11th Apr2020

ກວດວິເຄາະທັງໝົດ 62 ຄົນ ພົບຜູ້ຕິດເຊື້ອໂຄວິດ-19 ເພີ່ມອີກ 2 ຄົນ ລວມ 18 ຄົນ

by somchan

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ປະຈໍາວັນທີ 11 ເມສາ ປີ 2020 ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ.

I. ສະພາບການ COVID-19 ໃນທົ່ວໂລກ

ມາຮອດເວລາ 6:00 ໂມງເຊົ້າ ຂອງວັນທີ 11 ເມສາ 2020, ທົ່ວໂລກມີລາຍງານກໍລະນີທັງໝົດ 210(ປະເທດ/ເຂດ). (ລາຍງານປະເທດໃໝ່ YEMEN  )

ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ມີ1,696,439 (ໃໝ່ 92,745).
ເສຍຊິວິດ 102,607 (ໃໝ່ 6,914)  
ປີ່ນປົວຫາຍດີ 375,960 ຄົນ
ມີບາງປະເທດ ຈຳນວນຄົນຕິດເຊື້ອມື້ດຽວ ມີເຖິງ32,706 ຄົນ ແລະ ເສຍຊີວິດຫຼາຍກວ່າ 1,975 ຄົນ ຕໍ່ມື້
ອັດຕາຄວາມຮ້າຍແຮງເພີ້ມຂື້ນເປັນ 6,04 % (ມື້ວານນີ້5.97 %)
II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 10 ເມສາ 2020ຕາມດ່ານຊາຍແດນ ແລະ ສະໜາມບິນສາກົນ
1. ວຽກງານຈຸດຜ່ານດ່ານ

ຈໍານວນຜູ້ເດີນທາງເຂົ້າມາ ມີທັງໝົດ 1,713 ຄົນ

ຜູ້ເດີນທາງ ຜ່ານ ດ່ານລາວໄທ ທັງໝົດ 824 ຄົນ, ໃນນັ້ນ ທັງໝົດແມ່ນໂຊເຟີ ແລະ ພະນັກງານຂັບລົດບັນທຸກຂົນສິນຄ້າ
ຜູ້ເດີນທາງ ຜ່ານ ດ່ານລາວຈີນ ທັງໝົດ 283 ຄົນ,​ ທັງໝົດ ແມ່ນພະນັກງານຂັບລົດບັນທຸກຂົນສິນຄ້າ
ຜູ້ເດີນທາງ ຜ່ານ ດ່ານລາວຫວຽດ ທັງໝົດ 606 ຄົນ, ທັງໝົດແມ່ນພະນັກງານຂັບລົດບັນທຸກຂົນສິນຄ້າ
ຜູ້ເດີນທາງ ຜ່ານ ສະໜາມບິນ 00 ຄົນ
ໃນທຸກດ່ານ ແມ່ນໄດ້ກວດວັດ ອຸນຫະພູມຮ່າງກາຍແລະ ບໍ່ມີຄົນເປັນໄຂ້
2. ການເຝົ້າລະວັງ ແລະ ວິເຄາະ
ໃນວັນທີ 10 ເມສາ 2020, ໄດ້ ເກັບຕົວຢ່າງມາກວດທັງໝົດ 62 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ21 ຄົນ, ກໍລະນີສົງໄສໃໝ່ ມີ 40 ຄົນ, ແຮງງານລາວ ທີ່ກັບມາແຕ່ໄທ 01 ຄົນ.
o ໃນຈຳນວນ 62 ຄົນທີ່ມາກວດນັ້ນ ມີ ນະຄອນຫຼວງວຽງຈັນ 40 ຄົນ ແລະ ຕ່າງແຂວງ 22 ຄົນ (ຫຼວງພະບາງ 03 ຄົນ, ໄຊສົມບູນ 02 ຄົນ, ຄຳມ່ວນ 02 ຄົນ, ໄຊຍະບູລີ 03 ຄົນ, ບໍລິຄຳໄຊ 03 ຄົນ, ວຽງຈັນ 04 ຄົນ, ສະຫວັນນະເຂດ 02 ຄົນ ແລະ ສາລະວັນ 01 ຄົນ)ເຊິ່ງຜົນກວດທັງໝົດ ແມ່ນພົບເຊື້ອ 02 ກໍລະນີ, ເຊີ່ງທັັງ 02 ກໍລະນີແມ່ນຜູ້ສຳຜັດໃກ້ຊິດກັບ ກໍລະນີທີ່ 16 ລາຍລະອຽດຄື:

ກໍລະນີ ທີ່ 17: ເພດຍິງ ອາຍຸ 32 ປີ, ອາຊີບ: ຫວ່າງງານ, ໜ່ວຍ 01,  ຢູ່ຫ້ອງແຖວ ຂື້ນກັບບ້ານໜອງດ້ວງທົງ, ເມືອງສີໂຄດຕະບອງ, ນະຄອນຫຼວງວຽງຈັນ (ຢູ່ຫ້ອງແຖວ ເບີ 7).

