24th Apr2020

ປກສ ນະຄອນໄກສອນພົມວິຫານ ຍັງສຶບຕໍ່ເຄັ່ງຄັດ ຄຳສັ່ງເລກທີ 06/ນຍ ເຂັ້ມງວດມາດຕະການ ຄົນເຂົ້າ-ອອກເມືອງແລະບ້ານ.

by somchan

ວັນທີ22 ເມສາ2020ນີ້ ກອງບັນຊາການ ປກສ ນະຄອນໄກສອນພົມວິຫານແຂວງສະຫວັນນະເຂດ ຍັງສຶບຕໍ່ເຄັ່ງຄັດ ຄຳສັ່ງ 06/ນຍ ຂອງນາຍົກລັດຖະມົນຕີ  ພ້ອມທັງວາງມາດຕະການຢ່າງເຂັ້ມງວດ ໃນການສັນຈອນ, ການເດີນທາງ,ການຊຸມແຊວເປັນກຸ່ມກ້ອນ,ຮ້ານບັນເທິງ ແລະການເດີນທາງ ອອກຈາກບ້ານເຮືອນຕ່າງໆ.

ເພື່ອປະຕິບັດມາດຕະການ ຕອບໂຕ້ແລະສຶບຕໍ່ຕັ້ງຈຸດກວດກາຢູ່ຕາມບັນດາເສັ້ນທາງເຂົ້າ-ອອກ ບ້ານຕໍ່ບ້ານ,ເມືອງຕໍ່ເມືອງແລະແຂວງຕໍ່ແຂວງ,ທາງກອງບັນຊາການປກສນະຄອນໄກສອນພົມວິຫານ ສຸມໃສ່ແນະແນະນຳໃຫ້ ປກສກຸ່ມບ້ານ,ນາຍບ້ານ ສຶບຕໍປະຈຳການ,ອອກກວດກາຕິດຕາມໃນຍາມຄໍ່າຄືນແລະສຸມໃສ່ທຸກວິທີທາງໃນການປ້ອງກັນ,ເຜົ້າລະວັງ ສະກັດກັ້ນເຊື້ອພະຍາດໂຄວິດ-19 ບໍ່ໃຫ້ມີການແຜ່ລະບາດ ພ້ອມທັງສຸມໃສ່ແກ້ໄຂບັນຫາປະກົດການຫຍໍ້ທໍ້ທີ່ຍັງເກີດຂຶ້ນຢູ່ໃນສັງຄົມ ໃຫ້ມີຄວາມສະຫງົບແລະຄວາມປອດໄພ 100%,ຈຶ່ງຈັດຕັ້ງກຳລັງລົງຕັ້ງຈຸດກວດກາເພື່ອເຮັດໜ້າທີ່ປ້ອງກັນຄວບຄຸມແກ້ໄຂການລະບາດຂອງພະຍາດໂຄວິດ-19,ເຊິ່ງພາຍໃນເທດສະບານນະຄອນໄກສອນພົມວິຫານລວມມີ 3ຈຸດຄື:ຈຸດກວດກາຖະໜົນພໍ່ກະດວດ,ຈຸດກວດກາຖະໜົນລາດຊະວົງເສິກ ແລະຈຸດກວດກາຖະໜົນສີສະຫວ່າງວົງ,ໃນການຈັດຕັ້ງຈຸດກວດກາແມ່ນຈະໄດ້ເຮັດໜ້າທີ່ໂຄສະນາປະຊາສຳພັນ ກ່ຽວກັບລະບຽບການ ແລະຂໍ້ຫ້າມຕ່າງໆຫຼືແຈ້ງການໃຫ້ປະຊາຊົນ,ຜູ້ປະກອບການ,ລວມທັງບຸກຄົນທົ່ວໄປ,ຫ້າມບໍ່ໃຫ້ມີການຕັ້ງກຸ່ມຊຸມແຊວເປັນຈຳນວນຫຼາຍຄົນ,ນອກຈາກນີ້ຍັງໄດ້ຮຽກຮ້ອງໃຫ້ໝົດທຸກຄົນເອົາໃຈໃສ່ນຳກັນ, ເປັນຕົ້ນແມ່ນຢູ່ບ້ານ, ຢູ່ເຮືອນ, ບໍ່ໃຫ້ມີການໄປມາຫາສູ່, ຕັ້ງກຸ່ມຊຸມແຊວ, ຈັດງານສ້າງສັນມ່ວນຊື່ນ, ທັງນີ້ກໍ່ເພື່ອເປັນການປ້ອງກັນອຸປະຕິເຫດລວມໄປເຖິ່ງການປ້ອງກັນເພື່ອບໍ່ໃຫ້ມີການລະບາດຂອງພະຍາດໂຄວິດ-19, ໃນໂອກາດດຽວກັນນີ້; ຫຼາຍພາກສ່ວນຍັງນຳເອົາຜ້າປິດປາກ ແລະ ເຄື່ອງອຸປະໂພກ, ບໍລິໂພກຈຳນວນໜຶ່ງລົງຊຸກຍູ້ໃຫ້ແຕ່ລະຈຸດກວດກາດັ່ງກ່າວ.

Off

Comments are closed.