24th Apr2020

ສາມພາກສ່ວນມອບຜ້າອັດປາກ-ດັງ ໃຫ້ພາກສ່ວນຕ່າງພາຍໃນນະຄອນຫຼວງວຽງຈັນ

by somchan

ສູນກາງແນວລາວສ້າງຊາດ ພ້ອມດ້ວຍ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ແລະ ບໍລິສັດລາວເວີນ ມະຫາຊົນ ໄດ້ຮ່ວມກັນມອບຜ້າອັດປາກ-ດັງ ຈຳນວນ 65.000 ອັນ ລວມມູນຄ່າ 208.000.000 ກີບ ໃຫ້ແກ່ພາກສ່ວນຕ່າງໆໃນນະຄອນຫຼວງວຽງຈັນ.     ໃນວັນທີ 24 ເມສາ 2020, ເຂົ້າຮ່ວມມີ ພະອາຈານ ພົງສະຫວັນ ອານສິນ ປະທານມູນນິທິຊ່ວຍເຫຼືອຄົນທຸກຍາກ ສາຂາ ນວ, ທ່ານ ທັດນະຄອນ ທຳມະວົງ ປະທານບໍລິສັດລາວເວີນມະຫາຊົນ ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດດຽວກັນນີ້ ຮສຈ ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດໄດ້ ກ່າວວ່າ: ໂດຍເຫັນໄດ້ຄວາມສຳຄັນ ແລະ ຄວາມຈຳເປັນ ໃນການປະສວນອັນສຳຄັນເຂົ້າໃນພາລະກິດຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19, ໃນນີ້ໄດ້ຮ່ວມກັນມອບຜ້າອັດປາກ-ດັງຈຳນວນ 65.000 ອັນ ລວມມູນຄ່າ 208.000.000 ກີບ ໃຫ້ແກ່ພາກສ່ວນທີ່ຕ່າງໆກ່ຽວຂ້ອງພາຍໃນນະຄອນຫຼວງວຽງຈັນ ເປັນຕົ້ນແມ່ນ ສູນກາງພຸດທະສາດສະໜາສຳພັນລາວ ຈຳນວນ 50 ກັບ, ມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ 100 ກີບ ແລະ ສາຂາ ນະຄອນຫຼວງວຽງຈັນ 80ກັບ, ກູ້ໄພ 9 ໜ່ວຍງານ ລະ 20 ກັບ, ໂຮງໝໍສູນກາງ 103 ຈຳນວນ 150 ກັບ, ໂຮງໝໍມິດຕະພາບ 150 ຕຽງ ຈຳນວນ 150 ກັບ, ໂຮງໝໍມະໂຫສົດ ຈຳນວນ100 ກັບ, ໂຮງໝໍເສດຖາທິລາດ ຈຳນວນ 100 ກັບ, ໂຮງໝໍແມ່ ແລະ ເດັກ 30 ກັບ, ໂຮງໝໍແມ່ ແລະ ເດັກ 150 ຕຽງ 30 ກັບ, ຕຳຫຼວດຈາລະຈອນ 9 ຕົວເມືອງ ນວ ເມືອງລະ 10 ກັບ, ສື່ມວນຊົນ 10 ພາກສ່ວນ ພາກສ່ວນລະ 10 ກັບ ແລະ ກອງບັນຊາການທະຫານ ນວ 50 ກັບ ເພື່ອເປັນການປະກອບສ່ວນເຂົ້າໃນພາລະກິດຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19.

 

Off

Comments are closed.