ຜູ້ກ່ຽວສໍາຜັດໃກ້ຊິດກັບກໍລະນີທີ 016 (ເພດຍິງ ອາຍຸ 23 ປີ ຢູ່ຫ້ອງແຖວດຽວກັນ, ຫ້ອງແຖວເບີ 8)

o ວັນທີ 4 ເມສາ 2020: ຜູ້ກ່ຽວໄດ້ກີນເຂົ້າຮ່ວມກັບກໍລະນີທີ 016 ຢູ່ຫ້ອງແຖວດຽວກັນ ຫ້ອງເບີ 8 (ກິນນຳກັນທັງໝົດ 4 ຄົນ ລ: ຜູ້ກ່ຽວ, ເພດຊາຍ 02 ຄົນ ແລະ ກໍລະນີຢັ້ງຢືນ 016)
o ວັນທີ 5-6 ເມສາ 2020: ເຂົາເຈົ້າຍັງໄດ້ມີການພົວພັນໄປມາຫາສູ່ກັນເປັນປົກກະຕິ.
o ວັນທີ 7 ເມສາ 2020:  ຜູ້ກ່ຽວເລີ່ມຮູ້ສຶກຄີງຮ້ອນ, ໄອແຫ້ງ ແລະ ປວດຕົນໂຕ, ໄດ້ໄປຊື້ຢາຢູ່ຮ້ານຂາຍຢາມາກິນເອງ ແລະ ຍັງໄດ້ກິນເຂົ້າກັບເພື່ອນຢູ່ຫ້ອງແຖວດຽວກັນຈໍານວນ 04 ຄົນ.
o ວັນທີ 08-09 ເມສາ 2020 : ຍັງມີອາການບໍ່ດີຂື້ນ ແຕ່ຜູ້ກ່ຽວໄດ້ພັກຜ່ອນຢູ່ຫ້ອງແຖວ ແລະ
o ວັນທີ 10 ເມສາ 2020: ພາຍຫຼັງທີ່ກໍລະນີທີ່ 16 ຖືກຢັ້ງຢືນວ່າຕິດເຊື້ອໃນວນທີ 09 ທີມງານແພດໄດ້ໂທຕິດຕໍ່ຫາຜູ້ກ່ຽວ ແລະ ສົ່ງລົດອໍາບູລັງ ໄປຮັບເອົາຜູ້ກ່ຽວມາກວດຫາເຊື້ອ ແລະ ເຂົ້ານອນຕິດຕາມ, ປິ່ນປົວ ຢູ່ໂຮງໝໍມິດຕະພາບ
ສັງລວມຜູ້ສໍາຜັດໃກ້ຊິດກັບກໍລະນີີທີ 017 ທັງໝົດມີ 06 ຄົນ (ເຊີ່ງເປັນໝູ່ຢູ່ຫ້ອງແຖວດຽວກັນ ທີ່ກີນເຂົ້າຮ່ວມກັນ ແລະ ໝູ່ທີ່ກີນເຂົ້ານຳກັນຢູ່ບ້ານສາລາຄຳ)

ກໍລະນີທີ 18: ເພດຍິງ, ອາຍຸ 32 ປີ, ອາຊີບ: ຫວ່າງງານ(ເປັນໝູ່ໃກ້ຊິດໃຊ້ຊິວິດຮ່ວມກັນ ຢູ່ຫ້ອງດຽວກັນ ກັບກໍລະນີຢັ້ງຢືນຜູ້ທີ 17) ການເຄື່ອນໄຫວທັງໝົດ ແມ່ນຄືກັນ, ລົດອໍາບູລັງ ໄດ້ມາຮັບໄປໂຮງໝໍໃນເວລາດຽວກັນ.

ນັບແຕ່ເດືອນມັງກອນ ຮອດ ວັນທີ 10 ເມສາ 2020 ໄດ້ເກັບຕົວຢ່າງມາກວດ ທັງໝົດ ມີ 1,094 ຄົນ, ກວດພົບເຊື້ອທັງໝົດ 18 ຄົນ (ມື້ນີ້ພົບເຊື້ອເພີ່ມອີກ 02 ຄົນ) ແລະ ທັງໝົ 18 ຄົນ ແມ່ນນອນປິ່ນປົວຕິດຕາມ ຢູ່ໂຮງໝໍ.
ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 23 ມີນາ10 ເມສາ 2020 ມີ ທັງໝົດ 388 ຄົນ,  ໝົດກໍານົດຕິດຕາມທັງໝົດ 307 ຄົນ, ຍັງສືບຕໍ່ຕິດຕາມທັງໝົດ 81 ຄົນ  ເຊິ່ງມີລາຍລະອຽດັ່ງລຸມນີ້:
ນະຄອນຫຼວງວຽງຈັນ 40 ຄົນ.
ແຂວງໄຊສົມບູນ  36 ຄົນ.
ແຂວງ ຫຼວງພະບາງ 2 ຄົນ.
ແຂວງຄຳມ່ວນ 2 ຄົນ.
ແຂວງວຽງຈັນ 1 ຄົນ
ສຳລັບ ການຕິດຕາມ ສະຖານທີ່ຈຳກັດບໍລິເວນ ແລະ ຜູ້ຈຳກັດບໍລິເວນຢູ່ເຮືອນ ໃນທົ່ວປະເທດ
ສະຖານທີ່ຈຳກັດບໍລິເວນ ໃນຂອບເຂດທົ່ວປະເທດມີ2,142 ແຫ່ງ
ຈຳນວນຄົນທີ່ຕິດຕາມຢູ່ ສູນຈຳກັດບໍລິເວນມີ 68,534 ຄົນ
ຈຳນວນທີ່ຈຳກັດບໍລິເວນ ຢູ່ເຮືອນຂອງຕົນເອງ ມີ44,870 ຄົນ
ສະເພາະ ໃນວັນທີ 10 ເມສາ 2020 ພົບຄົນທີ່ມີອາການສົງໄສ 01 ຄົນ ຈາກແຂວງຄຳມ່ວນ ຜົນກວດບໍ່ພົບເຊື້ອ.
3. ຂໍ້ແນະນຳ

