນແມ່ນນອນປິ່ນປົວຢູ່ຫ້ອງແຍກປ່ຽວ ໂຮງໝໍມິດຕະພາບ.

ແຕ່ເດືອນ ມັງກອນ 2020 ຮອດ ວັນທີ 5 ເມສາ 2020ໄດ້ເກັບຕົວຢ່າງມາກວດທັງໝົດ 621 ຄົນ, ກວດພົບເຊື້ອທັງໝົດ 12 ຄົນ.

o ມາຮອດວັນທີ 5 ເມສາ 2020 ຕົວຢ່າງທັງໝົດໃນນັ້ນມີແຮງງານລາວ ຈາກ ໄທ 86 ຄົນ (ທັງໝົດກວດບໍ່ພົບເຊື້ອ).

5/4/2020 ຍັງມີກໍລະນີຜູ້ສຳຜັດໃກ້ຊິດທີຈະຕ້ອງສືບຕໍຕິດຕາມອາການ  71  ຄົນ

ຂໍຢັ້ງຢືນອີກເທື່ອນຶ່ງວ່າມາຮອດມື້ນີ້ຜູ້ຕິດເຊື້ອທັງໝົດ12 ຄົນ ເຊິ່ງແບ່ງເປັນແຫຼ່ງ ຕິດເຊື້ອອອກເປັນ 5 ກຸ່ມ(ພະນັກງານໂຮງແຮມ, ພະນັກງານນຳທ່ຽວ, ຊ່າງເສີມສວຍ, ພະນັກງານພູເບັ້ຍມາຍນິງ, ນັກສຶກສາຈາກອັງກິດ)

ຂໍ້ແນະນຳ

ຕໍ່ຜູ້ຕິດເຊື້ອຜູ້ທີ 12 ຄົນ ນີ້ເຊິ່ງເປັນນັກສຶກສາລາວເດີນທາງມາຈາກປະເທດອັງກິດ ມາດຕະການສຳຄັນທີ່ຈະຕ້ອງປະຕິບັດ
1. ເອົາໃຈໃສ່ປິ່ນປົວຕໍ່ຜູ້ກ່ຽວ
2. ສົ່ງທິມງານໄດ້ລົງສຳຫຼວດເກັບກຳຂໍ້ມູນຜູ້ສຳພັດໃກ້ຊິດ
ເລີ່ມຈາກຖ້ຽວບິນອອກຈາກປະເທດໄທ ມາ ລາວ
ບ່ອນພັກເຊົາຢູ່ເຮືອນສວນຂອງຜູ້ກ່ຽວເອງ
3. ການອະນາໄມຂ້າເຊື້ຶອລົດສ່ວນໂຕ, ບ່ອນພັກເຊົາຢູເຮືອນສວນຂອງຜູ້ກ່ຽວເອງ
4. ເກັບຕົວຢ່າງຜູ້ສຳພັດໃກ້ຊິດ 2 ຄົນມາກວດ ແລະຕິດຕາມອາການ ສືບຕໍ່ຈຳກັດບໍລິເວນອີກ 14 ວັນ
ມາດຕະການເພີມທະວີປະຕິບັດຄໍາສັ່ງ ນຍ/06, ລົງວັນທີ 29/3/2020
1. ສືບຕໍ່ກວດກາຢ່າງເຄັ່ງຄັດລົດຂົນສົ່ງສິນຄ້າ, ຜູ້ຂັບລົດຂົນສົ່ງຜ່ານຕາມຊາຍແດນ, ສະແກນຫາຜູ້ຕິດເຊື້ອບໍ່ໃຫ້ເຂົ້າມາໃນ ສປປ ລາວ
2. ຄັດແຍກແຮງງານລາວຊອກຫາຜູ້ທີ່ມີຄວາມສ່ຽງສູນໃນການຕິດເຊື້ອ ເກັບຕົວຢ່າງມາວິເຄາະ ຢັ້ງຢືນການບົ່ງມະຕິ
3. ຂະຫຍາຍເຄື່ອງກວດວິເຄາະ ໄປໃຫ້ບາງແຂວງທີ່ມີຄວາມສ່ຽງສູງ
4. ເອົາໃຈໃສ່ປິ່ນປົວ 12 ຄົນທີ່ຕິດເຊື້ອພະຍາດໂຄວິດແລ້ວນີ້ໃຫ້ຫາຍດີໄວ
5. ພະນັກງານ, ລັດຖະກອນ, ປະຊາຊົນບັນດາເຜົ່າຕ້ອງປະຕິບັດມາດຕະການ ຈຳກັດການອອກຈາກເຮືອນ, ການເດີນທາງໄປຕ່າງເມືອງ ຕ່າງແຂວງ ຢ່າງເຄັ່ງຄັດໂດຍສະເພາະຜູ້ສູງອາຍຸ, ຜູ້ມີພະຍາດປະຈຳໂຕ.

ສະນັ້ນ ຮຽກຮ້ອງໃຫ້ ທຸກພາກສ່ວນໃນສັງຄົມມີສ່ວນຮ່ວມຢ່າງເປັນເຈົ້າການດ້ວຍຄວາມ ຮັບຜິດຊອບສູງ  ເປັນຕົ້້ນຕໍ່ເຈົ້າໜ້າທີ່ຢູ່ດ່ານຊາຍແດນ, ເຈົ້າໜາທີ່ດ່ານກວດກາແຕ່ລະແຂວງ, ຜູ້ຖືກແນະນຳໃຫ້ຈຳກັດບໍລິເວນຕົນເອງ, ຄອບຄົວຂອງຜູ້ຖຶກແນະນຳໃຫຈຳກັດຕົນເອງ, ອຳນາດການປົກຄອງທ້ອງຖິ່ນ, ສະເພາະແພດໝໍ, ພະຍາບານຂອງພວກເຮົາກໍຈະໃຊ້ຄວາມພະຍາຍາມສູງ ເພື່ອປິ່ນປົວຄົນເຈັບຕາມຫຼັກວິທະຍາສາດ ເພື່ອໃຫ້ຫາຍດີໄວ.

Off

Comments are closed.