07th Apr2020

ອາເມລິກາມີຜູ້ຕິດເຊື້ອໂຄວິດ-19 ເພີ່ມ27.232ຄົນ ແລະເສຍຊີວິດເພີ່ມ1.127ຄົນ.

by somchan

ໜັງສືພິມປະຊາຊົນລາຍວັນຈີນ: ອົງການອະນາໄມໂລກລາຍງານສະພາບພະຍາດໂຄວິດ19ໃໝ່ຫຼ້າສຸດວ່າ: ນັບມາຮອດວັນທີ 07ເມສາ 7ໂມງຕາມເວລາວຽງຈັນ, ທົ່ວໂລກມີຜູ້ຕິດເຊື້ອພະຍາດທັງໝົດ1.214.973ຄົນ ແລະເສຍຊີວິດແລ້ວ67841ຄົນ. ນອກປະເທດຈີນ ມີຜູ້ຕິດເຊື້ອພະຍາດຫຼາຍກວ່າ 1ລ້ານ1ແສນ3ໝື່ນຄົນ.
ຕາມຕົວເລກຂອງມະຫາວິທະຍາໄລJOHNS HOPKINS ສະຫະລັດອາເມລິກາ, ນັບມາຮອດວັນທີ 06ເມສາ 17ໂມງຕາມເວລາຕາເວັນອອກຂອງອາເມລິກາໃຫ້ຮູ້ວ່າ: ອາເມລິກາມີຜູ້ຕິດເຊື້ອພະຍາດໂຄວິດ 19ຢ່າງໜ້ອຍ362.756ຄົນ, ໃນນັ້ນ ລວມທັງຜູ້ເສຍຊີວິດ10.689ຄົນ, ເປັນປະເທດທີ3 ທີ່ມີຜູ້ເສຍຊີວິດຫຼາຍກວ່າ 1ໝື່ນຄົນ, ຮອງຈາກອີຕາລີ ແລະແອັດສະປາຍ. ຜ່ານມາບໍ່ຮອດ 24ຊົ່ວໂມງ, ອາເມລິກາມີຜູ້ຕິດເຊື້ອເພີ່ມ27.232ຄົນ ແລະເສຍຊີວິດເພີ່ມ1.127ຄົນ.

Off

Comments are closed.