ຄະນະສະເພາະກິດ ແມ່ນມີຄວາມເປັນຫ່ວງເປັນໄຍ ຕໍ່ສຸຂະພາບຂອງປະຊາຊົນ ເປັນທີ່ສຸດ, ການວາງມາດຕະການຫຼາຍໆຢ່າງ ແມ່ນເພື່ອຫຼຸດຜ່ອນ ແລະ ຢັບຢັ້ງ ການລະບາດແຜ່ລາມຂອງພະຍາດ, ແຕ່ວ່າໃນບາງເຂດ, ບາງພາກສ່ວນແລະ ບາງຄົນ ຍັງຖືເບົາ ບໍ່ເຫັນຄວາມສຳຄັນ ໃນການຈັດຕັ້ງປະຕິບັດ ໂດຍສະເພາະ ການຈຳກັດບໍລິເວນ ເມື່ອເປັນຜູ້ສຳ

ຜັໃກ້ຊິດຜູ້ຕິດເຊື້ອ ຫຼື ເດີນທາງມາແຕ່ເຂດລະບາດ. ສະນັ້ນ ມັນເຮັດໃຫ້ສະພາບການລະບາດ ແມ່ນມີການຂະຫຍາຍອອກ. ບົດຮຽນຖອດຖອນໄດ້ ຈາກການຕິດເຊື້ອຂອງກໍລະນີທຳອິດ ມາເຖິງປະຈຸບັນແມ່ນ:

ບໍ່ມີການປະຕິບັດ ຕາມແຈ້ງການຂອງຄະນະສະເພາະກິດຂອງການຈັດຕັ້ງທີ່ກ່ຽວຂ້ອງ ຂອງບຸກຄົນເຊັ່ນວ່າ:
ຜູ້ທີ່ໄດ້ສໍາຜັດໃກ້ຊິດກັບຜູ້ຕິດເຊື້ອ ໄດ້ແນະນໍາໃຫ້ຈໍາກັດບໍລິເວນຕົນເອງ ຕິດຕາມອາການ ແລະ ລາຍງານຕໍ່ແພດ, ກໍລະນີນີ້ ແມ່ນບໍ່ໄດ້ໄປພົບແພດ ແມ່ນຊື້ຢາຢູ່ຮ້ານຂາຍຢາມາກິນເອງຈົນແພດໄດ້ຊອກຄົ້ນຫາ ໂທຕິດຕໍ່ ແລະ ສົ່ງລົດອໍາບູລັງໄປຮັບມາກວດ ແລະ ປິ່ນປົວ
ຜູ້ທີ່ຖືກສົງໄສ ໃຫ້ຈຳກັດບໍລິເວນຕົນເອງຢູ່ເຮືອນ, ຍັງຖືເບົາບໍ່ປະຕິບັດຕາມຄໍາແນະນໍາຢ່າງເຄັ່ງຄັດ ເຊັ່ນວ່າ: ຍັງອອກໄປພົບປະຊຸມແຊວກັບໝູ່ເພື່ອນ ແລະ ໃຊ້ຊິວິດເປັນປົກກະຕິ ຈຶ່ງມີການແຜ່ເຊື້ອໃສ່ຄົນອື່ນ.
ອີກນື່ງອາທິດ ທີ່ຈະມາເຖິງນີ້ ແມ່ນເປັນບຸນປີໃໝ່ລາວແມ່ນຢາກຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນກາຈັດຕັ້ງປະຕິບັດ ຄຳສັ່ງ ເລກທີ 06/ ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນແທ້, ຫ້ມີການຮັກສາໄລຍະຫ່າງ, ຫຼີກລ້ຽງ ານຊຸມແຊວເປັນກຸ່ມ, ການປະກອບວຽກງານ ທາງສາດສະໜາກໍ່ຄວນປະຕິບັດ ແບບ ບໍ່ມີການລວມກຸ່ມໃຫຍ່.
Off

Comments are closed.