18th Apr2020

ປະເທດລາວບໍ່ພົບຜູ້ຕິດເຊື້ອພະຍາດໂຄວິດ-19 ເພີ່ມ

by somchan

ອີງຕາມການຖະແຫຼ່ງຂ່າວປະຈຳວັນທີ 18 ເມສາ 2020 ທ່ານ ຮສ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກຜູ້ປະຈຳການຄະນະສະເພາະກິດເພື່ອງປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ກ່າວວ່າ: ວັນທີ 17 ເມສາ ຄະນະຮັບຜິດຊອບໄດ້ເກັບຕົວຢ່າງມາກວດທັງຫມົດ 27 ກໍລະນີ ໃນນີ້ ບໍ່ພົບຜູ້ຕິດເຊື້ອ ເຊິ່ງເປັນມື້ທີ 6 ຕິດຕໍ່ກັນ ທີ່ບໍ່ພົບຜູ້ຕິດເຊື້ອ ຕົວເລກສັງລວມແມ່ນຢູ່ທີ່ 19 ຄົນ ປິ່ນປົວດີແລ້ວ 2 ຄົນ.

ທ່ານຍັງໃຫ້ຮູ້ຕື່ມອີກວ່າ ສຳລັບຜູ້ຕິດເຊື້ອທີ່ຍັງຢູ່ໃນການປິ່ນປົວ 17 ກໍລະນີ ແມ່ນຢູ່ໂຮງໝໍແຂວງຫຼວງພະບາງ 3 ຄົນ ແລະໂຮງໝໍມິດຕະພາບ 14 ຄົນ ອາການແມ່ນຢູ່ໃນສະພາວະທີ່ດີ.

Off

Comments are closed.